Abhaëfësö 5:18 - Imuuma Eehya

¹⁸ Motakaaghootwa na amarwa, ko bhoora okoghootwa na amarwa nkoghera körë ömöntö akora amangʼana agha sënsöni. Kasi bhëënyu mutighe Umwika Ömöhörëëru abhatangate ko amangʼana ghonswe igho.

Abhaëfësö 5:18 ပူးပေါင်းရင်းမြစ်များ

Mataayo 23:25

“Haahö, bhare abhëëghya abha amaraghërryö agha Mosa na Abhafarisaayo, bhëënyu moraikörya. Ko bhoora nkwikora mörë ko-bhantö igha m-bahörëëru mörë, mörööghya kebhara iya ekekombe na esahaani, kasi timukwöghya mönsë hë. Mönsë muyö haishööyë ubhwibhi na obhohoobhaaru.

Mataayo 24:49

Bhoono, aikare okotema abhaghorwa bharikyaye bhaara, abhe uwa okorya na ukunywa amarwa.

Ruuka 1:15

Ko bhoora Omonene Waryobha narimwitengʼera abhe omonene. Omoona uyö atakaasha ukunywa idivai kora hake hë, handë bheno bhekoghoota kya amarwa. Ko bhoora naretangatwanga na Umwika Ömöhörëëru akërëngë mo-nda iya nyakuwaabho.

Ruuka 11:13

Nokaanyoora igha bhëënyu abhantö m-baghogho mörë, kasi momanyirë okohaana abhaana abhëënyu ëbhëntö ibhiiya. Mbe, Taata uwa mu-ryobha, nu-uwa heene, nahanshirë bhököngʼu okohaana abhantö bhano bhakomosabha, Umwika Ömöhörëëru.”

Ruuka 12:45

“Kasi hano omoghorwa uyö araaighambere mo-motwe ughwaye igha, ‘Omonene uwaane, atëghëtirë ukukyora.’ Ku bhuyö, asimi okotema abhaghorwa bharikyaye bhano akwemererra, abha ekekari na ikishaasha. Aikarre obhoraaghëri, ubhunywi na öbhörëëbhi.

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Yohana 2:10

Hano ömötëti uyö yaahikirë, akamötëëbhya igha, “Kera ömököri uwa inyangi, nkotangata arë okohaana abhantö idivai inshiiya. Hano bhanywa këmwëkëmwë, ho bhoono akoreeta idivai amaiya ghano. Kasi uwe öbhëëkirë idivai inshiiya eno, m-boono waghereeta!”

Amangʼana agha Abhatomwa 11:24

Bharinaabha m-möntö uwa heene yaarë, yaaishööyë Umwika Ömöhörëëru, na kora m-möntö uwa umukumo yaarë. Ekerengere ikya abhantö bhano bhaakumiri Omonene, kekaaruha bhököngʼu.

Abharuumi 13:13

Tobhe na eteemo inshiiya kya iya abhantö abha mo-merengaari ighya urusikö orohya. Totakaabha abhaköri abha sinyangi isya obhohoobhaaru na öbhörëëbhi, totakaabha abhasooraare, totakaakora amangʼana agha sënsöni, ubhutindi na rikenge.

1 Abhakörintö 11:21

ko bhoora hano mwarya, kera ömöntö mö-bhëënyu muyö, nkotangata arë okorya ibhyakorya ibhyaye, takosanga na abhandë hë. Ku bhuyö, abhandë nkutighara bharë na umweko, na abhandë unyoora bhaghöötirwë na amarwa.

1 Abhakörintö 5:11

Kasi naabhandëkëëyë igha, motakaaghootana na ömöntö ono okobherekerwa igha umukumya murikyënyu, hano oraanyoore m-mosooraare, umuhiti, handë ömösëngërri uwa ëbhëtöndö, handë ömötöki, handë ömörëëbhi, handë omosaki. Ömöntö kya uyö, motakaasanga nawe kora ibhyakorya.

1 Abhakörintö 6:10

abhaibhi, abha oronamba, abharëëbhi, abha amatöki, na abhasaki, tebharerya umwandö ughwa Obhokama ubhwa Waryobha hë.

1 Abhatësarönikë 5:7

Abhantö bhano bhakoraara sentero, nu-bhutikö bhakoraara. Kora abhanywi abha amarwa, nu-bhutikö bhakoghanywa.

Tiito 1:6

Omoghaaka omotangati uwa ekanisa, ni-igha abhe ömöntö ono atakotemwa amasoro. Abhe umushaasha nyamokari ömwë igho, abhe na abhaana abhakumya, bhano bhatarë abhamangarru, handë bhano bhatakwighwa.