Abhafiripi 1:18 - Imuuma Eehya

¹⁸ Kasi ngʼana teraasareka hë! Ko bhoora amangʼana agha Kiristo nkoraarekwa gharë, nekaabha kwa nkoro ngogho, handë kwa nkoro inshiiya. Ko okoghera iya engʼana iyö, öni nkushomerwa ndë. Ghwiki nendaaghëndërri ukushomerwa.

Abhafiripi 1:18 ပူးပေါင်းရင်းမြစ်များ

Mataayo 23:13

“Haahö, bhare abhëëghya abha amaraghërryö agha Mosa, na bhëënyu Abhafarisaayo, bhëënyu m-baiköri mörë, ko bhoora igha, nkorebherra mörë abhantö okosoha mo-Bhokama ubhwa Waryobha kö amëëghyö aghëënyu. Bhëënyu abheene bhonswe temokosoha-mo hë. Kora mbe bhano bhakutuna okosoha, timukutigha bhasohe hë. [

Maariko 12:40

Amangʼana aghaabho m-maaru hano bhasaasaama Waryobha mo-bhantö. Nkokora bharë igho, okore abhantö bhakanye igha, m-bantö abha heene. Bhaana eteemo iya ököngʼënërrya abhasinö, bhabhatuhe ëbhëntö. Abhantö bhayö, Waryobha narebhashibhya bhököngʼu!”

Ruuka 9:45

Amangʼana ghayö Yëësu yaabhatëëbhëri, tebhaghamanyërrëëyi hë, ghaarenga ghabhisirwë ko-obho, okore bhatakaaghamanya. Kasi bhakoobhoha ökömöbhöörya ensonga iya ghayö yaaghambirë.

Ruuka 9:50

Yëësu akamohonshora igha, “Motakaasha okomokaania, ko bhoora ömöntö ono atakobhanyeera senkaani, uyö hamwë arë na bhëënyu.”

Abharuumi 3:9

Bhoono iyakë tokaaghamba? Toghambe igha bhëëtö Abhayahudi ntoona ubhwera okokera abhantö abhandë? Ti-igho hë. Ko bhoora mmarrë okobhatëëbhya igha, Abhayahudi hamwë na abhantö bhano bhatarë Abhayahudi, ëbhëbhë mbebhabhaahirë bhonswe igho.

Abharuumi 6:15

Bhoono toghambe iyakë? Toghambe igha töghëndërri okokora ëbhëbhë ko bhoora Waryobha atohaayë örööbhö urwaye, kora tetokotangatwa na ubhwera ubhwa amaraghërryö? A a, ti-igho hë.

1 Abhakörintö 10:19

Bhoono n-kë nkaghamba? Ngambe igha, ibhyakorya bheno bhimwënsëywë ëbhëtöndö, mbeena ubhwera? Handë igha, ëbhëtöndö mbeena ubhwera?

1 Abhakörintö 14:15

Bhoono iyakë nkaakora? Nendaasaasaame Waryobha mo-nkoro iyaane ko ekeghambo ekehya, mmare ghwiki nsaasaame ko sehakëri isyane. Nendaarëëti mo-nkoro iyaane ko ekeghambo ekehya, mmare ghwiki ndëëti ko sehakëri isyane.

1 Abhakörintö 15:11

Mbe, nokaanyoora igha nö-öni, handë igha na-bhatomwa abhandë bhayö, amangʼana n-gaaraghaara tokoraareka, na ghayö ngo mwaakumya.

Abhafiripi 1:19

Nemanyirë igha nendaahone ko-ghonswe igho ghano ghaanyoora, ko bhoora mokonsabhera ku-Waryobha, na kora Umwika uwa Yëësu Kiristo nköntöörrya arë.