Abhaëfësö 5:32 - Imuuma Eehya

³² Amangʼana ghano m-marito, te-mahöhö hë. Kasi öni keno nkushumaashera, nu-bhwighwerrani ubhwa Yëësu Kiristo na ekanisa iyaaye, igha n-kya ömöntö na mokaaye.

Abhaëfësö 5:32 ပူးပေါင်းရင်းမြစ်များ

Yohana 3:29

Umwenga nu-uwa ömötëti. Kasi omosaani uwa ömötëti, ono akwimerra haangʼë na ömötëti, na ukwighwa bhono akoghamba, nkushomerwa arë bhököngʼu hano yaighwa engamba iya ömötëti. Ku bhuyö kono nko ukushomerwa ukwane, kono kwahekerana.

2 Abhakörintö 11:2

Öni neena rihari reno rikurwa ku-Waryobha, ko bhoora monga kya umwisëkë intindë, ono naaghambera öbhökwë ku-mushaasha ömwë igho, ono akobherekerwa igha, Yëësu Kiristo.

Abhaëfësö 5:31

N-kya bhono yandëkirwë mo-Maandeko Amahörëëru igha, “Ku bhuyö umushaasha naraatighe suwaabho na nyakuwaabho, aghootane na mokaaye. Abhantö abhabhërë bhayö, nkobha bharë kya ömöbhërë öghömwë.”

Abhaëfësö 5:33

Ndamarërrya amangʼana aghaane ko okoghamba igha, ni-igha umushaasha ahanshe mokaaye, kya bhono ahanshirë ömöbhërë ughwaye umwene, na omokari wonswe asooke mushaasha uwaaye.

Abhaëfësö 6:19

Monsaasaamere na öni wonswe, okore Waryobha angʼaane amangʼana amaiya agha okoghamba enkaagha yoyonswe igho, eno ukunyoora ndashumaashera amangʼana agha Yëësu Kiristo, ndaghërri abhantö kö obhokarë, obhoheene bhono bhörëngë mo-Mangʼana Amaiya, bhaghamanye.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

1 Timoteo 3:8

Abhashemaasi bhonswe, bhabhe na eteemo inshiiya, bhatakaabha abhaihunaania, bhatakaabha abhanywi abha amarwa, bhatakaahansha seehera.

Okohonyora 21:2

Mbe, nkamaaha umughi ömöhörëëru, ghoraika ukurwa mu-ryobha, ku-Waryobha, ghuyö ngo Yërusarëëmu omohya. Umughi ghuyö, ngwaakönirwë kya bhono umwenga yasëëmibhwa araghanya ömötëti.