Abhaëfësö 4:14 - Imuuma Eehya

¹⁴ Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

Abhaëfësö 4:14 ပူးပေါင်းရင်းမြစ်များ

Mataayo 11:7

Hano abheegha abha Yohana bhaatanoranga, Yëësu akabhöörya rikomo irya abhantö bhayö amangʼana agha Yohana igha, “Hano mwaaghëëyë ku-riköngö okomaaha Yohana, m-möntö kë mwaaitengʼeranga okomaaha? Mwaaitengʼeranga okomaaha ömöntö ono akwikërrya amangʼana ghonswe igho kya umunyaamunsi ghono ghukuhuushwa na rikama hasë honswe igho hano rikama rekobhata? Ti-igho hë.

Mataayo 24:11

“Ko-nkaagha iyö, mbariisha abharööti abha obhorongo abhaaru, bhangʼaine abhantö abhaaru.

Mataayo 24:24

Ko bhoora mbariisha abhantö abharongo bhano bharibherekeranga igha, mbo Kiristo, hamwë na bharööti abha obhorongo. Abhantö bhayö, mbarekora ebhemanyërryö ibhyaru ibhya amakono agha ököröghöörya. Mbarekoranga igho, okore bhangʼaine abhantö, kehane, bhangʼaine kora abhaahorwa abha Waryobha.

Amangʼana agha Abhatomwa 23:21

Kasi uwe otakaikërrya, ko bhoora Abhayahudi koheteera merongo ene mbaraaghonyere Pauro ko-nshera, okore hano areheta, bhamwite! Bhaihiimirriiyi igha, tebhaaraaghere handë ukunywa kyokyonswe keera hë, bhataraaita Pauro. Bhaisëëmëri këmwëkëmwë, nu-uwe bhakoghanya obhaikërërri.”

1 Abhakörintö 12:2

Mmomanyirë igha, enkaagha eno mwaarenga motaraamanya Waryobha, mwaangʼainirwë kora mokatangatwa na amatöndö ghano kora ghatakoghamba.

1 Abhakörintö 14:20

Abhakumya bharikyane, motakaabha na amaitegherro kya agha abhaana. Nyakara mobhe abhaana ko mangʼana amaghogho, kasi mo-sehakëri isyënyu, mobhe abhantö abhakörö.

1 Abhakörintö 3:19

Aikore igho, ko bhoora obhongʼaini ubhwa ko-kebhara kono, m-bokangi ku-Waryobha. Amaandeko Amahörëëru gharaghamba igha, “Waryobha we akoghashania abhangʼaini ko-bhongʼaini ubhwabho.”

2 Abhakörintö 2:17

Bhëëtö tëtörëngë kya abhantö abhandë abhaaru bhano bhakokorra ibhyashara engʼana iya Waryobha, okore bhanyoore ehoorohooro. Kasi bhëëtö, ntwaatomwa na Waryobha, ku bhuyö bhëëtö ko obhotoro ubhwa Yëësu Kiristo, nkoraareka törë engʼana iya Waryobha kwa ubhwihöötu tomanyirë igha, Waryobha nkotomaaha arë.

2 Abhakörintö 4:2

Bhëëtö twanga amangʼana agha ubhubhise na agha sënsöni, kora tetokokora amangʼana agha öbhöngënërrya, handë ukwishooghania engʼana iya Waryobha na obhorongo. Kasi keno tokokora, no-koraareka obhoheene harabhurabhu igho, okore abhantö bhonswe igho, bhatomanye mo-maitegherro aghaabho igha, na-bhantö abha heene törë ku-Waryobha.

Abhagharatia 3:1

Bhëënyu bhare Bhagharatia, m-bakangi mörë! Nawë yaabharogha? Rëndë mbe naabharaghërrëëyi bhuuya amangʼana agha Yëësu Kiristo kya igho yaahanëkirwë ko-mosarabha.

Abhaëfësö 6:11

Momanore ibhyöghë bhyonswe igho ibhya riihë, bheno Waryobha akobhahaana, okore mobhe na obhotoro ubhwa okorebherra obhongʼaini ngʼaini ubhwa Oghosambwa.

1 Timoteo 3:6

Kora atakaabha ömöntö ono yatööribhwa bhöngö hano, okore atakaasha okobha na ikiheemere. Ukwiheema kuyö, nkomokorerra abhotorrwe ikiina kya bhono Oghosambwa ghwaabhötörëëywë ikiina.

2 Timoteo 1:15

Uwe nomanyirë igha, abhantö bhonswe igho abha mo-mokowa ughwa Asia Enke bhantigha. Mo-bhayö, bhaamo bhaabho Fughero na Herimoghene.

2 Timoteo 3:13

Kasi abha ëbhëbhë na bhano bhakongʼaina abhantö, mbarëghëndërrya bhököngʼu okokora ëbhëbhë, mbarengʼainanga na okongʼainwa.

2 Timoteo 4:3

Nkökötëëbhya ndë ghayö ko bhoora iriihika-ho enkaagha, eno abhantö bharyanga ukwitegherra amëëghyö agha obhoheene. Mbaritunanga ukwitegherra amangʼana ghano ghakobhashomera agheene igho, na ukwishaaghorra abhëëghya abhaaru abha ököbhëëghya ghano bhakutuna ukwitegherra.

Abhaëbhuraania 13:9

Motakaarutwa na amëëghyö aghandëghandë igho amaghëni, ko bhoora m-buuya enkoro ëtërëmibhwi kö örööbhö urwa Waryobha, kasi te-ko okoghera iya seteemo isya amaraghërryö agha ibhyakorya. Abhantö bhano bhaaghoota amangʼana ghayö, tebhanyoora ehoorohooro yoyonswe eera hë.

Yaakobho 1:6

Kasi hano ömöntö yasaasaama, abhe na umukumo, atakaabha na emetwe imyaru eno arasaasaama Waryobha. Nkoghamba ndë igho ko bhoora igha, okosaasaama ukwa nyametwe imyaru, nkobha körë kya riyengo irya ku-nyansha, reno rikuhirwa ahasë honswe igho na rikama.

Yaakobho 3:4

M-maheene, tigha mbarëngëri engʼana iyëndë. Iryato ryonswe, nokaanyoora igha ni-nene bhököngʼu, na nköghëndibhwa rërë na rikama rirörö, kasi nkusyöribhwa rërë na insika enke igho, ukughya ahasë hohonswe igho hano ömöghöbhya akutuna abhate.

2 Peetero 2:18

Nkoghamba bharë amangʼana agha ikiheemere, ghano ghataana ubhwera. Oronamba urwabho oroghogho urwa kinyamöbhërë, ndo rokoghera bharakemba abhantö bhano bhaakumya bhöngö hano, bhano bhaatigha okokora ghano abhasarya bhakokora.

1 Yohana 2:19

Abhantö bhayö, mo-makanisa aghëëtö bhaarwa, kasi tebhaarë na öbhömwë ubhwa heene na bhëëtö hë. Singa bhaarë na öbhömwë ubhwa heene na bhëëtö, mbakaatighaayë kö-bhëëtö. Kasi mbaatanora, ekabha harabhu igho igha, tebhaarë na öbhömwë na bhëëtö hë.

1 Yohana 2:26

Nkobhandekera ndë amangʼana ghayö, okore mbakaani ko amangʼana agha abhantö bhaara bhakushaashya okobhasirya.

1 Yohana 4:1

Abhaghonshe abhaane, motakaakumya kera ömöntö ono akoghamba igha aana Umwika Ömöhörëëru uwa Waryobha. Kasi mumwitaahe bhuuya, momaahe nyoore aana Umwika Ömöhörëëru uwa Waryobha. Ni-igha momanyërri obhoheene bhuyö, ko bhoora abharööti abhaaru abha obhorongo, bhaibhoka ko-kebhara kono.

Yuuda 1:12

Abhantö bhayö, n-kya amarengo amaghogho agha mu-nyansha. Nkwingʼahërya bharë okorya abheene mu-sinyangi isyënyu isya righonshe, kora tebhaana sënsöni hë. Ghwiki abhantö bhayö, tebhaana ubhwera hë, mbanga kya amasaarö ghano ghataana imbura, rikama nkoghahuushahuusha rërë, ukughya ahasë honswe igho. Ghwiki mbanga kya ëmëtë gheno ghetaana sehagho enkaagha iya ukutwa sehagho, ghyoma törö, kora ghyaihwa.

Okohonyora 19:20

Kasi ughutyënyi ghuyö hamwë na ömörööti uwaaye uwa obhorongo oora yaaghökörëëyë amakono, bhaaghëghirwë këghötërëëyë. Ko amakono aghaaye ghayö, ömörööti uyö, yaangʼainirë abhantö bhano bhaarë na ekemanyërryö ikya ughutyënyi ghuyö, na bhano bhaasengerranga ritöndö iryagho. Bhonswe igho bhabhërë bhayö, mbaatabhutirwë bharëngë bhahöru mu-nyansha eno ikwibhugha omorro na ubhurutu ubhwa ikibhiriiti.