Abhaëfësö 4:18 - Imuuma Eehya

¹⁸ Tebhaamanyërrëëyi bhuuya amangʼana agha Waryobha hë, kora tebharëngë haangʼë na öbhöhöru obhohya ubhwa Waryobha hë. Ko bhoora igha, tebhamanyirë Waryobha hë. Ghayö ghonswe igho, n-ko okoghera iya ikisiraani ikyabho.

Abhaëfësö 4:18 ပူးပေါင်းရင်းမြစ်များ

Mataayo 13:15

Ni-igho erebha ko bhoora bhaana emetwe ëmëköngʼu, amatwë aghaabho m-maribhu, mbahundirriyi, tebhakutuna okoramökya amaiso aghaabho hë, handë igha amatwë aghaabho ghaighwe, handë igha senkoro isyabho semanye, bhatakaanyisyörrya mbatööri.’”

Maariko 3:5

Yëësu akabhamoghorra amaiso bhonswe igho eno arërëëyë, akabhaabhayera mo-nkoro iyaaye, ko okoghera iya emetwe ighyabho ëmëköngʼu. Ho Yëësu yaamarrë akatëëbhya ömöbhëëru uyö igha, “Rambora okobhoko ukwaho.” Ömöntö uyö akarambora okobhoko ukwaye, kamwë igho kokahwena!

Yohana 12:40

“Nabhahukurya amaiso, nabhakora bhabhe na emetwe ëmëköngʼu, okore bhatakaamaaha, bhatakaamanya, bhatakaihonshora ukuusha ku-öni, mbatööri.”

Amangʼana agha Abhatomwa 17:30

Kare hayö, Waryobha yaaikörrë igha takomaaha amangʼana ghayö abhantö bhaakoranga, ko bhokangi ubhwabho ubhwa ukwanga komomanya. Kasi bhoono, nkötëëbhya arë abhantö bhonswe igho abha kera ahasë igha, bhahongore ëbhëbhë ibhyabho.

Amangʼana agha Abhatomwa 3:17

“Bhoono abhahiiri abhëëtö, ghayö ghonswe igho mwaakörëëyë Yëësu, bhëënyu na abhanene abhëënyu, nemanyirë igha, mwaakörrë motamanyirë keno mwaakoranga.

Abharuumi 1:28

Mbe, ko bhoora bhaanga okoghoota amangʼana agha Waryobha, Waryobha wonswe yaabhatigha bhakore bhono bhakutuna. Ku bhuyö nkokora bharë amangʼana amaghogho ghano bhaanagho mo-maitegherro aghaabho. Amangʼana ghayö, kora teghaana ubhwera hë.

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

Abharuumi 11:7

Ku bhuyö amangʼana ngarëngë igha, Abhaisiraëri bhaatunirë enshera iya okobharwa igha m-ba heene, kasi tebhaghinyöörrë hë. Bhano bhaanyöörrë enshera iya okobharwa igha m-ba heene, m-baara Waryobha yaahööyë abheene igho. Abhandë bhonswe igho bhano bhaatighaayë, akabhakora bhabhe na emetwe ëmëköngʼu.

Abharuumi 2:19

Ko okoghera iya amangʼana ghayö, nkwimaaha örë igha wingʼarëëyë okotangata Abhakyaro, kya ömöntö ono akoraahuuna abhahukuru, handë igha kya etara eno ëkömërëkërya abhantö mu-kisuntë.

1 Abhakörintö 1:21

Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

1 Abhakörintö 2:8

Taaho ömötöngi uwa ko-kebhara kono kora ömwë, ono amanyirë obhongʼaini bhuyö. Singa bhakaabhomanyirë, tebhakaahanëkirë Omonene uwa ubhuhika ko-mosarabha hë.

2 Abhakörintö 3:14

Sehakëri isya Abhaisiraëri, ni-ndito syaarë. Ko bhoora igha, kora bhoono igho, hano Imuuma iya Kare yasomwa, ikikundikiryö keerakeera, nkobhakundikirya kërë. Ikikundikiryö kiyö, tikikuruusibhwa-ko hë, ko bhoora nkuruusibhwa-ko kërë hano ömöntö yaabha na öbhömwë na Yëësu Kiristo.

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

Abhagharatia 4:8

Bhëënyu kare hayö, temwamanyirë Waryobha hë, m-baghorwa mwaarë, abha ëbhëntö bheno bhetarë Waryobha.

Abhaëfësö 2:1

Bhëënyu n-kya abhaku mwaarë, ko bhoora motaighweranga Waryobha, mokaghëndërrya okokora ëbhëbhë.

Abhaëfësö 2:12

Muhiite igha enkaagha iyö, temwamanyirë Yëësu Kiristo hë. Temwagherrwanga hamwë na Abhaisiraëri, abhantö abha Waryobha. M-baghëni mwaarë ko-maraghanio agha imuuma ghano Waryobha yaaraghaini Abhaisiraëri. Temwaarë na ubhweseghe bhwobhwonswe bhoora hë, mwaamënyirë ko-kebhara kono kya abhantö bhano bhatamanyirë Waryobha.

Abhakorosaai 1:21

Kare hayö, hano bhëënyu motaarenga moraakumya Waryobha, hare mwaarë nawe, kora mokabha abhabhisa abhaaye, ko okoghera iya amaitegherro na seteemo isyënyu sengogho.

1 Abhatësarönikë 4:5

Motakaabha na oronamba kya urwa Abhakyaro, bho tebhamanyirë Waryobha hë.

Abhaëbhuraania 5:2

Omonene uwa abhasëngëri aratora okobha na ikyabhera ko bhano bhataimanyirë igha m-basarya, ko bhoora umwene wonswe m-mosarya yaarë.

Abhaëbhuraania 9:7

Kasi omonene uwa abhasëngëri umwene igho, we yaasohanga mu-kinyumba keera ikya kabhërë, kamwë igho ko-mooka. Yaasohanga-mo aghëghirë amaanyinga agha itugho. Amaanyinga ghayö, ngo ghaabhanga ikimwenso ku-Waryobha, ko okoghera iya ëbhëbhë ibhyaye, na ibhya abhantö abhandë bhano waanyooranga bhasarri bhatamanyirë.

Yaakobho 4:4

Bhëënyu tëmörëngë abhantö abha heene ku-Waryobha hë, n-kya abhakari abhasooraare mörë. Kasi temomanyirë igha hano ömöntö yaghootana obhosaani na ekebhara, nkobha arë umubhisa uwa Waryobha? Ömöntö wowonswe ono araatune okoghootana obhosaani na ekebhara, uyö nkobha arë umubhisa uwa Waryobha.

1 Peetero 1:14

Ko bhoora igha, bhoono m-baana abha Waryobha mörë, ni-igha mosooke Waryobha. Motakaikërrya ghwiki okobha na oronamba oroghogho rono mwaarenga naro kare, hano mwaarenga motaraamanya Amangʼana Amaiya agha Yëësu Kiristo.

1 Yohana 2:11

Kasi ono arëghirë umukumya murikyaye, mu-kisuntë akërë. Kora mu-kisuntë akoghenda. Tamanyirë hasë akughya hë, ko bhoora ikisuntë kyaamukundikirya amaiso.