Abhaëfësö 6:8 - Imuuma Eehya

⁸ Momanye igha, Omonene narituha abhantö bhonswe igho, ko amangʼana amaiya ghonswe igho ghano abhatöönööni handë abhaghorwa bhaakora.

Abhaëfësö 6:8 ပူးပေါင်းရင်းမြစ်များ

Mataayo 16:27

Öni Omoona uwa Ömöntö nindiisha na abhamaraika ko-merengaari ighya Taata. Hayö ho ndehaka abhantö bhonswe igho okorengʼaana na emeremo gheno bhaakora.

Mataayo 20:7

“Bho bhakamohonshora igha, ‘Taaho ömöntö ono atohaayë omoremo tokore.’ “Akabhatëëbhya igha, ‘Na bhëënyu bhonswe, moghende mokore emeremo kö-möghöndö ughwane ughwa emezabhibhu.’

Mataayo 5:12

Momanye igha ni-igho bhaateesanga abharööti abha kare. Ku bhuyö mushomerwenga bhököngʼu, ko bhoora Waryobha yaabhatoorra-ho ituho enene mu-ryobha iyö.”

Mataayo 6:1

Yëësu akaghëndërrya ukwëghya abheegha abhaaye igha, “Mwiyangarre, motakaakora amangʼana aghëënyu, okore momaahwe na ukukumibhwa na abhantö. Ko bhoora hano moraakore igho, Taata uwëëtö uwa mu-ryobha tabhatuhe hë.

Mataayo 6:4

engʼana iyö, otakaagherekera kebhara. Hayö ho Taata uwëëtö uwa mu-ryobha ono akomaaha imbumbure iya ömöntö, araakutuhe.”

Ruuka 14:14

Hayö ho oraangʼoorwe, ko bhoora bhayö, tebhaana ëkëntö ikya ukukukyörrya hë. Kasi Waryobha we arekohaka ko-nkaagha eno ariryökya abhantö abha heene.”

Ruuka 6:35

“Kasi bhëënyu, mohanshe abhabhisa abhëënyu, mobhatöörringa. Mohaanenga abhantö isiirë motakwitengʼera igha, moreehakwa. Hayö ho murituhwa ituho enene, na hayö ho moraabhe abhaana abha Waryobha ono arëngë kighörö iya bhyonswe igho. Ko bhoora Waryobha, m-buuya akokorra abhakora amaghogho, na bhano bhataana umukumo.

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

2 Abhakörintö 5:10

Ko bhoora bhëëtö bhonswe igho, nturimerra mbere iya ikitumbë ikya Yëësu Kiristo ikya okobhotorra ibhiina, okore kera ömöntö, ahakwe ko okorengʼaana na amangʼana ghano yaakora, ko-kebhara kono, nyoore m-maiya handë igha m-maghogho.

Abhagharatia 3:28

Mbe, Umuyahudi na ömöntö ono atarë Umuyahudi, bhonswe igho n-këntö këmwë, omoghorwa bhaana ömötöönööni, umushaasha na omokari, bhonswe igho n-këntö këmwë mörë, ko bhoora moghootaini na Kiristo Yëësu.

Abhakorosaai 3:11

Ku bhuyö tekobha bhöndë ku-Muyahudi na kö ömöntö ono atarë Umuyahudi, abhasaarwa handë abhatasaarwa, ömöghëni handë umusheema, omoghorwa handë ömötöönööni. Kasi Kiristo we akomara amangʼana ghonswe igho, ghwiki mo-senkoro isya bhonswe igho arë.

Abhakorosaai 3:24

Momanye igha, Omonene ono mukutighinkanera, we Kiristo. Uyö we arebhatuha ituho eera yaaraghaini okobhatuha.

Abhakorosaai 3:25

Kasi wowonswe igho ono akokora amangʼana amaghogho, narishibhibhwa na Waryobha, ko ekerengere ikya obhoghogho bhono yaakora, ko bhoora Waryobha taana ekeroterro hë.

Abhaëbhuraania 10:35

Mbe, motakaasha ukutigha obhokarë ubhwënyu bhuyö, ko bhoora mboreghera mutuhwe bhököngʼu.

Abhaëbhuraania 11:26

Yaarööshë igha, m-buuya ukunyoora inyanko ko okoghera iya Kiristo, bhuyö nu-bhwamë bhono bhokokera ëbhëntö ibhya Miisiri. Mosa uyö, yaaitengʼeranga ukunyoora ituho ukurwa ku-Waryobha sinsikö isya mbere iyö.