Abhaëfësö 6:9 - Imuuma Eehya

⁹ Abhanene, bhëënyu bhonswe, mokore bhuuya abhaghorwa abhëënyu. Motakaabhöbhöhërrya, momanye igha, abhaghorwa bhayö na bhëënyu abhanene abhaabho, Omonene uwëënyu nö-ömwë mu-ryobha iyö. Yëësu Kiristo we Omonene uwëënyu bhonswe igho mu-ryobha iyö. Umwene, taana ekeroterro kö-möntö wowonswe oora hë.

Abhaëfësö 6:9 ပူးပေါင်းရင်းမြစ်များ

Mataayo 22:10

Mbe, abhaghorwa bhayö, bhakaghya ko-senshera isya imyahokano, bhakakomania abhantö bhonswe igho bhano bhaasikaini nabho haara, mbakaabha abhaghogho handë abha heene, bhakaasha nabho mu-bhwenga. Abhaghëni bhakeeshora mu-righari irya ubhwenga, ko-meeza haara.

Mataayo 22:8

“Mbe, omokama uyö akatëëbhya abhaghorwa abhaaye igha, ‘Ëbhëntö ibhya ubhwenga bhësëëmiibhwi, kasi abhantö bhaara bhaaraarëkirwë, tebhaingʼarëëyë ukuusha mu-bhwenga hë.

Mataayo 24:48

“Kasi hano oraanyoore igha omoghorwa uyö m-moghogho, naraaitegherre mo-nkoro iyaaye igha, ‘Omonene uwaane naretegheta ukukyora.’

Mataayo 24:51

Ho bhoono omonene uwaaye uyö araamushibhi bhököngʼu, amare amotoore hamwë na abhaikörya. Iyö yo abhantö bhakukuura na okokaaraatya amaino.”

Mataayo 7:12

“Mokorrenga abhantö kya bhono mukutuna bhabhakorrenga. Ko bhoora ghayö, ngo Waryobha yaaraghërrëëyi mo-Maandeko Amahörëëru na ko-bharööti.”

Ruuka 6:31

Mokorrenga abhantö kya bhono mukutuna bhabhakorrenga.

Yohana 13:13

Bhëënyu moramberekera igha, ‘Umwëghya,’ ghwiki moramberekera igha, ‘Omonene.’ M-buuya mokokora okomberekera igho, ko bhoora ni-igho ndë.

Amangʼana agha Abhatomwa 10:34

Mbe, Peetero akatëëbhya abhantö bhayö igha, “Bhoono ndööshë igha, m-maheene Waryobha taana ekeroterro hë!

Abharuumi 2:11

Ko bhoora Waryobha taana ekeroterro hë.

1 Abhakörintö 1:2

nkobhakëërya törë bhëënyu bhano mörëngë mo-kanisa iya Waryobha, eno ërëngë Körintö hayö. Bhëënyu mwasaabhuurwa na Kiristo Yëësu. Mwabherekerwa igha, mobhe abhantö abha Waryobha, hamwë na bhonswe igho kera ahasë, bhano bhakosaasaama Omonene uwëëtö Yëësu Kiristo, ono arëngë Omonene uwaabho, na uwëëtö na bhëëtö bhonswe.

1 Abhakörintö 7:22

Ko bhoora ömöntö ono yaabherekerwa arëngë omoghorwa, m-mötöönööni ko-Monene. Ni-ighoigho kora na ono yaabherekerwa arëngë ömötöönööni, m-moghorwa uwa Kiristo.

Abhakorosaai 3:25

Kasi wowonswe igho ono akokora amangʼana amaghogho, narishibhibhwa na Waryobha, ko ekerengere ikya obhoghogho bhono yaakora, ko bhoora Waryobha taana ekeroterro hë.

Abhakorosaai 4:1

Na bhëënyu bhonswe bhare bhanene, mokorrenga bhuuya na ubhwa heene abhaghorwa abhëënyu, momanye igha, kora na bhëënyu bhonswe mmoona Omonene uwëënyu mu-ryobha.

Yaakobho 2:13

Waryobha takwabhera ömöntö wowonswe ono ataana amaabhë hë. Kasi naryabhera abha amaabhë urusikö urwa okobhabhotorra ibhiina!

Yaakobho 2:8

Mo-Maandeko Amahörëëru, amaraghërryö agha Obhokama ubhwa Waryobha gharaghamba igha, “Ohanshe murikyaho, kya bhono wihanshirë uwe umwene.” Hano moraakore igho, m-buuya oraanyoore mökörrë.

Yaakobho 5:4

Mwitegherre mbatëëbhi, mwaanga okohaka ehoorohooro ko abhaköri abhëënyu abha emeremo bhano bhaabhaghësëëyë ibhyakorya kö-mëghöndö ighyënyu. Ehoorohooro iyö, erabhakorra ko-Monene Waryobha uwa obhotoro bhwonswe igho!