Abhafiripi 2:10 - Imuuma Eehya

¹⁰ okore ëbhëntö bhyonswe igho, bhesooke iriina irya Yëësu, ibhya mu-ryobha, ibhya ko-kebhara na ibhya mu-kyaro ikya abhaku.

Abhafiripi 2:10 ပူးပေါင်းရင်းမြစ်များ

Mataayo 12:40

Kya bhoora Yoona yaabhaayë mo-nda iya ughuswë ku-sinsikö isatö, omobhasö na ubhutikö, ni-igho öni Omoona uwa Ömöntö ndebha mo-mbeehera sinsikö isatö, omobhasö na ubhutikö.

Mataayo 27:29

Bhakakora ikirighi ikya amahwa, bhakamötöörya ko-motwe. Bhakamohaana na umunyaamunsi mo-kobhoko ukwa bhoryo, okore abhe kya omokama. Bhakamotemera hansë ibhiru kya bhano bhakomosaasaama. Bhakasimya ukumushabhura na okomosera. Bhakabha bharamökëërya igha, “Ore Omokama Uwa Abhayahudi, waraayë.”

Mataayo 28:18

Mbe, Yëësu akabhasuntarra, akabhatëëbhya igha, “Waryobha angʼaayë ubhwera bhwonswe igho ubhwa mu-ryobha na ko-kebhara kono.

Abharuumi 11:4

Kasi Waryobha iyakë yaamöhönshööyë? Yaamöhönshööyë igha, “Naisaaghërya abhantö ëbhëkwë muhungatë Isiraëri hano, bhano bhatakosengerra Bhaari.”

Abhaëfësö 1:10

Ësëëmyö iyaaye ni-igha hano enkaagha inshiiya irihika, naretoora hamwë ëbhëntö bhyonswe igho, ibhya mu-ryobha na ibhya ko-kebhara kono, kora akore Kiristo Yëësu abhe omotangati uwa ëbhëntö bhiyö.

Abhaëfësö 3:14

Hano naitegherra ësëëmyö enene iya Waryobha iyö, nkotema ndë hansë ibhiru mbasaasaamera ko-Taata uwëëtö Waryobha.

Abhaëfësö 4:9

Mbe, ensonga iya engʼana iyö igha, “Yaainyökirë ukughya ighörö,” në-ëëhë? Ensonga iyaamo ni-igha, yaatangatirë ukwika hansë akaasha ko-kebhara kono, ataraainyoka.

Abhaëbhuraania 1:6

Hano yaarëëtirë Omoona uwaaye umumwëmwë ko-kebhara kono, yaaghambirë igha, “Abhamaraika abhaane bhonswe igho, bhamosengerrenga.”

Okohonyora 20:13

Inyansha ekahongora abhaku bhano bhaare-mo. Uruku na ikyaro ikya abhaku bhyonswe bhekahongora abhaku abha-mo. Kera ömöntö akabhotorrwa ikiina okorengʼaana na amangʼana aghaaye.

Okohonyora 4:10

Enkaagha eno Waryobha yaakumibhwanga na ëbhëntö bheno bhekoheeshera bheera, abhaghaaka merongo ëbhërë na abhane bhakaighwësya hansë bhubhuumaayë ko-maghörö aghaaye, bhakasaasaama Waryobha ono aaho amakora ghonswe igho. Kora mbyaaruusyanga ibhirighi ibhyabho ibhya ekekama bherabhetoora mbere iya ikitumbë ikya ekekama keera na eno bheraghamba igha,

Okohonyora 5:3

Kasi tiyatöökirë-ho ömöntö kora ömwë mu-ryobha iyö, handë ko-kebhara, kora mu-kyaro ikya abhaku ono yaingʼarëëyë okokehonyora akesome.