Abhafiripi 1:23 - Imuuma Eehya

²³ Ndarutanwa ghatë iya amangʼana abhërë ghayö. Öni nkwighomba ndë igha, hano nkaarwa ko-kebhara kono, ngende kwikara hamwë na Kiristo. Ko-robhaara urwane, iyö yo engʼana inshiiya bhököngʼu.

Abhafiripi 1:23 ပူးပေါင်းရင်းမြစ်များ

Ruuka 12:50

Kora öni wonswe, neena obhobhatiisyo ubhwa ëhëghë, bhono ndaahete-mo. Neena inyanko enene, okohekera hano bhorehekerana.

Ruuka 23:43

Yëësu akamohonshora igha, “No-bhoheene nkökötëëbhya igha, reero noraabhe hamwë na öni mu-ryobha.”

Ruuka 8:38

Ömöntö uyö yaatirwë-ko amasambwa, akasaasaama Yëësu igha, bhahinane. Kasi Yëësu akaanga. Akamötëëbhya igha,

Yohana 12:26

Ömöntö wowonswe igho ono akuntighinkanera, ni-igha ansoorane. Ahasë hohonswe igho hano ndaabhe, hayö ho ömököri uwa emeremo uwaane araabhe. Taata naraasooke ömöntö ono akuntighinkanera.”

Yohana 13:1

Mbe, hano waanyöörrë inyangi iya Epasaka etaraabha, na ghwiki okanyoora Yëësu amarrë okomanya igha, enkaagha iyaaye iya ukurwa ko-kebhara kono aghi ko-Taata Waryobha ihikirë. Yëësu yaahanshirë abhantö abhaaye abha ko-kebhara kono, këmwëkëmwë.

Yohana 14:3

Mbe, hano ndaaghi okobhasëëmërya ahasë, nendaamare nkyore ököbhööhya, okore ahasë hano ndaabhe, na bhëënyu mobhe-ho hamwë na öni.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Amangʼana agha Abhatomwa 7:59

Hano bhaatemanga Sitefaano na amaghena, akasaasaama igha, “Omonene Yëësu, ghegha omooyo ughwane!”

2 Abhakörintö 5:8

M-maheene igha, ntoona ubhweseghe obhonene, kora nkomaaha törë igha, nyakara tohaaterane na ëmëbhërë gheno, toghende okomenya hamwë na Omonene.

2 Abhakörintö 6:12

Righonshe iryëtö kö-bhëënyu, terekorebherrwa hë. Kasi bhëënyu, m-bëënyu mwaarebherra righonshe iryënyu kö-bhëëtö.

Abhafiripi 1:24

Kasi ndamaaha igha, n-kenene ngëndërri ukwikara ko-kebhara kono, ko okoghera iya bhëënyu.

1 Abhatësarönikë 2:1

Abhakumya bharikyëtö, bhëënyu abheene mmomanyirë igha, ukuusha kö-bhëënyu hayö, tekwaare kwa bhosa hë.

1 Abhatësarönikë 2:13

Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

1 Abhatësarönikë 4:17

Ho na bhëëtö bhano urinyoora tökërëngë abhahöru, ntoresaköribhwa hamwë nabho ukughya ku-risaarö, okore tusikane na Omonene Yëësu ighörö iyö. Mbe, nturiikara hamwë nawe amakora ghonswe igho.

2 Timoteo 4:6

Nkökötëëbhya ndë ghayö, ko bhoora igha, öbhöhöru ubhwane, haangʼë bhörë bhobhe ikimwenso ku-Waryobha. Enkaagha iya ukukwa ukwane haangʼë ërë.

Okohonyora 14:13

Nkaighwa engamba erarwa mu-ryobha, eraghamba igha, “Andeka igha, nyakara abhantö bhano bhakukwa ukurwa bhoono igho na eno bhakumiri Omonene Yëësu.” Mbe, Umwika Ömöhörëëru uwa Waryobha akaghamba igha, “Tigha bhamuunye inyanko iyaabho eno bhaanyoora, ko bhoora amangʼana aghaabho amaiya ghano bhaakora, ngarebhasoorana.”