Abhaëfësö 4:31 - Imuuma Eehya

³¹ Muruusi mo-senkoro isyënyu öbhörrö bhwonswe igho, okoregha, okorerra, riihë, amatöki, na obhoghogho bhwonswe igho.

Abhaëfësö 4:31 ပူးပေါင်းရင်းမြစ်များ

Amangʼana agha Abhatomwa 21:30

Hano bhaaighuurë amangʼana ghayö, ekaghera umughi ghonswe igho ughwa Yërusarëëmu ghoromaane riihë. Abhantö bhakakenyerra Pauro, bhakamoghoota, bhakamungʼuura ukurwa mo-bhogho ubhwa risengerro irya Waryobha. Bhakasiika-ho ebhesaku bhöngöbhöngö.

Abharuumi 3:14

“Iminywa ighyabho ngishööyë amaihiimo, na amangʼana ghano ghakokorra abhantö öbhörrö.”

1 Abhakörintö 14:20

Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

1 Abhakörintö 5:8

Mbe, totakaakora inyangi iya Epasaka na eno ehamiira iya kare eemo, ensonga yaamo ni-igha, obhoghogho na ëbhëbhë. Kasi tobhenga torakora inyangi ko emekaate gheno ghetakotoorwa-mo ehamiira, ghayö, n-senkoro sendabhu bheena obhoheene.

2 Abhakörintö 12:20

Bhoono nkoobhoha ndë igha, ndatora ukuusha, nyoore morakora amangʼana ghano ghatakunshomera. Engʼana kya iyö eratora okokora mbakorre engʼana eno etaabhashomere. Ndatora ukunyoora morabheehana, moona rikenge, okorerrana, okokora ikisiiyomba, okohaamërrania, obhoghambi ubhwa abhantö, ubhwihëëmi, na riihë.

Abhagharatia 5:20

okosengerra ëbhëtöndö, ubhuturutumbi, ubhubhisa, ribheeha, orongʼeera, okorerra, ifitina, ukwanga ukwighwerrana, okohaanga abhantö amangʼana,

Abhaëfësö 4:22

Abhëëghya abhëënyu bhaabhëëghya igha, mutighe seteemo isyënyu isya kare seera, seno syaabhasikyanga, isya ubhunyanku ubhwa oronamba rono rwaabhangʼënërryanga.

Abhaëfësö 4:25

Mbe, ku bhuyö mutighe obhorongo, kasi moteebhaninga obhoheene, ko bhoora bhëëtö bhonswe igho, n-kya imyaho ighya ömöbhërë öghömwë.

Abhaëfësö 4:26

Hano mwarerra, okorerra ukwënyu kuyö, kotakaaghera mokore ëbhëbhë, iryobha retakaaghwa mökërëërëëyë.

Abhakorosaai 3:19

Na bhëënyu abhashaasha, mohanshe bhakëënyu, motakaabhakorra öbhöbhë.

Abhakorosaai 3:8

Kasi bhoono mutighe këmwë eteemo iya okorerra, na öbhöbhë, obhoghogho, amatöki, bheena amangʼana ghano ghatakongʼarra okoghambwa na bhëënyu.

1 Timoteo 3:11

Bhakaabho bhonswe bhabhe na eteemo inshiiya, bhatakaabha abhaghambi abha abhantö, bhagheerenga ngʼora amangʼana, ghwiki ni-igha bhabhe abhantö abha heene ko amangʼana ghonswe igho.

1 Timoteo 3:3

Atakaabha umunywi uwa amarwa, atakaabha umutindi, abhe ömöntö omohaabhu ono ahanshirë amangʼana agha omorembe. Kora atakaabha ömöntö ono ahanshirë seehera.

1 Timoteo 5:13

Abhasinö kya bhayö, nkunyoora örë bhaana eteemo iya ubhworo na ubhwërëëri ubhwa mu-mighi ighya abhantö. Bhayö n-nyangasheka, abhashërëngya abha amangʼana agha abhantö abhandë, nkoghamba bharë amangʼana ghano ghatabhatönëri, na ghano ghataana enshera.

2 Timoteo 2:23

Otakaabha na senkaani isya obhokangi seno setaana ubhwera, ko bhoora nomanyirë igha, senkaani kya siyö, ni-ribheeha sekoreeta.

2 Timoteo 3:3

Kora tebharehansha ömöntö wowonswe oora hë, tebharitunanga ukwighwerrana hë, mbarebha abhaghambi abha abhantö, tebharirebherranga hë, mbarebha abharörö, tebharehanshanga amangʼana amaiya hë.

Tiito 1:7

Ko bhoora igha, omoghaaka omotangati uwa ekanisa, uyö we umwimërërri ono yaaghöötibhwa emeremo ighya Waryobha, ku bhuyö ni-igha, atakaabha ömöntö uwa okotemwa amasoro. Atakaabha na ekeghaaka, atakaabha ömöntö uwa enkoro, atakaabha ömörëëbhi, atakaabha umutindi, kora atakaabha na oronamba urwa seehera.

Tiito 2:3

Abhakungu bhonswe bhakorenga kya igho, obhatëëbhi igha, bhabhe na eteemo eno ëkötöönia Waryobha. Bhatakaabha abhaghambi abha abhantö, bhatakaabha abharëëbhi, kasi bhatönibhwi ukwörökërrya abhantö eteemo inshiiya,

Yaakobho 1:19

Abhakumya bharikyane abhaghonshe, munyitegherre bhuuya! Mobhe abhangö abha ukwighwa engʼana, kasi motakaaheetanga okoghamba engʼana, handë ukwangoha okorerra,

Yaakobho 3:14

Kasi hano oraanyoore igha moona orongʼeera, öbhörrö na ekeroterro mo-senkoro isyënyu, na eno moraikumya igha m-bangʼaini mörë, bhuyö m-borongo.

Yaakobho 4:11

Abhakumya bharikyane, motakaashërëngyanga amangʼana agha bharikyënyu. Ko bhoora ömöntö wowonswe ono akushërëngya amangʼana agha murikyaye, handë okomobhotorra ikiina, uyö nkunyoora arë asërrë amaraghërryö agha Waryobha. Hano oraasere amaraghërryö, uwe tokoghasooka hë, kasi nkunyoora örë wikörrë umwahokania uwa amaraghërryö.

1 Peetero 2:1

Mbe, mutighe obhoghogho bhonswe igho, seteemo syonswe igho isya okongʼaina abhantö, ubhwiköri, na rikenge, kora motakaaghambanga bhoghogho abhantö.

1 Yohana 3:12

Totakaabha kya Kaini, ömöntö uwa Oghosambwa, oora yaaitirë mura waabho omoke. N-kwakë yaamwitirë? Yaamwitirë ko bhoora ghano Kaini yaakoranga, m-maghogho ghaarë, kasi ghano mura uwaabho omoke uyö yaakoranga, n-ga heene ghaarë.

1 Yohana 3:15

Ömöntö wowonswe igho ono akoregha umukumya murikyaye, uyö nu-mwiti. Mmomanyirë bhuuya igha, taaho umwiti ono aana öbhöhöru ubhwa amakora ghonswe igho hë.

Okohonyora 12:10

Mbe, nkaighwa engamba ukurwa mu-ryobha eraghamba bhököngʼu igha, “Bhoono, Waryobha uwëëtö ahönëri abhantö abhaaye. Aimërëëyi-ho Obhokama ubhwaye ko obhotoro ubhwaye! Kiristo wonswe öörökëri ubhwera ubhwaye, ko bhoora umushöngëri uwa abhakumya bharikyëtö, ono akobhashongera mbere iya Waryobha ubhutikö na omobhasö, arëkëëywë hansë.