Abhafiripi 1:29 - Imuuma Eehya

²⁹ Ko bhoora tukukumya Kiristo ukwene igho mwaahaanwa, kasi kora inyanko yonswe mwatoorrwa-ho ko okoghera iya we.

Abhafiripi 1:29 ပူးပေါင်းရင်းမြစ်များ

Mataayo 16:17

Yëësu akatëëbhya Peetero igha, “Uwe Simööni mura uwa Yoona, wangʼoorwa, ko bhoora taaho ömöntö ono aköhönyörrëëyë ghayö, kasi n-Taata uwa mu-ryobha, we aköhönyörrëëyë.

Amangʼana agha Abhatomwa 13:39

Ömöntö wowonswe igho ono akumukumya, nkokorwa arë na Waryobha abha ömöntö uwa heene. Engʼana iyö amaraghërryö agha Mosa, teghaaghetoranga hë.

Amangʼana agha Abhatomwa 14:22

Bhakaheta mu-mighi ghiyö bharatërëmya abheegha abha Yëësu, okore bhaghëndërri okobha na umukumo. Mbaabhatërëmyanga ko okobhatëëbhya igha, “Ni-igha tohetere mu-nyanko insharu, totaraasoha mo-Bhokama ubhwa Waryobha.”

Amangʼana agha Abhatomwa 14:27

Hano bhaahikirë Antiökia, bhakakora-ho Ikiikaro ikya ekanisa. Bhakatëëbhya abhantö amangʼana ghonswe igho ghano Waryobha yaakörrë okohetera bho, na kya igho yaakörëëyë Abhakyaro enshera iya ukukumya Yëësu.

Amangʼana agha Abhatomwa 5:41

Abhatomwa bhayö, bhakarwa mu-ribharasa hayö bhashömëëywë, ko bhoora Waryobha yaatunirë bhasookwe ko enshera iya okoserwa ko okohetera iriina irya Yëësu.

Abharuumi 5:3

Bhoono kora ntokaanyoora inyanko, kasi tushomerwenga, ko bhoora ntomanyirë igha inyanko iyö, nkotokora ërë töghömërri ku-mukumo ughwëtö.

Abhaëfësö 2:8

N-ko okoghera iya örööbhö urwa amaabhë aghaaye, nkyo kyaaghërrë Akabhatöörya ku umukumo ghono moonagho ku-Yëësu Kiristo. Tiyabhatöörya ko okoghera igha mwaamokorra ëkëntö kyokyonswe keera, ti-igho hë, kasi iyö ni-tuho eno Waryobha yaabhahaana.

Abhakorosaai 2:12

Mbe, hano mwaabhatiisiibhwi, mwaakurë hamwë na Kiristo, kora ghwiki mokaryoka hamwë nawe ko bhoora mwaaisëghirë obhotoro ubhwa Waryobha ono yaamuryökëri ukurwa mo-bhaku.

Yaakobho 1:2

Abhakumya bharikyane, mushomerwenga hano mwashaashwa ukushaashwa kwokwonswe koora,

1 Peetero 4:13

Kasi bhoono bhëënyu mushomerwe igha, nkunyoora mörë inyaanyi, kya bhoora Kiristo yaanyöörrë. Bhoono ni-igha, mushomerwenga, okore muushe kushomerwa bhököngʼu, hano ariisha na ubhuhika ubhwaye bhötöörwë harabhu igho.