Abhafiripi 1:10 - Imuuma Eehya

¹⁰ okore momanye amangʼana amaiya agha okokora. Hayö ho moraarongehe, kora temoobhe na amasoro okohekera urusikö roora Kiristo arikyora.

Abhafiripi 1:10 ပူးပေါင်းရင်းမြစ်များ

Mataayo 16:23

Kasi Yëësu akaisyörrya Peetero, akamohonshora igha, “Ndwera-ho ghore Oghosambwa! Nkushaashya örë okondebherra, okore ntakaakora bhono Waryobha akutuna. Amaitegherro aghaaho ghayö, n-ga kinyabhantö, tegharëngë agha Waryobha hë.”

Mataayo 26:33

Amangʼana ghayö ghakaghera Peetero akatëëbhya Yëësu igha, “Mbakaangʼosa bhonswe igho, kasi öni tinkutighe hë.”

Yohana 1:47

Hano Yëësu yaarööshë Natanaëri araasha, akaghamba igha, “Momaahe Umwisiraëri ekenaina, ono ataana obhoghashaghasha.”

Yohana 3:20

Abhantö bhonswe igho bhano bhakokora amangʼana amaghogho, nkoregha bharë obhorabhu. Tebhakutuna ukuusha ko-bhorabhu, okore amangʼana aghaabho amaghogho ghatakaamanywa.

Amangʼana agha Abhatomwa 24:16

Ku bhuyö, nkokora ndë omotono ughwa okokora amangʼana ghano nkukumya mo-nkoro iyaane igha, m-maiya ko-bhantö na ku-Waryobha.

Abharuumi 12:2

Ku bhuyö, motakeegha seteemo isya abhantö abha ko-kebhara kono. Mutighe Waryobha abhasyöri senkoro isyënyu, okore mobhe na amaitegherro amahya. Hayö ho moreeghe, momanye keno Waryobha akobhatonera. Keno akobhatonera, na-mangʼana amaiya ghano ghahekerana, agha ökömötëghërya.

Abharuumi 12:9

Mobhe na righonshe irya heene ko-bharikyënyu. Ensonga iyaamo ni-igha, mutighe okokora amangʼana amaghogho, kasi mokorenga amangʼana amaiya senkaagha syonswe igho.

Abharuumi 16:17

Bhoono abhakumya bharikyëtö, ndabhasaasaama igha, mwiyangarre ko-bhantö bhaara bhakwëghya amëëghyö agha ukunyaraghania abhantö. Amëëghyö ghayö, kora nkosarya gharë umukumo na seteemo isya abhantö. Abhantö kya bhayö, mobhahete hare, ko bhoora amëëghyö ghaabho teghanga kya ghaara mwëghibhwa hë.

Abharuumi 2:18

Orakanya igha nomanyirë keno Waryobha akutuna okore, nomanyirë amangʼana amaiya ko bhoora wëëghibhwa amaraghërryö aghaaye.

Abharuumi 7:16

Hano okomaaha igha ghaara ntakutuna igha nkore ngo nkokora, bhuyö no-bhoheene bhono bhukwörökya igha, amaraghërryö agha Mosa, m-maiya.

Abharuumi 7:22

Obhoheene ni-igha amaraghërryö agha Waryobha nengahanshirë bhököngʼu.

Abharuumi 8:7

Ömöntö ono akotangatwa na esemoko iya öbhököri ubhwa ëbhëbhë, uyö m-mubhisa uwa Waryobha. Takwikërrya ukwighwera amaraghërryö agha Waryobha. Kora takotora okoghaighwera hë.

1 Abhakörintö 1:8

Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

1 Abhakörintö 10:32

Motakaabha ikibhuno ikya ukutimba Abhayahudi, abhantö bhano bhatarë Abhayahudi, handë ekanisa iya Waryobha.

1 Abhakörintö 8:13

Ku bhuyö, hano ibhyakorya bheraaghere umukumya murikyane aitimbe, obhoheene tenderya inyama ghwiki hë, okore ntakaaghera umukumya murikyane aitimbe.

2 Abhakörintö 1:12

Mbe, ikibhuno keno kekoghera toraikumya, ni-igha, amaitegherro aghëëtö nkutwimererra gharë igha, eteemo iyëëtö m-buuya ërë ko-kebhara kono, ekenene n-ku ubhwighwerrani ubhwëtö na bhëënyu, ko obhorabhu na obhoheene bhono bhukurwa ku-Waryobha. Tetwakörrë igho ko obhongʼaini ubhwa ko-kebhara kono, kasi nö-rööbhö urwa Waryobha, ndwo rwaaghërrë tokakora ghayö.

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 6:3

Tetokokorra ömöntö wowonswe igho engʼana yoyonswe iya ukumutimba, okore emeremo ighyëtö, ghetakaaghambwa bhoghogho.

2 Abhakörintö 8:8

Tenkoghamba igho, okore mbahamërri, kasi nkutuna ndë mmaahe nyoore righonshe iryënyu, ni-irya obhoheene ko okobhatëëbhya amangʼana agha omotono ughwa abhantö abhandë.

Abhagharatia 5:11

Abhakumya bharikyëtö, ndaighwa abhantö abhandë bharaghamba igha, öni nkoraareka nkërë igha, abhashaasha bhonswe igho ni-igha bhasaarwe. Hano okaanyöörrë igha m-maheene ni-igho nkoraareka, n-kwakë Abhayahudi bhakunyankya? Singa ni-igho nkoraareka ko-bhantö, okoraareka ukwane amangʼana agha omosarabha ughwa Yëësu, tekokaaghërrë Abhayahudi bhandererre hë.

Abhaëfësö 4:15

Kasi ikya okokora no-koteebhania obhoheene ubhwa Waryobha ku righonshe. Tobhe abhantö abhakörö ko amangʼana ghonswe igho. Tutuubhane na Kiristo ko bhoora Kiristo n-kya omotwe ko abhasoorani abhaaye.

Abhaëfësö 5:10

Mokore omotono ughwa okomanya na okokora amangʼana ghano ghakushomera Omonene.

Abhaëfësö 5:27

okore anyoore ekanisa inshiiya, ëhörëëru, eno etaana risoro ryoryonswe reera.

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

Abhafiripi 1:16

Nyankoro nshiiya, bho nkokora bharë igho, ku righonshe reno bhanaryo ku-öni, ko bhoora mbamanyirë bhuuya igha, Waryobha yaantoora mo-kebhohe, okore nkiinanere Amangʼana Amaiya.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

Abhafiripi 2:16

Moghoote na okoraareka engʼana iya Waryobha eno ekobhahaana öbhöhöru ubhwa amakora ghonswe igho. Mokore igho okore nishekomaaha ikuughë urusikö roora Kiristo arikyora, ko bhoora emeremo gheno naatönirë okokora mö-bhëënyu, tighyaheta bhosa hë.

1 Abhatësarönikë 3:13

Ghwiki ni-igha atogheke senkoro isyënyu, okore mobhe abhantö abhahörëëru na motakaabha na risoro ku-Waryobha Taata uwëëtö, enkaagha eno Omonene uwëëtö Yëësu ariisha hamwë na abhahörëëru abhaaye bhonswe igho.

1 Abhatësarönikë 5:21

kasi moghashaashi, moghoote ghano gharëngë bhuuya.

1 Abhatësarönikë 5:23

Waryobha ono akotohaana omorembe, abhasaabhuure ko amangʼana ghonswe igho. Abharende senkoro isyënyu na öbhöhöru ubhwënyu na ëmëbhërë ighyënyu, okore motakaatemwanga amasoro, okohekera enkaagha iya ukuusha ukwa Omonene uwëëtö Yëësu Kiristo.

1 Yohana 4:1

Abhaghonshe abhaane, motakaakumya kera ömöntö ono akoghamba igha aana Umwika Ömöhörëëru uwa Waryobha. Kasi mumwitaahe bhuuya, momaahe nyoore aana Umwika Ömöhörëëru uwa Waryobha. Ni-igha momanyërri obhoheene bhuyö, ko bhoora abharööti abhaaru abha obhorongo, bhaibhoka ko-kebhara kono.

Okohonyora 2:2

Nemanyirë amangʼana aghëënyu ghano mokokora, na omotono ughwënyu, na ököghömërrya ukwënyu. Kora timukwikererrania na abhantö abhaghogho, ko bhoora mwaashaashiri bhaara bhakwibherekera igha m-batomwa, mokamaaha igha, te-bhatomwa hë, m-barongo.