Abhafiripi 1:20 - Imuuma Eehya

²⁰ Ndaghanya kwa inyonta enene na ukwitengʼera igha, tënsöökërribhwi kwa nshera yoyonswe igho hë. Bhoono kya bhono yaarë sinsikö syonswe igho, nendaaghëndërri kwiköngʼërya mo-nkoro, okore Kiristo atöönibhwi ko ghano ghonswe igho nkokora, nekaakwa, handë hone.

Abhafiripi 1:20 ပူးပေါင်းရင်းမြစ်များ

Yohana 21:19

Yëësu yaaghambirë amangʼana ghayö, ukwörökya igha, ni-nkwa kë Peetero arikwa, eno ereghera Waryobha atöönibhwi. Mbe, hano Yëësu yaamarrë okoghamba ghayö, akatëëbhya Peetero igha, “Nsoorana.”

Amangʼana agha Abhatomwa 20:24

Kora nenkaakwa të-këntö ku-öni hë. Keno këntönëri ni-igha, mmarërri emeremo gheno Omonene Yëësu yaangʼaana okokora. Emeremo ghiyö, ni-ighya okoraarekera abhantö Amangʼana Amaiya agha örööbhö urwa Waryobha.

Amangʼana agha Abhatomwa 21:13

Kasi umwene akatohonshora igha, “Motakaakuura, mokambe munyite omotwe bhosa igho! Öni te-kebhohe ikyene igho hë, nenkakwera Yërusarëëmu iyö ko okoghera iya iriina irya Omonene Yëësu, te-ngʼana hë.”

Amangʼana agha Abhatomwa 4:31

Hano bhaamarrë okosaasaama Waryobha, inyumba eno bhaarenga bhaikomaini-mo, ekasingisa. Bhakaishöribhwa Umwika Ömöhörëëru bhonswe igho, bhakaghëndërrya ukwëghya abhantö engʼana iya Waryobha ko bhokarë.

Abharuumi 12:1

Bhoono abhakumya bharikyëtö, ko bhoora igha Waryobha abhaayë na amaabhë na bhëëtö, ndabhasaasaama bhököngʼu igha, mwiruusi mobhe kya itugho ëhörëëru iya ikimwenso, eno ikushomera Waryobha. Okokora igho, nko enshera inshiiya iya okosengerra Waryobha.

Abharuumi 5:5

Ubhweseghe bhuyö, tëbhötösöökërri hë, ko bhoora Waryobha yaatohaana righonshe rinene mo-senkoro isyëtö, okohetera Umwika Ömöhörëëru uwaaye.

Abharuumi 6:13

Motakaikërrya imyaho ighya ëmëbhërë ighyënyu ghekorenga amangʼana amaghogho agha ëbhëbhë. Kasi mwibhati ku-Waryobha, ko bhoora mobhaayë kya bhano muryökiibhwi na Waryobha, kora abhasöhëri mö-bhöhöru obhohya. Mobhati imyaho ighya ëmëbhërë ighyënyu ku-Waryobha, okore imyaho ighyënyu ghiyö, ghekorenga amangʼana agha heene.

Abharuumi 6:19

Ëkërëngyö ikya omoghorwa kiyö mbarëngëëyi, nembarëngëëyi okore momanyërri keno nkoghamba. Hano waanyöörrë motaraamanya Yëësu Kiristo, mwaakörrë imyaho ighya ëmëbhërë ighyënyu ghekanyankuha, mokabha abhaghorwa abha ëbhëbhë, na ëbhëbhë ibhyënyu bhekaaruha bhököngʼu. Kasi bhoono momanye igha, ni-igha mobhati imyaho ighya ëmëbhërë ighyënyu ku-Waryobha, ghemokorre emeremo ighya heene, okore abhasaabhuure.

Abharuumi 8:19

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

Abharuumi 9:33

Amangʼana ghano ngatuubhaini kya bhono Waryobha yaaghambirë mo-Maandeko Amahörëëru igha, “Tamaaha, ntöörrë reghena ku-nguku iya Sayuuni. Reghena riyö, ndyo abhantö bharaituuretuurenga-ko, riyö ndyo reghena reno reraaghwësinga abhantö. Kasi ömöntö wowonswe ono araakumi uyö akobherekerwa igha we reghena, tarësökërribhwa hë.”

1 Abhakörintö 15:31

Abhakumya bharikyane, öni nu-ruku nkoghenda narwo nkaagha syonswe igho. Bhuyö m-boheene kya bhono ërëngë obhoheene igha nkwikumya ndë ko okoghera iya bhëënyu, ko bhoora mwaghootana na Omonene uwëëtö Kiristo Yëësu.

1 Abhakörintö 6:20

ko bhoora mmwaghörrwë öbhöghöri obhonene. Ku bhuyö ni-igha mötööninga Waryobha okohetera kö-mëbhërë ighyënyu ghiyö.

1 Abhakörintö 7:34

Ku bhuyö amangʼana aghaaye n-ga mbagha ibhërë. Omohara ono ataraatetwa, handë omokari ono ataraatetwa, we nkutighinkanera arë amangʼana agha Omonene, okore abhe ömöhörëëru uwa enkoro na ömöbhërë. Kasi omokari ono yaatetwa, umwene nkutighinkanera arë amangʼana agha ko-kebhara kono, okore atëghëri mushaasha uwaaye.

2 Abhakörintö 10:8

Nokaanyoora igha nkwihasha ndë bhököngʼu, okoheteera ekerengere ikya ubhwera bhono Omonene Yëësu Kiristo yaatohaana. Nokaanyoora ni-igho, tenkosooka hë, ko bhoora obhotoro bhuyö tebhokobhatemora hë, kasi nkobhakora bhörë igha monaghe ku-mukumo.

2 Abhakörintö 3:12

Nkoghamba törë ko bhokarë, ko okoghera iya ubhweseghe bhuyö toonabho.

2 Abhakörintö 4:10

Bhëëtö nkaagha syonswe igho, mu-nyanko iya ukwitwa törë, kya bhono Yëësu yaaitirwë, okore öbhöhöru ubhwa Yëësu bhwonswe, bhomaahekane kö-mëbhërë ighyëtö.

2 Abhakörintö 5:15

Yëësu Kiristo yaakuurë ko okoghera iya abhantö bhonswe igho, okore abhantö abha öbhömënyi obhohya, bhatakaabha na öbhömënyi ko okoghera iyaabho abheene, kasi bhobhe ko okoghera iya ono yaakuurë akaryoka ko okoghera iyaabho.

2 Abhakörintö 7:14

Nyoore naaihëëmëëyë Tiito ko engʼana yoyonswe eera ko okoghera iya bhëënyu, temwansöökëri hë, kasi kera engʼana eno twaamötëëbhëri ko amangʼana aghëënyu, n-ya heene yaarë. Mbe, ku bhuyö ukwiheema ukwëtö ku-Tiito ko okoghera iya bhëënyu, n-kwa heene kwaarë.

2 Abhakörintö 7:4

Neena obhokarë ubhwa ukushumaasha na bhëënyu, kora nkwihasha ndë ko okoghera iya bhëënyu ko bhoora möndöörësëri bhököngʼu. Nokaanyoora mu-nyanko törë, kasi bhoono nshömëëywë bhököngʼu.

Abhafiripi 1:14

Hamwë na ghayö ghonswe igho, nemanyirë igha, okobhohwa ukwane kono, kwaghera senkoro isya abhakumya bharikyëtö abhaaru, syanagha ko-Monene Yëësu. Ku bhuyö nkoraarekera bharë abhantö engʼana iya Waryobha ku singuru syonswe igho, kora tebhaana entarëki hë.

Abhafiripi 2:17

Nenkaruusya öbhöhöru ubhwane, bhobhe kya ikimwenso ikya idivai hamwë na umukumo ughwënyu ghono ghokokorwa ikimwenso ku-Waryobha, öni nendaashomerwe nsange hamwë na bhëënyu bhonswe igho.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

1 Peetero 4:16

Ömöntö wowonswe ono araanyoore inyaanyi ko bhoora igha m-mosoorani uwa Yëësu Kiristo, atakaasooka. Kasi atööni Waryobha igha, ni-riina riyö akobherekerrwa.

1 Yohana 2:28

Bhëënyu abhaana abhaane abhaghonshe, möghëndërri okobha na öbhömwë na Yëësu Kiristo. Möghëndërri igho, okore enkaagha eno arikyora, tokarehe, totakaasha okosooka.