Abhaëfësö 5:23 - Imuuma Eehya

²³ ko bhoora igha, umushaasha n-kya omotwe ko mokaaye, naana ubhwera ko mokaaye. N-kya bhoora Yëësu Kiristo aana ubhwera ko-kanisa iyaaye, na ekanisa n-kya ömöbhërë ughwa Yëësu Kiristo, na uyö we yaaghëtöörya.

Abhaëfësö 5:23 ပူးပေါင်းရင်းမြစ်များ

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

1 Abhakörintö 6:13

Abhantö abhandë bharaghamba igha, enda n-ko okoghera iya ibhyakorya, na ibhyakorya n-ko okoghera iya enda. Kasi bhyonswe igho bhibhërë bhiyö, enda na ibhyakorya, Waryobha naribhiruusya-ho. Kasi ömöbhërë te-ko okoghera iya obhosooraare hë, kasi n-ko okoghera iya Omonene uwëëtö, na Omonene n-ko okoghera iya ömöbhërë.

Abhaëfësö 4:15

Kasi ikya okokora no-koteebhania obhoheene ubhwa Waryobha ku righonshe. Tobhe abhantö abhakörö ko amangʼana ghonswe igho. Tutuubhane na Kiristo ko bhoora Kiristo n-kya omotwe ko abhasoorani abhaaye.

Abhaëfësö 5:24

Mbe, kya bhono ekanisa ekosooka Yëësu Kiristo, abhakari bhonswe ighoigho, bhaighwere bhashaasha abhaabho, ko amangʼana ghonswe igho.

Abhakorosaai 1:18

We omotwe ughwa ömöbhërë, ekanisa yo ekobherekerwa igha, ömöbhërë. Ensonga iya engʼana iyö ni-igha, we okosemoka ukwa ekanisa, ghwiki we uwa mbere ukuryoka ukurwa mo-bhaku, okore abhe omonene uwa ëbhëntö bhyonswe igho.

1 Abhatësarönikë 1:10

Bhoono nkoghanya mörë Omoona uwa Waryobha, Yëësu, aike ukurwa mu-ryobha. Uyö we Waryobha yaaryökëri, ghwiki we akötötöörya okore Waryobha atakaasha ukutushibhya hano arebhotorra abhantö bhonswe igho ibhiina ibhyabho.

Okohonyora 19:7

Ni-igha tushomerwe, tukirirri na ökömötöönia. Ko bhoora inyangi iya obhoghabhöri ubhwa Omoona Ringʼöndi ihikirë, na umwenga uwaaye amarrë ukwisëëmya.

Okohonyora 5:9

Bhakarëëtërya Omoona Ringʼöndi rirëëtyö reehya igha, “Uwe wingʼarëëyi okoghegha eketabho kiyö na okonaanora-ko ubhurimbo ubhwa ku-mihuri ighya-ko, ko bhoora uwe waashinshirwë. Okaghorra Waryobha ko amaanyinga aghaaho, abhantö abha amakabhira ghonswe igho, ebheghambo bhyonswe igho, sihiiri syonswe igho na ibhyaro bhyonswe igho.