Abhaëfësö 4:5 - Imuuma Eehya

⁵ Bhonswe igho ntoona Omonene ömwë ooraoora, umukumo ughwëtö n-gömwë, na obhobhatiisyo bhwonswe m-bömwë.

Abhaëfësö 4:5 ပူးပေါင်းရင်းမြစ်များ

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

Amangʼana agha Abhatomwa 2:36

Peetero akamarërrya ko okoghamba igha, “Ku bhuyö, Abhaisiraëri bhonswe igho, ni-igha momanye bhuuya igha, Waryobha, akörrë Yëësu uyö, okobha Omonene na Kiristo. Na Kiristo uyöuyö, we mwaahanëkirë ko-mosarabha haara, mokamwita!”

Abharuumi 3:30

Waryobha nö-ömwë igho. Ghwiki enshera eno eeho iya okobharwa igha m-ba heene ku-Waryobha, në-ëmwë igho. Abhayahudi na Abhakyaro, bhonswe igho bhayö, nkobharwa bharë abha heene ko-nshera iya ukukumya Yëësu Kiristo ukwene igho.

1 Abhakörintö 1:13

Bhoono ndabhabhöörya igha, Kiristo nahokaini? Kasi Pauro, we yaahanëkirwë ko-mosarabha ko okoghera iya bhëënyu? Handë igha, mwaabhatiisiibhwi okohetera iriina irya Pauro?

1 Abhakörintö 1:2

nkobhakëërya törë bhëënyu bhano mörëngë mo-kanisa iya Waryobha, eno ërëngë Körintö hayö. Bhëënyu mwasaabhuurwa na Kiristo Yëësu. Mwabherekerwa igha, mobhe abhantö abha Waryobha, hamwë na bhonswe igho kera ahasë, bhano bhakosaasaama Omonene uwëëtö Yëësu Kiristo, ono arëngë Omonene uwaabho, na uwëëtö na bhëëtö bhonswe.

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

1 Abhakörintö 12:5

Seeho seteemo sinsharu isya okokora emeremo, kasi Omonene ono tokokorra emeremo, nu-yöuyö.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

2 Abhakörintö 11:4

Ngambirë igho, ko bhoora igha, bhëënyu m-bangö mörë abha ukwikërrya amangʼana agha ömöntö ono akuusha okoraareka amangʼana agha Yëësu, ghano ghatarengʼaini na ghano twaabharaarëkëëyë. Ghwiki nkwikërrya mörë umwika uwöndëwöndë igho, handë amangʼana aghandë igho ghano ghatakorengerrania na ghano mwaaikërëëyi ekembere ukurwa kö-bhëëtö.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 4:13

Engʼana iyö, neraaghëndërri igho, okohekera hano bhëëtö bhonswe igho, torebha abhamwë ku umukumo ughwëtö, na okomanya Omoona uwa Waryobha. Ntorebha abhakumya bhano bhaahera ku umukumo ughwëtö. Ghwiki ntoraabhe abhantö abha heene kya Kiristo ono arëngë uwa heene.

Abhafiripi 2:11

Na kera ömöntö aikërri igha, Yëësu Kiristo we Omonene, ko okokora igho, Waryobha Taata atöönibhwinga.

Abhafiripi 3:8

Kora te-ghayö agheene igho hë, kasi nkomaaha ndë igha, kera ëkëntö tekeena ubhwera hë, hano nakerengʼania na ehoorohooro iya okomanya Kiristo Yëësu, Omonene uwaane. Ko bhoora naahaatera ghonswe igho ghayö, ko okoghera iyaaye. Nkoghamaaha ndë igha, ghayö n-kya amatokoore, okore mbe ömöntö uwa Kiristo.

Tiito 1:1

Ritashandighi reno, nö-öni Pauro ndyandëkirë, öni ömököri uwa emeremo uwa Waryobha, ono ndëngë omotomwa uwa Yëësu Kiristo. Naatomwa ndaghërri abhantö bhano bhaashaaghorwa na Waryobha, okore bhamukumi na okomanya obhoheene ubhwa Yëësu Kiristo. Obhoheene bhuyö, mbo bhokoraghërrya abhantö bhasooke Waryobha,

Tiito 1:4

Tiito nu-uwe nkwandekera. Uwe m-maheene igha, m-moona uwaane örë ku-mukumo ghono tokosanga. Örööbhö na omorembe bheno bhikurwa ku-Waryobha Taata uwëëtö, na ku-Kiristo Yëësu Ömötöörya uwëëtö, bhebhe hamwë na uwe.

Abhaëbhuraania 13:7

Muhiite bhano bhaabhatangatanga, bhano bhaabharaghërrëëyi engʼana iya Waryobha. Mwangarre eteemo iyaabho bhono ëtëëmirë mö-bhömënyi ubhwabho, mweghe umukumo ughwabho.

Abhaëbhuraania 6:6

Abhantö bhayö hano bhaaghwa, n-këköngʼu okobhakyörya bhahongore ghwiki ëbhëbhë ibhyabho. Ko bhoora nkukyörya bharë Omoona uwa Waryobha ko-mosarabha kemoghoromoghoro igho, bhamösöökya harabhu igho.

Yaakobho 2:18

Kasi ömöntö uwöndë aratora okoghamba igha, “Uwe, oona umukumo na öni na amangʼana amaiya nkokora.” Mbe, öni nendaamötëëbhi igha, “Nnyörökya umukumo ughwaho ghuyö ghotaana amangʼana amaiya, na öni nkwöröki umukumo ughwane ko amangʼana amaiya ghano nkokora.”

1 Peetero 3:21

Amanshë agha ëhöörö iyö në-kërëngyö ikya obhobhatiisyo bhono bhokobhatöörya bhëënyu reero eno, ti-igha nu-kuruusya ubhunyanku kö-möbhërë hë, kasi no-kobha na enkoro inshiiya ku-Waryobha. Amangʼana ghayö, nkobha gharë okohetera ukuryoka ukwa Yëësu Kiristo.

2 Peetero 1:1

Ritashandighi reno nö-öni Simeoni Peetero ndyandëkirë, öni ömököri uwa emeremo, na ghwiki m-motomwa uwa Yëësu Kiristo ndë. Bhëënyu bhano mwanyoora umukumo ughwa ubhwera, m-bëënyu nkwandekera. Mwaanyoora umukumo ghooraghoora, ghono na bhëëtö bhonswe twaanyoora okohetera ko obhoheene ubhwa Waryobha na ömötöörya uwëëtö Yëësu Kiristo.

Yuuda 1:20

Kasi bhëënyu bhare bhaghonshe abhaane, mwiraarerre ku righonshe irya Waryobha. Monaghe ku-mukumo ughwënyu ömöhörëëru bhököngʼu, mosabhenga ko obhotoro ubhwa Umwika Ömöhörëëru, na eno moraitengʼera na ukushomerwa ko okoghera iya ikyabhera ikya Omonene uwëëtö Yëësu Kiristo, ono araabhareetere öbhöhöru ubhwa amakora ghonswe igho.

Yuuda 1:3

Abhaghonshe abhaane, naaighombanga bhököngʼu igha, mbandekere amangʼana agha öbhöhönia bhono tokosanga bhëëtö bhonswe igho. Kasi ndööshë igha, ni-igha mbandekere ritashandighi reno, ko okobhasabha igha, mokore omotono ughwa okonaghya umukumo ghono Waryobha yaahaana abhantö abhaaye kamwë igho.