Abhafiripi 1:27 - Imuuma Eehya

²⁷ Engʼana enene ni-igha, mobhe na eteemo eno ekorengʼana na Amangʼana Amaiya agha Kiristo. Hano ndaashe okobhamaaha handë nange ukuusha, kasi nighwenga igha, nköghëndërrya mörë okonagha, kora moona öbhömwë. Nkunyankera mörë hamwë umukumo ghono ghokotooka ko Amangʼana Amaiya.

Abhafiripi 1:27 ပူးပေါင်းရင်းမြစ်များ

Mataayo 12:25

Yëësu yaamanyirë amaitegherro aghaabho, ku bhuyö akabhatëëbhya igha, “Hano abhantö abha obhokama öbhömwë bhaitana, obhokama bhuyö nkusika bhörë. Na hano abhantö abha mu-mughi nyabhorebhe handë abha mu-mughi ughwa ömöntö bhaahokana, bhaitane abheene ko abheene, nkusika bharë.

Amangʼana agha Abhatomwa 2:46

Bhaasikananga mo-bhogho ubhwa risengerro irya Waryobha sinsikö syonswe igho. Bhaasanganga omokaate mu-sinyumba isyabho, na okorya hamwë ibhyakorya bhashömëëywë mo-senkoro isyabho.

Amangʼana agha Abhatomwa 24:24

Hano sinsikö nyabhorebhe syaahëtirë, Fëriki akaasha na mokaaye ono yaabherekerwanga igha Durusira, umusubhaati uwa Abhayahudi. Akabherekera Pauro aashe. Akamwitegherra ko amangʼana agha okobha na umukumo ku-Kiristo Yëësu.

Amangʼana agha Abhatomwa 4:32

Abhakumya bhonswe igho mbaarë na öbhömwë ko maitegherro aghaabho, na senkoro isyabho. Taaho ömöntö ono yaaghambirë igha, ëbhëntö ibhyaye ni-bhyaye umwene igho hë. Kasi mbasanganga hamwë hayö.

Abharuumi 1:16

Amangʼana Amaiya ghayö, ngo obhotoro ubhwa Waryobha bhono bhököhönia abhantö bhonswe igho, bhano bhakukumya Yëësu. Nkusimirya bhörë ko-Bhayahudi, bhughya igho bhohekeera abhantö bhano bhatarë Abhayahudi. Ku bhuyö öni tenkosooka okoraareka Amangʼana Amaiya ghayö hë.

Abharuumi 1:5

Waryobha yaangʼaayë örööbhö mbe omotomwa, okohetera ku-uyö. Yaakörrë igho, okore ntëëbhi Abhakyaro bhonswe igho, bhakumi Yëësu, kora bhatööni iriina iryaye.

Abharuumi 1:9

Waryobha ono nkutighinkanera kwa nkoro ëmwë igho, hano naraarekera abhantö Amangʼana Amaiya agha Omoona uwaaye, namanyirë kya bhono nkobhasabhera nkaagha syonswe igho.

Abharuumi 10:8

Nokaanyoora ni-igho ërë, kasi Amaandeko Amahörëëru nkoghamba gharë igha, “Engʼana iya Waryobha haangʼë ërë na uwe, m-munywa ughwaho na mo-nkoro iyaaho ërë.” Ensonga iyaamo ni-igha, engʼana iyö, ni-iya öbhötöörya eno tokoraareka, ko okohetera umukumo ughwene igho.

Abharuumi 15:16

okore mbe ömököri uwa emeremo uwa Kiristo Yëësu ko-Bhakyaro. Ensonga iyaamo ni-igha, naakorwa ömösëngëri uwa okoraareka Amangʼana Amaiya agha Waryobha, okore Abhakyaro bhabhe kya ibhimwenso bheno bhëkötëghërya Waryobha, bheno bhyaarabhwa na Umwika Ömöhörëëru.

Abharuumi 15:29

Nemanyirë igha, Yëësu Kiristo naretongʼoora öni na bhëënyu bhonswe igho hamwë ko-nkaagha eno urinyoora ndëngë kö-bhëënyu hayö.

1 Abhakörintö 1:10

Abhakumya bharikyane, ndabhasaasaama okohetera iriina irya Omonene uwëëtö Yëësu Kiristo igha, mobhe na ubhwighwerrani, hayö ho moraabhe ëkëntö ëkëmwë. Mwangarre motakaahokana, kasi mobhe ëkëntö ëkëmwë, bhanyakiina ëkëmwë.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

2 Abhakörintö 9:13

Ndabhatëëbhya igha, mbaraatööni Waryobha, ko bhoora emeremo ighyënyu nkwörökya ghërë igha, bhëënyu m-baköri abha emeremo abhaiya mörë. Ghwiki mbaraatööni Waryobha, ko okoghera iya ukwighwera ukwënyu ukwa ukwikërrya Amangʼana Amaiya agha Yëësu Kiristo, na ökösërëënia ukwënyu kono mokobhasërëënia, kora na ko-bhantö bhonswe igho.

Abhagharatia 1:7

Obhoheene ni-igha, teghaaho Amangʼana Amaiya aghandë okokera ghayö hë. Nkoghamba ndë ghayö ko bhoora igha, bhaaho abhantö bhano bhakobhabhurunga. Kora nkutuna bharë igha bhasyöri Amangʼana Amaiya agha Kiristo.

Abhaëfësö 1:13

Hano na bhëënyu bhonswe mwaaighuurë engʼana iya obhoheene iya Amangʼana Amaiya agha bhono Waryobha akobhahönia, mokaikërrya. Waryobha akabhatoorra-ko umuhuri ughwaye. Eharama iyö, nu-Mwika Ömöhörëëru ono Waryobha yaabhahaana kya bhoora yaaraghaini igha, nakaabhahaayë. Yaakörrë igho, ukwörökya igha, bhëënyu bhonswe m-bantö abhaaye mörë.

Abhaëfësö 1:15

Nkukumya ndë Waryobha ko okoghera iya amangʼana ghonswe igho ghano yaatokorra. Kerenga naighwa kya bhono mukukumya Omonene Yëësu, na bhono mohanshirë abhantö abha Waryobha bhonswe igho,

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

Abhafiripi 1:5

ko bhoora bhëënyu mwabha ëkëntö ëkëmwë na öni, ko okoraareka Amangʼana Amaiya agha Yëësu Kiristo. Mwaakörrë igho ukurwa urusikö roora mwaakumiri okohekera urusikö urwa reero.

Abhafiripi 2:12

Mbe, abhaghonshe abhaane, enkaagha eno naarë kö-bhëënyu hayö, mwaaighweranga Waryobha. Kora bhoono enkaagha eno ndëngë hare na bhëënyu, mwëngëri okokora ghano ghaingʼarëëyi ko-bhantö bhano Waryobha yaatöörya. Mokore ghayö kwa ukurighita kono kokoreetwa na ukwobhoha Waryobha.

Abhafiripi 2:24

Ghwiki nkwitengʼera ndë igha, Omonene Yëësu m-böngö araangʼaane umweya niishe kö-bhëënyu iyö.

Abhafiripi 3:18

Naamara okobhatëëbhya hare kaaru engʼana eno nkutuna okoghamba, tigha ghwiki ngikyorre na eno ndakuura amaisöri, bhaaho abhantö abhaaru, bhano bhakwanga amangʼana agha öbhötöörya ubhwa Kiristo, bhono bhwaamaahekana ko-mosarabha.

Abhafiripi 3:20

Kasi bhëëtö, m-bantö abha mu-ryobha törë, kora nkwitengʼera törë bhököngʼu ukuusha ukwa Ömötöörya, Omonene uwëëtö Yëësu Kiristo.

Abhafiripi 4:1

Ku bhuyö abhakumya bharikyëtö, nembahanshirë, kora nkwighomba ndë mbamaahe. Bhëënyu mbo ukushomerwa ukwane, na m-bëënyu ituho iyaane eno naahaanwa ko okoghera iya meremo gheno naakora. Ni-igho ikutunwa igha bhaghonshe abhaane, monaghe ko-Monene.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhakorosaai 1:4

Nkokora törë igho, ko bhoora twaighwa amangʼana agha umukumo ughwënyu ku-Kiristo Yëësu, na bhono mohanshirë abhantö abha Waryobha bhonswe igho.

1 Abhatësarönikë 3:6

Kasi bhoono Timoteo atöhëkërëëyë ukurwa kö-bhëënyu hayö, atötëëbhëri amangʼana amaiya agha umukumo na righonshe iryënyu. Atötëëbhëri igha, nkutuhiita mörë bhuuya ukughya iyö, na amaigha ghabharëëyë agha okomaahana na bhëëtö, kya bhono na bhëëtö bhonswe amaigha ghatörëëyë agha okomaahana na bhëënyu.

1 Abhatësarönikë 4:1

Bhoono abhakumya bharikyëtö, mwaamaahera kö-bhëëtö kya bhono ikutunwa ukwikara bhuuya, okore mötëghëri Waryobha. M-maheene ni-igho mokokora. Torabhasabha na okobhasaasaama ku ubhwera ubhwa Omonene Yëësu igha, möghëndërri bhököngʼu okokora igho.

1 Timoteo 1:11

Amëëghyö agha obhoheene, gharëngë mo-Mangʼana Amaiya ghano ghakwörökya ubhuhika ubhwa Waryobha uwa obhongʼoore bhwonswe igho. Amangʼana ghayö, ngo naahaaywë na Waryobha igha, ndaarekere abhantö.

1 Timoteo 1:19

Onaghi umukumo ughwaho, na obhe na amaitegherro amaiya. Abhantö abhandë bhaasera okokora amangʼana ghano bhamanyirë igha n-ga heene, ukwanga okokora ghayö, kwaghera bhaatigha umukumo ughwabho.

2 Timoteo 4:7

Naitaini bhuuya riihë irya umukumo, oroghendo urwa umukumo ndomarrë, na ghwiki nnaghëri umukumo.

Tiito 2:10

Bhatakaabheebheranga, kasi bhabhe abhantö abha heene, okore eteemo iyaabho irute abhantö, bhashomerwe na amëëghyö agha Waryobha Ömötöörya uwëëtö.

Firimoni 1:5

ko bhoora nkwighwa ndë igha, nköghëndërrya örë kukumya Omonene Yëësu, kora nohanshirë abhakumya bhonswe igho.

Yaakobho 3:18

Hano abhantö abha omorembe bhaabhusura imbusiro iya omorembe, omanye igha nö-bhöntö ubhwa heene bhareghesa.

2 Peetero 3:11

Mbe, ko bhoora ëbhëntö bhyonswe igho ni-igho bhirisika, bhoono bhëënyu, n-teemo kë mokaabha nayo ko-kebhara kono? Ni-igha mobhe abhahörëëru, mosooke Waryobha.

2 Peetero 3:14

Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.

Yuuda 1:3

Abhaghonshe abhaane, naaighombanga bhököngʼu igha, mbandekere amangʼana agha öbhöhönia bhono tokosanga bhëëtö bhonswe igho. Kasi ndööshë igha, ni-igha mbandekere ritashandighi reno, ko okobhasabha igha, mokore omotono ughwa okonaghya umukumo ghono Waryobha yaahaana abhantö abhaaye kamwë igho.