Abhaëfësö 5:8 - Imuuma Eehya

⁸ Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu.

Abhaëfësö 5:8 ပူးပေါင်းရင်းမြစ်များ

Mataayo 3:8

Nyoore m-maheene igha nkutuna mörë mbabhatiisi, ëkëntö ekenene ni-igha, mokorenga amangʼana ghano ghakwörökya igha, möhöngööyë ëbhëbhë ibhyënyu.

Mataayo 4:16

Abhantö abha mu-kisuntë, bharööshë obhorabhu obhonene, abhantö bhayö abha mu-kiiriiri ikya uruku, bhamörëkirwë emerengaari ighya nyinkyo.”

Ruuka 1:79

ngeremorekera bhonswe igho bhano bharëngë mu-kisuntë, na bhano bhakoghania uruku. Ghwiki mboretotangata tohete ko-nshera iya omorembe.”

Ruuka 16:8

“Hano umwamë uyö yaaighuurë amangʼana ghayö, akakumya umwimërërri uyö atarë uwa heene, ko-bhongʼaini bhono yaakörrë. Ko bhoora abhantö abha ko-kebhara kono, mbaana obhongʼaini, hano bhatighinkanerana abheene ko abheene, ko-mangʼana agha ko-kebhara kono, okokera abhantö abha Waryobha.

Yohana 1:9

Obhorabhu ubhwenebhwene, bhono bhokohaana abhantö bhonswe igho obhorabhu, nko-nshera bhwaarë bhoraasha ko-kebhara kono.

Yohana 12:35

Yëësu akabhatëëbhya igha, “Obhorabhu mbökërëngë hamwë na bhëënyu ku-ribhagha ike igho. Möghëndërri okoghenda mo-merengaari ighya obhorabhu bhuyö, okore ikisuntë ketakaasha okobhakera, ko bhoora ömöntö ono akoghenda mu-kisuntë, tamanyirë ahasë akughya hë.

Yohana 12:36

Ko-nkaagha eno obhorabhu bhökërëngë ko-kebhara kono, mubhukumi, okore mobhe abhaana abha obhorabhu.” Hano Yëësu yaamarrë okoghamba amangʼana ghayö, akaghya ukwibhisa.

Yohana 12:46

Öni naasha igha mbe obhorabhu ko-kebhara kono, okore kera ömöntö ono akunkumya atakaikara mu-kisuntë.

Yohana 8:12

Mbe, Yëësu akaghëndërrya okoghamba ghwiki na rikomo reera igha, “Öni nö-öni obhorabhu ubhwa ekebhara. Ömöntö wowonswe igho ono akonsoorana, takoghenda mu-kisuntë kora hake hë, kasi naraabhe na obhorabhu bhono bhokomotangata mö-bhöhöru ubhwa amakora ghonswe igho.”

Amangʼana agha Abhatomwa 17:30

Kare hayö, Waryobha yaaikörrë igha takomaaha amangʼana ghayö abhantö bhaakoranga, ko bhokangi ubhwabho ubhwa ukwanga komomanya. Kasi bhoono, nkötëëbhya arë abhantö bhonswe igho abha kera ahasë igha, bhahongore ëbhëbhë ibhyabho.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abharuumi 1:21

Nokaanyoora abhantö mbamanyirë Waryobha kya bhono arë, kasi tebhakömötöönia hë, handë ukumukumya kya bhono aingʼarëëyë. Bhaana amaitegherro amaghogho, na sehakëri isyabho mu-kisuntë sërë.

Abharuumi 13:12

Bhoono bhoratuna kokya, urusikö orohya roratuna ukusimya. Ku bhuyö ni-igha tutighe okokora amangʼana amaghogho ghano ghakokorwa na abhantö bhano bharëngë mu-kisuntë. Tomanore ibhyöghë ibhya emerengaari.

Abharuumi 2:19

Ko okoghera iya amangʼana ghayö, nkwimaaha örë igha wingʼarëëyë okotangata Abhakyaro, kya ömöntö ono akoraahuuna abhahukuru, handë igha kya etara eno ëkömërëkërya abhantö mu-kisuntë.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

2 Abhakörintö 3:18

Bhëëtö bhonswe igho bhano totakundikiiyi ubhusyö, m-bëëtö emerengaari ighya Omonene ghekohetera-mo kya ikyowa. Omonene ono ërëngë igha we Umwika, nkutusyörya arë, tutuubhane nawe, ukurwa ko-merengaari okohekera ko-merengaari ëmërörö bhököngʼu.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

2 Abhakörintö 6:14

Motakaaghootana na abhantö bhano bhatarëngë abhakumya. Mwaakarööshë igha, obhoheene na öbhötëëyu bherarengerrania? Handë obhorabhu na ikisuntë bheraikarana hamwë?

Abhagharatia 5:25

Ko bhoora Umwika yaatohaana öbhöhöru obhohya, mbe ni-igha toghoote-ko obhotangati ubhwaye.

Abhaëfësö 2:2

Enkaagha iyö, mwaakoranga amangʼana agha ko-kebhara kono. Kora mwaasorananga omotangati omoghogho uyö, Omonene uwa singuru isya ighörö isya amasambwa. Uyö we bhoono igho akokora emeremo mo-bhantö bhano bhatakwighwera Waryobha.

Abhaëfësö 4:18

Tebhaamanyërrëëyi bhuuya amangʼana agha Waryobha hë, kora tebharëngë haangʼë na öbhöhöru obhohya ubhwa Waryobha hë. Ko bhoora igha, tebhamanyirë Waryobha hë. Ghayö ghonswe igho, n-ko okoghera iya ikisiraani ikyabho.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhaëfësö 6:12

Nkobhatëëbhya ndë igho ko bhoora igha, riihë reno tukwitana, ti-irya kinyabhantö hë, kasi nkwitana törë riihë na ëbhëntö bheno bhetakomaahwa, ibhya ubhwera na obhotoro. Nkwitana törë riihë na abhanene abha amangʼana amaghogho, bhano bhakotonga ekebhara keno. Nkwitana törë riihë na amasambwa ghonswe igho ghano ghakokora amangʼana amaghogho, na amatöngi agha ahasë hano hatakomaahwa.

Abhakorosaai 1:12

na eno morakumya Taata Waryobha, ko bhoora abhakörrë mobhe abhasangi abha ikitweno ikya umwandö ughwa abhantö abhaaye, mo-Bhokama ubhwaye ubhwa emerengaari.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

Tiito 3:3

Kora bhëëtö bhonswe kare hayö, hano waanyöörrë totaraakumya Yëësu, m-bakangi twaarë, abhatëëyu, kora ntwaangʼainirwë, tokabha abhaghorwa abha oronamba, na amangʼana amaaru agha ko-kebhara kono, ghano ghaaturutanga. Tokabha abhantö abhaghogho na abha orongʼeera. Tokabha abhantö abha okoreghana na abhantö abhandë.

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.