Abhafiripi 1:5 - Imuuma Eehya

⁵ ko bhoora bhëënyu mwabha ëkëntö ëkëmwë na öni, ko okoraareka Amangʼana Amaiya agha Yëësu Kiristo. Mwaakörrë igho ukurwa urusikö roora mwaakumiri okohekera urusikö urwa reero.

Abhafiripi 1:5 ပူးပေါင်းရင်းမြစ်များ

Amangʼana agha Abhatomwa 2:42

Abheegha abha Yëësu bhaanaghirë mö-mëëghyö agha abhatomwa abha Yëësu. Bhaasanganga hamwë omokaate, na okosaasaama Waryobha.

Abharuumi 11:17

Amasagharya aghandë ghaagheeshwa, na bhëënyu bhano monga kya Ëmëzëituuni ighya mwi-sisi mokaroobhwa-ko, okore mosange hamwë na amasagharya agha ömözëituuni ghono ghotarë ughwa mwi-sisi.

Abharuumi 12:13

Mötöörringa abhantö abha Waryobha bhano bhaana obhohabhë. Mokore omotono ughwa ökösërëënia abhaghëni.

Abharuumi 15:26

Abhakumya abha Omonene uwëëtö Yëësu Kiristo bhano bharëngë Makedonia na Akaaya, bhaarööshë igha bharuusi ëbhëntö ibhyabho bhatöörri abhakumya abhatöbhu abha Ikiyahudi abha Yërusarëëmu.

1 Abhakörintö 1:9

Waryobha nu-uwa heene, yaabhabherekera, okore mobhe na öbhömwë na Omoona uwaaye, Yëësu Kiristo Omonene uwëëtö.

2 Abhakörintö 8:1

Mbe, bhoono nkutuna törë bhëënyu abhakumya bharikyëtö, momanye örööbhö urwa Waryobha rono amakanisa agha Makedonia ghaanyoora.

Abhaëfësö 3:6

Ësëëmyö iya Waryobha ni-igha, umwandö n-gömwë Abhakyaro bhakosanga na Abhayahudi. Abhantö bhonswe igho bhano bhakukumya Amangʼana Amaiya, bhabhaayë kya ömöbhërë öghömwë, kora nkosanga bharë riraghano reerareera, reno Waryobha yaakörrë okohetera ku-Kiristo Yëësu.

Abhafiripi 1:12

Mbe, abhakumya bharikyëtö, nkutuna ndë momanye bhuuya igha, amangʼana ghonswe igho ghano ghaannyoora, ngaasangania bhököngʼu ököntöörrya okoromaania Amangʼana Amaiya.

Abhafiripi 1:16

Nyankoro nshiiya, bho nkokora bharë igho, ku righonshe reno bhanaryo ku-öni, ko bhoora mbamanyirë bhuuya igha, Waryobha yaantoora mo-kebhohe, okore nkiinanere Amangʼana Amaiya.

Abhafiripi 1:27

Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

Abhafiripi 1:7

M-buuya nkokora okobhatemera omotwe bhëënyu bhonswe igho ko amangʼana ghayö, ko bhoora nembahanshirë bhököngʼu. Nkosanga mörë na öni örööbhö urwa Waryobha, ukukiinanera Amangʼana Amaiya na okoghaimererra hamwë na bhëënyu, nokaanyoora igha mo-kebhohe ndë, handë igha temo-kebhohe ndë hë.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

Abhafiripi 2:22

Kasi mmomanyirë bhono Timoteo akwiyörökya igha, m-möntö uwa heene. Yaakora emeremo ighya okoraareka Amangʼana Amaiya hamwë na öni, kya omoona na suwaabho.

Abhafiripi 4:3

Kora uwe ömöntö uwa heene, ömököri uwa emeremo murikyane, ndakosabha ötöörri abhakari abhabhërë bhayö, bhabhe ikiina ëkëmwë. Bhayö bhonswe igho bhabhërë, mbaarë na omotono bhököngʼu hamwë na öni ughwa okoraareka Amangʼana Amaiya agha Yëësu Kiristo ko-bhantö. Ghwiki abhakari bhayö, mbaakörrë emeremo hamwë na Kërëmënti na abhantö abhandë, abhaköri abha emeremo bharikyane. Amariina agha abhantö bhayö bhonswe igho, ngaandëkirwë mo-Ketabho ikya Öbhöhöru.

Firimoni 1:17

Mbe, nyoore omanyirë igha öni na uwe n-këntö këmwë törëngë, umwikërri kya bhono okaanyikërëëyi öni.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

1 Yohana 1:3

Uyö twaamaaha na ukumwighwa, we tokobharaarekera amangʼana aghaaye. Torabharaarekera, okore mobhe na öbhömwë na bhëëtö ubhwa ukumukumya. Bhëëtö ntoona öbhömwë na Taata Waryobha, bhaana Omoona uwaaye Yëësu Kiristo.

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.