Abhafiripi 2:11 - Imuuma Eehya

¹¹ Na kera ömöntö aikërri igha, Yëësu Kiristo we Omonene, ko okokora igho, Waryobha Taata atöönibhwinga.

Abhafiripi 2:11 ပူးပေါင်းရင်းမြစ်များ

Mataayo 10:32

“Ömöntö wowonswe ono arinyikërrya mo-bhantö igha nu-uwaane, öni wonswe nindimwikërrya ko-Taata uwa mu-ryobha.

Ruuka 2:11

Engʼana iyö ni-igha, Ömötöörya uwëënyu aibhööywë reero mu-mughi ughwa Daudi. Ömötöörya uyö, we Kiristo Omonene.

Yohana 12:42

Nokaanyoora ni-igho yaarë, abhatangati abha Abhayahudi m-baaru bhaamukumiri, kasi ko bhoora bhoobhohanga Abhafarisaayo, tebhaghambanga harabhu igho igha bhamukumiri hë. Ko bhoora bhoobhohanga ukurughibhwa mu-nyumba iya esango iya Abhayahudi.

Yohana 13:13

Bhëënyu moramberekera igha, ‘Umwëghya,’ ghwiki moramberekera igha, ‘Omonene.’ M-buuya mokokora okomberekera igho, ko bhoora ni-igho ndë.

Yohana 13:14

Öni, nu-Mwëghya uwëënyu ndë, kora no-Monene uwëënyu ndë. Hano okomaaha mbaisaabhëri amaghörö, ku bhuyö na bhëënyu bhonswe, mobhenga moraisabhania amaghörö.

Yohana 14:13

Ëkëntö kyokyonse keno moraasabhe okohetera iriina iryane, nendaabhakorre, okore Taata atöönibhwi okohetera ko-Moona uwaaye.

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 17:1

Hano Yëësu yaamarrë okoghamba amangʼana ghayö ghonswe igho, akagharamera mu-ryobha, akasaasaama igha, “Bhoono Taata enkaagha ihikirë. Örökya abhantö ubhuhika ubhwa Omoona uwaaho, okore na öni Omoona uwaaho, nöröki abhantö ubhuhika ubhwaho kya igho bhörë.

Yohana 20:28

Toomasi akamohonshora igha, “Omonene uwaane na Waryobha uwaane!”

Yohana 5:23

Yaakörrë igho, okore abhantö bhonswe igho bhasooke Omoona kya bhono bhakosooka Taata. Ömöntö ono atakonsooka öni Omoona, uyö takosooka Taata ono yaantoma.

Yohana 9:22

Abhaibhöri abhaaye bhaaghambirë igho, ko bhoora bhoobhohanga abhatangati bhayö. Abhatangati bhaarenga bhaaikererraini igha, ömöntö wowonswe igho ono akwikërrya igha Yëësu n-Kiristo, mbaraamughire mu-nyumba iya esango iya Abhayahudi.

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

Amangʼana agha Abhatomwa 2:36

Peetero akamarërrya ko okoghamba igha, “Ku bhuyö, Abhaisiraëri bhonswe igho, ni-igha momanye bhuuya igha, Waryobha, akörrë Yëësu uyö, okobha Omonene na Kiristo. Na Kiristo uyöuyö, we mwaahanëkirë ko-mosarabha haara, mokamwita!”

Abharuumi 14:11

Amaandeko Amahörëëru gharaghamba igha, “M-maheene, Omonene Waryobha araghamba igha, ‘Kera ömöntö narentemera hansë ibhiru, kera ömöntö narinkumya ko bhoghambi ubhwaye umwene.’”

Abharuumi 14:9

Ko bhoora Yëësu Kiristo yaakuurë, akaryoka, bhoono m-möhöru, okore abhe Omonene uwa bhonswe igho, abhaku na abhahöru.

Abharuumi 15:9

Ghwiki ni-igha, yaaishirë, okore Abhakyaro bhatööni Waryobha ko amaabhë aghaaye. N-kya bhono Amaandeko Amahörëëru ghakoghamba igha, “Mbe, nendaakötööni ko-Bhakyaro, nendaakörëëtëri amarëëtyö agha ökökötöönia uwe.”

1 Abhakörintö 12:3

Ku bhuyö nkutuna ndë bhëënyu momanye igha, taaho ömöntö ono akotangatwa na Umwika uwa Waryobha, amare aghambe igha, “Yëësu aihiimwe.” Ghwiki ömöntö ono atakotangatwa na Umwika Ömöhörëëru uwa Waryobha, takotora okoghamba igha, “Yëësu we Omonene.”

1 Abhakörintö 15:47

Ömöntö uwa mbere, yaabhömbirwë ukurwa ku-rirobha. Kasi ömöntö uwa kabhërë we mu-ryobha yaaruurë.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

1 Peetero 1:21

Bhëënyu nkukumya mörë Waryobha, okohetera ku-Yëësu Kiristo. Waryobha, we yaamuryökëri ukurwa mo-bhaku, akamohaana ubhuhika. Kiyö nkyo kekoghera morakumya Waryobha na ukumwesegha.

1 Yohana 4:15

Ömöntö wowonswe igho ono akwikërrya igha, Yëësu Kiristo m-Moona uwa Waryobha, uyö naana öbhömwë na Waryobha, na Waryobha wonswe, naana öbhömwë na ömöntö kya uyö.

1 Yohana 4:2

Enshera iya okomanya igha ömöntö nyabhorebhe nkotangatwa arë na Umwika uwa Waryobha, ni-igha ërë. Ömöntö wowonswe ono akwikërrya igha Yëësu Kiristo yaasha ko-kebhara kono aana ömöbhërë kya gheno tonaghyo, uyö we akotangatwa na Umwika Ömöhörëëru uwa Waryobha.

2 Yohana 1:7

Nkobhatëëbhya ndë igho, ko bhoora abharongo abhaaru bheebhoka ko-kebhara kono. Abharongo bhayö, tebhakwikërrya igha Yëësu Kiristo, yaaishirë ko-kebhara kono, aana ömöbhërë kya gheno tonaghyo. Ömöntö wowonswe igho ono akoghamba bhuyö, uyö m-morongo, kora m-mubhisa uwa Kiristo.

Okohonyora 3:5

Ömöntö wowonswe ono arekera amangʼana ghayö, nindimwibhöhya singibho sendabhu kya bhayö. Tindiruusya iriina iryaye mo-Ketabho ikya Öbhöhöru. Kasi nindimwikërrya mbere iya Taata Waryobha na abhamaraika abhaaye igha, ono nu-uwaane.