Abhaëfësö 4:12 - Imuuma Eehya

¹² Yaakörrë igho, okore abhantö bhayö bhasëëmi abhantö abha Waryobha, bhakorrenga Waryobha emeremo. Ghwiki ikyëndë ni-igha, Abhakiristo bhanaghe. Abhakiristo bhayö, mbo bhakobherekerwa igha, ömöbhërë ughwa Kiristo.

Abhaëfësö 4:12 ပူးပေါင်းရင်းမြစ်များ

Ruuka 22:32

Kasi nkosabhëëyë ku-Waryobha, okore umukumo ughwaho ghotakasuuha. Na hano urinkyorra, oseghe bharikyaho.”

Amangʼana agha Abhatomwa 1:17

Yuuda m-murikyëtö yaarë, kora tokatoorrania nawe omoremo ghono twaahaaywë na Waryobha.

Amangʼana agha Abhatomwa 1:25

Ömöntö uyö oraashaaghore, omokore abhe hamwë na bhëëtö, ko-meremo ighya obhotomwa bhono Yuuda yaatigha akakwa, akaghya ahasë hano hamwingʼarëëyë.”

Amangʼana agha Abhatomwa 11:23

Hano yaahikirë-yo akamaaha bhono abhantö bhayö bhaarë na örööbhö urwa Waryobha. Akashomerwa, akabhakangʼasërrya igha, bhaghëndërri okobha abhakumya abha heene mo-senkoro isyabho, ko-Monene Yëësu.

Amangʼana agha Abhatomwa 20:24

Kora nenkaakwa të-këntö ku-öni hë. Keno këntönëri ni-igha, mmarërri emeremo gheno Omonene Yëësu yaangʼaana okokora. Emeremo ghiyö, ni-ighya okoraarekera abhantö Amangʼana Amaiya agha örööbhö urwa Waryobha.

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Amangʼana agha Abhatomwa 9:31

Mbe, ekanisa ekabha na omorembe ahasë honswe igho, Yudea, mo-mokowa ughwa Ghariraaya na Samaaria. Abhakumya bhakaghëndërrya okonagha, na okosooka Omonene Yëësu. Ko okoseghwa na Umwika Ömöhörëëru, abhantö bhakaaruha mo-kanisa.

Abharuumi 12:5

Ömöbhërë ughwa Kiristo ghonswe ni-igho ghörë. Bhëëtö ntonga kya imyaho imyaru ighya ömöbhërë ughwa Kiristo. Kera ömöntö nu-mwaho ughwa murikyaye kö-möbhërë kuyö.

Abharuumi 12:7

Ono akokorra bharikyaye emeremo, abhakorre kwa nkoro ëmwë. Umwëghya wonswe ëghi bhuuya.

Abharuumi 14:19

Mbe, ku bhuyö ni-igha, tokorenga amangʼana ghano ghakoreeta omorembe mo-bhantö, na agha okotoghekana.

Abharuumi 15:14

Abhakumya bharikyëtö, öni umwene nemanyirë igha, bhëënyu m-bantö abha heene mörë bhököngʼu, mmomanyirë keno kikutunwa mokore, kora mmoona obhotoro ubhwa okoragherrania.

Abharuumi 15:2

Kera ömöntö mö-bhëëtö, akorre umukumya murikyaye nyamukumo mötëntëëru, amangʼana agha ökömötëghërya, okore umukumo ughwa nyamukumo mötëntëëru ghonaghe.

Abharuumi 15:29

Nemanyirë igha, Yëësu Kiristo naretongʼoora öni na bhëënyu bhonswe igho hamwë ko-nkaagha eno urinyoora ndëngë kö-bhëënyu hayö.

1 Abhakörintö 12:27

Mbe, bhëënyu bhonswe igho nö-möbhërë ughwa Kiristo mörë. Kera ömwë uwëënyu, nu-mwaho ughwa kö-möbhërë kuyö.

1 Abhakörintö 12:7

Umwika Ömöhörëëru nkohonyorra arë kera ömöntö, okore abhantö bhonswe igho bhanyoore ehoorohooro.

1 Abhakörintö 14:12

Ni-ighoigho ekobha kora na kö-bhëënyu bhonswe. Ko bhono mukutuna bhököngʼu igha mobhe na ituho iya Umwika Ömöhörëëru, mokore omotono ughwa ukughinyoora, okore ekenene bhëënyu ekanisa, motoghekane.

1 Abhakörintö 14:14

Nkoghamba ndë igho, ko bhoora hano nasaasaama ko ekeghambo ekehya, enkoro iyaane yo ekosaasaama, kasi sehakëri isyane, teseekomanya ëkëntö hë.

1 Abhakörintö 14:26

Mbe, bhoono abhakumya bharikyane, iyakë nkaghamba? Hano mwasikana hamwë, igha kera ömöntö aana rirëëtyö, aana amëëghyö, aana obhohonyoro, aana ekeghambo ekehya, aana esesoro. Amangʼana ghayö ghonswe igho, ni-igha ghakorwe ko okoghera iya okohaghaashana.

2 Abhakörintö 12:19

Kasi nkokanya mörë igha, nkwikoorerra törë kö-bhëënyu. Bhëëtö nkoghamba törë amangʼana ghano mbere iya Waryobha, ntoona öbhömwë na Kiristo. Amangʼana ghayö ghonswe igho tokokora, abhaghonshe abhëëtö, n-ko okoghera iya okobhatöörrya, okore monaghe ku-mukumo ughwënyu.

2 Abhakörintö 13:11

Bhoono abhakumya bharikyane, nkomarërrya ndë ko okobharagha na eno ndabhatëëbhya igha, mohekerane ko amangʼana aghëënyu, mobhe abhantö abha ököröörësania, mobhe ikiina ëkëmwë, mobhe na omorembe. Hayö ho Waryobha uwa righonshe na omorembe araabhe hamwë na bhëënyu.

2 Abhakörintö 13:9

Nkushomerwa törë, hano twabha abhatëntëëru kasi bhëënyu mobha na singuru. Nkosaasaama törë Waryobha igha, abhahekerani.

2 Abhakörintö 3:8

bhoono momanye igha, emeremo ighya Umwika uwa Waryobha, ngeraabhe na ubhuhika obhonene bhököngʼu.

2 Abhakörintö 4:1

Mbe, ko bhono Waryobha atohaayë emeremo gheno ku ikyabhera ikyaye, titukukwa omotwe hë.

2 Abhakörintö 5:18

Mbe, ghonswe igho ghayö, nku-Waryobha ghakurwa, ko bhoora we yaatoma Yëësu Kiristo, okore atwighwerrani na Waryobha umwene. Na bhëëtö bhonswe atohaayë emeremo ighya okoraareka engʼana, okore abhantö bhaighwerrane na Waryobha.

2 Abhakörintö 6:3

Tetokokorra ömöntö wowonswe igho engʼana yoyonswe iya ukumutimba, okore emeremo ighyëtö, ghetakaaghambwa bhoghogho.

2 Abhakörintö 7:1

Mbe, abhaghonshe abhaane, ko bhono mokomaaha igha m-maaru ghano Waryobha yaatoraghania, ku bhuyö ni-igha twisaabhuure, tutighane na ubhunyanku bhwonswe igho, ubhwa kinyamöbhërë na kinyamwika. Tobhe abhahörëëru ko-nshera iya okosooka Waryobha.

Abhaëfësö 1:23

Ekanisa n-kya ömöbhërë ughwa Kiristo, netahatëëyë öbhömënyi ubhwa Yëësu Kiristo. Yëësu Kiristo uyö, we omohekerano ughwa öbhöhöru ubhwa ëbhëntö bhyonswe igho.

Abhaëfësö 4:16

Yëësu Kiristo uyö, nkoroobhania arë abhantö abhaaye bhonswe igho, bhaghootana hamwë kya igho imyaho ighya ömöbhërë ughwa ömöntö gheghotaini. Hano imyaho ghyonswe igho ighya kö-möbhërë ghyatoorrani, ghekore emeremo ighyako bhuuya, ömöbhërë ghonswe igho nkukiina ghörë ghobha na singuru na okohansha imyaho ighya kö-möbhërë kuyö.

Abhaëfësö 4:29

Motakaaghambanga amangʼana amaghogho. Kasi moghambenga amangʼana amaiya ghano ghakotogheka mukumo ughwa bharikyënyu.

Abhaëfësö 4:4

Bhëëtö Abhakiristo n-kya bhono ömöbhërë ughwa ömöntö ghörë, ntoona Umwika Ömöhörëëru ooraoora, na ubhweseghe m-mboorabhoora toonabho bhono Waryobha yaatoraghaini hano yaatöbhërëkëëyë.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

Abhakorosaai 1:28

Ku bhuyö nkoraareka törë amangʼana agha Kiristo, torakaania abhantö na ukwëghya abhantö bhonswe igho, kwa obhongʼaini bhonswe igho, okore tobhareete bhonswe igho mbere iya Waryobha, kö-bhömwë ubhwa heene na Kiristo.

Abhakorosaai 4:17

Mötëëbhi Arikipo igha, ni-igha akore bhuuya emeremo gheno Omonene yaamohaana.

1 Timoteo 1:12

Nkukumya ndë Kiristo Yëësu Omonene uwëëtö. Uyö we yaangʼaana singuru isya okoraareka Amangʼana Amaiya. Keno kekoghera ndamukumya, n-ko bhoora yaandööshë igha, ningʼarëëyë okobha ömököri uwaaye uwa emeremo.

2 Timoteo 4:11

Ruuka umwene igho we yatighara hamwë na öni hano. Bhoono hano oraashe eno, uushe na Maariko, ko bhoora naingʼarëëyë ököntöörrya okokora emeremo ighya Waryobha.

2 Timoteo 4:5

Kasi uwe Timoteo, wangarre ko amangʼana ghayö ghonswe igho. Öghömërri inyaanyi, okore emeremo ighya okoraareka Amangʼana Amaiya, okore bhuuya kö-bhököri ubhwaho bhonswe igho, ubhwa emeremo ighya Waryobha.

Abhaëbhuraania 13:17

Mwighwere abhatangati abhëënyu, kora mobhasooke. Bhayö n-senkoro isyënyu bhakunyankera, ko bhoora mbo bhareghamba amangʼana aghëënyu mbere iya Waryobha. Mobhaighwere, okore bhakorenga emeremo ighyabho bhashömëëywë. Bhatakaabhaabhayeranga, ko bhoora hano bharaabhaabhayere, timunyoore ehoorohooro yoyonswe igho hë.

Abhaëbhuraania 6:1

Mbe, ku bhuyö ni-igha tutighe ukwikarra amëëghyö ghaara twaashumaashëëyë amangʼana agha Yëësu Kiristo ekembere, kasi töghëndërri ukwegha, tokambe tonaghe ku-mukumo. Totakaaghooterrwa ghwiki na amëëghyö ghaara agha okohongora amangʼana amaghogho, na agha umukumo ughwëtö ku-Waryobha.