Abhafiripi 1:11 - Imuuma Eehya

¹¹ Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Abhafiripi 1:11 ပူးပေါင်းရင်းမြစ်များ

Mataayo 5:16

Ni-igho ërë na bhëënyu bhonswe, ni-igha obhorabhu ubhwënyu bhomaahekane mo-bhantö, mokore amangʼana amaiya, okore hano bharaamaahe amangʼana ghayö mokokora, bhatööni Taata uwa mu-ryobha.

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 15:2

Kera risagharya reno retakwama sehagho na mbe nku-öni rërë, Taata nkuriruusya arë ku-öni. Kasi kera risagharya reno rikwama sehagho, Taata nkoreharörrya arë, okore ryame bhököngʼu.

Yohana 15:8

Hano moraame sehagho sinsharu na okobha abheegha abhaane abha heene, hayö noraanyoore möröörökya ubhuhika ubhwa Taata aharabhurabhu igho.

Abharuumi 15:28

Hano ndemara okohaana abhakumya bhayö ekehaheeno kiyö, nendeheta mmaahane na bhëënyu enkaagha eno urinyoora ndëngë ko-roghendo urwa Hisipania.

Abharuumi 6:22

Bhoono, mmoona ehoorohooro ko bhoora Waryobha abhahaayë öbhötöönööni, okore motakaabha abhaghorwa abha ëbhëbhë. Ku bhuyö bhëënyu mobhaayë abhaghorwa abha Waryobha. Mmoona ubhwera ubhwa okosaabhuurwa mobhe abhaköri abha emeremo abhaaye. Ehoorohooro iyaamo, nö-bhöhöru ubhwa amakora ghonswe igho.

1 Abhakörintö 10:31

Mbe, hano mwarya handë ukunywa, handë hano mwakora kyokyonswe keera, mokorenga kwa ökötöönia Waryobha.

2 Abhakörintö 9:10

Waryobha we akohaana abhantö imbusiro, bhëmya, na ibhyakorya ibhya okorya, naraabhaane imbusiro insharu iya ukubhusura, igha, naraabhakore mobhe abhantö abha heene ko okohaana abhantö ëbhëntö.

Abhaëfësö 1:12

Akakora igho okore bhëëtö Abhayahudi bhano törëngë abha mbere ukwesegha Yëësu Kiristo, tukumi Waryobha na ökömötöönia.

Abhaëfësö 1:14

Umwika Ömöhörëëru uyö, n-kya ekebhete ikya Waryobha kö-bhëëtö igha, Waryobha naretohaana ëbhëntö ibhyëndë bhyonswe igho, bheno yaaraghaini igha, aretohaana. Umwika Ömöhörëëru uyö, we ono Waryobha yaatoora-ho okohekera hano aritutungurya bhëëtö abhantö abhaaye. Ku bhuyö ni-igha tumukumi ku ubhuhika ubhwaye.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 5:9

Ndabhatëëbhya igho ko bhoora igha, ëbhëntö ibhiiya bhyonswe igho, ibhya heene na ibhya obhoheene, no-bhorabhu bhokobhereeta.

Abhafiripi 4:17

Motakaakanya igha nkobhatëëbhya ndë igho, okore möghëndërri okondeetera ëbhëntö, ti-igho hë. Kasi keno nkutuna ni-igha, Waryobha abhangʼoore okohetera ökösërëënia ukwënyu.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

2 Abhatësarönikë 1:12

Ni-igho tokosabha, okore iriina irya Omonene uwëëtö Yëësu, rëtöönibhwinga okohetera kö-bhëënyu. Kora bhëënyu mötöönibhwinga ko okoghera iya Yëësu. Ghayö ngarebha ko okoghera iya örööbhö urwa Waryobha uwëëtö, na urwa Omonene Yëësu Kiristo.

Tiito 3:14

Abhakumya bharikyëtö bhonswe, bheeghe okokora amangʼana amaiya, okore bhatöörri abhahabhë. Hano bharaakorenga igho, mbaraabhe abhantö abha ubhwera tebhahete bhosa igho hë.

Abhaëbhuraania 12:11

Hano ömöntö yahiinywa, takushomerwa hë, nkobhaabhayera arë. Kasi abhantö bhano bhaahiinywa, bhëëghibhwa. Bhayö, nkobha bharë na öbhömënyi ubhwa heene na ubhwa omorembe.

1 Peetero 2:12

Mobhe na eteemo inshiiya mo-bhantö bhano bhatamanyirë Waryobha, okore hano bhareghambanga igha m-baghogho mörë, bhamaahe amangʼana aghëënyu amaiya ghano mokokora. Bhoono hayö, ho bharëtöönia Waryobha ko okoghera iya bhëënyu, urusikö rono ariisha.

1 Peetero 2:5

Momanye igha, bhëënyu bhonswe n-kya amaghena amahöru mörë, mwahaghaashwa mobhe inyumba ëhörëëru. Ghwiki nkobhakora arë mobhe abhasëngëri bhano bhaahööywë okokora ibhimwenso ëbhëhörëëru, bheno bhikushomera Waryobha okohetera ku-Yëësu Kiristo.

1 Peetero 2:9

Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.

1 Peetero 4:14

Hano moraatokwe ko okoghera iya iriina irya Yëësu Kiristo, momanye igha mmoraangʼoorwe. Engʼana iyö nköbhöörökya ërë igha, Umwika uwa Waryobha uwa ubhuhika, hamwë arë na bhëënyu.