Abhafiripi 1:22 - Imuuma Eehya

²² Kasi hano ndaaghëndërri okobha möhöru, nendaaghëndërri okokora bhököngʼu emeremo gheno nkokora. Kasi bhoono öni temanyirë igha n-dëëhë ndaashaaghore hë.

Abhafiripi 1:22 ပူးပေါင်းရင်းမြစ်များ

Amangʼana agha Abhatomwa 3:17

“Bhoono abhahiiri abhëëtö, ghayö ghonswe igho mwaakörëëyë Yëësu, bhëënyu na abhanene abhëënyu, nemanyirë igha, mwaakörrë motamanyirë keno mwaakoranga.

Abharuumi 1:13

Abhakumya bharikyëtö, nkutuna ndë momanye igha, naatunanga bhököngʼu igha niishe mbamaahe, kasi nanyabhoono, nkorebherrwa nkërë. Nkutuna ndë niishe kö-bhëënyu iyö, okore ndute abhantö bhakumi Omonene Yëësu, kya bhoora naakörrë mo-Bhakyaro abhandë.

Abharuumi 11:2

Waryobha tiyasendeka hayö abhantö abhaaye bhano yaashaaghööyë kora ekebhara ketaraabhombwa. Kanaa, mmotamanyirë kya bhono Amaandeko Amahörëëru ghakoghamba ko amangʼana agha Ëriya, agha ikikuuro ikyaye ku-Waryobha, ko okoghera iya Abhaisiraëri?

2 Abhakörintö 10:3

Bhëëtö nokaanyoora igha nko-kebhara kono tömënyirë, kasi titukwitana riihë kya abhantö abha ko-kebhara kono hë.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhafiripi 1:23

Ndarutanwa ghatë iya amangʼana abhërë ghayö. Öni nkwighomba ndë igha, hano nkaarwa ko-kebhara kono, ngende kwikara hamwë na Kiristo. Ko-robhaara urwane, iyö yo engʼana inshiiya bhököngʼu.

Abhafiripi 1:24

Kasi ndamaaha igha, n-kenene ngëndërri ukwikara ko-kebhara kono, ko okoghera iya bhëënyu.

Abhakorosaai 2:1

Nkutuna ndë momanye bhono neena omotono ko-meremo, ko okoghera iya bhëënyu, na bhaara abha mu-mughi ughwa Raodikia, hamwë na abhandë bhonswe igho bhano motaakaandööshë.

1 Peetero 4:2

Ku bhuyö ömöntö kya uyö, öbhömënyi ubhwa öbhöhöru ubhwaye bhonswe igho bhono akeenabho ko-kebhara kono, naraakorenga amangʼana ghano Waryobha akutuna, taabhe na oronamba oroghogho hë.