Abhaëfësö 5:2 - Imuuma Eehya

² Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhaëfësö 5:2 ပူးပေါင်းရင်းမြစ်များ

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Yohana 13:34

Kasi bhoono ndabhahaana umughiro omohya, ndabharaghërrya igha, ‘Mohanshane. Kya bhono mbahanshirë, na bhëënyu bhonswe mohanshane ighoigho.’

Yohana 6:51

Öni nö-öni ibhyakorya ibhya öbhöhöru bheno bhyaarwa mu-ryobha. Ömöntö ono araaraaghere ibhyakorya bhiyö, nkobha arë na öbhöhöru ubhwa amakora ghonswe igho. Ibhyakorya bheno ndaahaane abhantö bhonswe igho ko okoghera iya öbhöhöru, nö-möbhërë ughwane.”

Abharuumi 15:16

okore mbe ömököri uwa emeremo uwa Kiristo Yëësu ko-Bhakyaro. Ensonga iyaamo ni-igha, naakorwa ömösëngëri uwa okoraareka Amangʼana Amaiya agha Waryobha, okore Abhakyaro bhabhe kya ibhimwenso bheno bhëkötëghërya Waryobha, bheno bhyaarabhwa na Umwika Ömöhörëëru.

Abharuumi 4:25

Waryobha yaarëëtirë Yëësu okore akwe, ko okoghera iya ëbhëbhë ibhyëtö. Akamuryökya, okore tobharwe igha, m-ba heene törë.

Abharuumi 8:3

Amaraghërryö agha Mosa teghaarenga na obhotoro ubhwa okotohaana öbhötöönööni, ko okoghera iya esemoko iyëëtö iya öbhököri ubhwa ëbhëbhë. Kasi keno amaraghërryö ghaakërrwë okokora, Waryobha yaakëkörrë. Yaatömirë Omoona uwaaye umumwëmwë, akaasha ko-kebhara kono kinyabhantö, kya bhëëtö abhaköri abha ëbhëbhë, okore abhe ikimwenso ko okoghera iya ëbhëbhë ibhyëtö. Ko okokora igho, Waryobha yaasikiri esemoko iya öbhököri ubhwa ëbhëbhë kö-bhëëtö.

Abharuumi 8:37

Ntokaanyoora inyanko yoyonswe igho, kasi bhëëtö ntoraaghëndërri okobhaaha, ko bhoora Kiristo ono atohanshirë we akötötöörrya.

1 Abhakörintö 16:14

Mobhenga na righonshe ko amangʼana aghëënyu ghonswe igho, ghano mokokora.

1 Abhakörintö 5:7

Ku bhuyö mwisaabhuure, ku ukuruusya ömöntö omoghogho uyö mö-bhëënyu, kya hano ömöntö yaruusya-mo ehamiira iya kare. Hayö bhoono ho moraabhe ekerengo ekehya, kya bhono motaarenga-mo na ehamiira iya kare. Ko bhoora Waryobha yaakörrë Yëësu Kiristo akabha Omoona Ringʼöndi uwa Epasaka iyëëtö, yaamara ukuruusibhwa akabha ikimwenso ko okoghera iya bhëëtö.

2 Abhakörintö 2:14

Kasi tukumi Waryobha ono aköghëndërrya okototangata senkaagha syonswe igho ku ukushengera obhobhaahi ubhwa Yëësu Kiristo. Waryobha nkoghera arë abhantö ahasë honswe igho, bhamanya Yëësu Kiristo okohetera kö-bhëëtö, nkobha ërë kya ukurumbaasa ukwa ikirumba ikiiya.

2 Abhakörintö 2:15

Ni-igho ërë ko bhoora bhëëtö ni-kirumba ikiiya ikya Yëësu Kiristo ku-Waryobha, ko-bhantö bhano bhakötööribhwa, na ko bhano bhakusira.

2 Abhakörintö 8:9

Bhëënyu mmomanyirë örööbhö urwa Omonene uwëëtö Yëësu Kiristo igha, nokaanyoora m-mwamë yaarë, kasi yaaikërëëyi abhe ömötöbhu ko okoghera iya bhëënyu, okore mwamehe ko okohetera kö-öbhötöbhu ubhwaye.

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

Abhagharatia 2:20

Esemoko iya öbhöhöru ubhwane bhoora ubhwa kare, mbwaahanekwa hamwë na Kiristo ko-mosarabha. Bhoono m-möhöru ndë, kora tö-öni hë, kasi Kiristo we öbhöhöru ubhwane bhono bhörëngë ku-öni. Öbhöhöru bhono neenabho enkaagha eno, nneenabho ku ukukumya Omoona uwa Waryobha. Omoona uwa Waryobha uyö yaanhanshirë, akairuusya öbhöhöru ubhwaye, akantöörya.

Abhaëfësö 1:4

Keno Waryobha yaakörrë, nu-kutwahora tobhe abhantö abhaaye ko okohetera kö-bhömwë ubhwëtö na Yëësu Kiristo. Yaakörrë igho, kora ataraabhomba ëbhëntö bhyonswe igho ibhya ko-kebhara kono. Waryobha yaatwahora okore tobhe abhahörëëru abhaaye bhano totaana risoro ryoryonswe reera. Ko okoghera iya righonshe iryaye,

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhaëfësö 3:19

Nkosabha ndë igha, momanye righonshe iryaye riyö rekokera obhotoro ubhwa okomanya ukwa ömöntö. Nkosaasaama ndë igha, Waryobha abhahaane na abhaishöri bhököngʼu eteemo iyaaye.

Abhaëfësö 4:15

Kasi ikya okokora no-koteebhania obhoheene ubhwa Waryobha ku righonshe. Tobhe abhantö abhakörö ko amangʼana ghonswe igho. Tutuubhane na Kiristo ko bhoora Kiristo n-kya omotwe ko abhasoorani abhaaye.

Abhaëfësö 4:2

Mwihoote ko-ghonswe igho ghano mokokora, mobhe abhahaabhu, möghömërri na ököghömërrania ukwa okohanshana.

Abhaëfësö 5:15

Ku bhuyö mwiyangarre eteemo iyëënyu, motakaabha na eteemo iya ekekangi, kasi mongʼainihe.

Abhaëfësö 5:25

Bhëënyu abhatëti, ni-igha mohanshe bhakëënyu kya bhono Yëësu Kiristo yaahanshirë ekanisa iyaaye, kora akaikwera.

Abhafiripi 4:18

Bhoono ëbhëntö bhyonswe igho bheno mwaahaayë Epafurodito okondeetera, naabhinyöörrë. Kora ëbhëntö bhiyö m-byaru okokera obhohabhë ubhwane. Ekehaheeno kiyö kyabha ikimwenso keno kikurumbaasa bhuuya, keno kikwikërërribhwa na okongʼarra Waryobha.

Abhakorosaai 3:14

Ekenene ko-ghayö ghonswe igho, ni-igha mohanshane, ko bhoora righonshe nkoreeta rërë öbhömwë ubhwa heene ko bhonswe igho.

1 Abhatësarönikë 4:9

Bhoono, tërëngë igha tobhandekere amangʼana agha okohanshana, ko bhoora bhëënyu abheene mwëghibhwa na Waryobha kya bhono ikutunwa mohanshane.

1 Timoteo 2:6

Yëësu uyö, yaairuusiri umwene igha akwe, okore atunguri abhantö bhonswe igho. Kiyö nkyo ekemanyërryö keno Waryobha yaatohaayë ko-nkaagha eno umwene yaasëëmëri.

1 Timoteo 4:12

Ömöntö wowonswe oora atakaakosera igha m-mumura ökërë, kasi okore omotono ughwa okobha ëkërëngyö ko abhakumya, ko bhoghambi ubhwaho, eteemo iyaaho, righonshe iryaho, umukumo ughwaho, otakaabha na risoro.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 8:3

Kera Omonene uwa abhasëngëri nkotoorwa arë-ho, okore amwensere Waryobha, ku bhuyö Omonene uwa abhasëngëri uwëëtö ono, wonswe ni-igha abhe na ikimwenso ikya ukumwensera Waryobha.

Abhaëbhuraania 9:14

Kasi bhoono amaanyinga agha Yëësu Kiristo, ngaana ubhwera bhököngʼu, okokera agha situgho ghayö. Uyö we yaairuusiri umwene ko obhotoro ubhwa Umwika uwa amakora ghonswe igho, okore abhe ikimwenso keno ketaana risoro ku-Waryobha. Ikimwenso ikya amaanyinga aghaaye, nkyo kikutwöghya amaitegherro aghëëtö gharwe mo-mangʼana ghano ghakoreeta uruku, okore tosaasaamenga Waryobha ömöhöru.

Abhaëbhuraania 9:23

Ëbhëntö bhiyö ibhya ko-kebhara kono ni-igho bhyaasaabhuurwanga, nabhyo ni ituubho iya amangʼana agha mu-ryobha. Kasi ëbhëntö ibhya mu-ryobha bhiyö, bheratuna ikimwenso ikiiya okokera amaanyinga agha situgho.

Abhaëbhuraania 9:26

Singa etaabhaayë igho, Kiristo nakaatëësirwë hare kaaru ukurwa okosemoka ukwa ekebhara keno. Kasi bhoono yaasha kamwë igho ko-senkaagha isya umuhiko seno, okore aruusi-ho ëbhëbhë ku ukwiruusya umwene kamwë igho abhe ikimwenso.

1 Peetero 4:8

Engʼana enene okokera ghonswe igho, ni-igha mohanshane bhököngʼu, hano moraahanshane, moraabherane bhököngʼu obhosarya ubhwënyu bhono mokokorrana.

1 Yohana 3:16

Hano Yëësu Kiristo yaaruusiri öbhöhöru ubhwaye ko okoghera iya bhëëtö, yaatwörökëri righonshe irya obhoheene. Kora bhëëtö bhonswe ni-igha turuusi öbhöhöru ubhwëtö, ko okoghera iya abhakumya bharikyëtö.

1 Yohana 3:23

Umughiro ughwaye ngo ghono igha, totakanga ukukumya Yëësu Kiristo, Omoona uwaaye, kora tohanshane kya bhoora yaatoraghërrëëyi.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.

Okohonyora 5:9

Bhakarëëtërya Omoona Ringʼöndi rirëëtyö reehya igha, “Uwe wingʼarëëyi okoghegha eketabho kiyö na okonaanora-ko ubhurimbo ubhwa ku-mihuri ighya-ko, ko bhoora uwe waashinshirwë. Okaghorra Waryobha ko amaanyinga aghaaho, abhantö abha amakabhira ghonswe igho, ebheghambo bhyonswe igho, sihiiri syonswe igho na ibhyaro bhyonswe igho.