Abhaëfësö 3:9 - Imuuma Eehya

⁹ Ghwiki angʼaayë emeremo ighya okoraghërrya bhuuya abhantö bhonswe igho, okore bhamanye ësëëmyö eno yaarenga ibhisirwë ukurwa okosemoka na Waryobha umwene ömöbhömbi uwa ëbhëntö bhyonswe igho.

Abhaëfësö 3:9 ပူးပေါင်းရင်းမြစ်များ

Mataayo 10:27

Amangʼana ghonswe igho ghano nkobhatëëbhya mu-kisuntë, moghaghambe harabhu igho. Kora amangʼana agha Obhokama ubhwa Waryobha ghano mukwighwa mwighara, mogharaareke harabhu igho.

Mataayo 13:35

Yaakörrë igho, ko okohekerania amangʼana ghaara ömörööti yaaghambirë igha, “Nindishumaasha na abhantö, ndabharëngërya ëbhërëngyö. Nendebhatëëbhyanga amangʼana ghano ntakaaghahönyööyë kerenga naabhomba ekebhara.”

Mataayo 25:34

“Ho bhoono öni Omokama ndëtëëbhya bhaara urinyoora bharëngë bhoryo bhwane igha, ‘Bhëënyu, muushe hano, ko bhoora mwangʼoorwa na Taata. Mosohe mo-Bhokama bhono Waryobha yaabhasëëmërya, ukurwa haara yaabhömbirë ekebhara keno.

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Ruuka 24:47

Ko-maraghërryö aghaane, na ku ubhwera ubhwane, amangʼana ghano, ngareraarekwa ko-bhantö abha ibhyaro bhyonswe igho, ukusimirya Yërusarëëmu. Amangʼana ghayö, na-agha abhantö okohongora ëbhëbhë ibhyaho, okore bhaabherwe.

Yohana 10:30

Öni na Taata, n-këntö këmwë törë.”

Yohana 5:17

Kasi Yëësu akabhahonshora igha, “Waryobha n-Taata, nkokora arë emeremo sinkö syonswe igho, nkyo kekoghera na öni wonswe ndakora emeremo.”

Yohana 5:19

Yëësu akahonshora abhatangati bhayö igha, “No-bhoheene nkobhatëëbhya igha, Omoona uwa Waryobha, takotora okokora ryoryonswe igho ko obhotoro ubhwaye hë. Kasi nkokora arë ghano akomaaha Suwaabho arakora. Ghonswe igho ghano Suwaabho akokora, ngo ghayöghayö na Omoona wonswe araakore.

Amangʼana agha Abhatomwa 15:18

Amangʼana ghayö, ngaamanyekaini ukurwa kare.’”

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

1 Abhakörintö 2:7

Obhongʼaini bhuyö tokoraareka, ni-kibhisirë ikya Waryobha keno yaasëëmëri ukurwa kare, kora ekebhara ketaraabhombwa, okore atokorre ikuughë iya ubhuhika.

Abhaëfësö 1:4

Keno Waryobha yaakörrë, nu-kutwahora tobhe abhantö abhaaye ko okohetera kö-bhömwë ubhwëtö na Yëësu Kiristo. Yaakörrë igho, kora ataraabhomba ëbhëntö bhyonswe igho ibhya ko-kebhara kono. Waryobha yaatwahora okore tobhe abhahörëëru abhaaye bhano totaana risoro ryoryonswe reera. Ko okoghera iya righonshe iryaye,

Abhaëfësö 3:2

Nemanyirë igha, mwaighwa emeremo gheno Waryobha yaangʼaana kö örööbhö urwaye urwa amaabhë aghaaye, okore mbaraarekere bhëënyu Abhakyaro engʼana iyaaye.

Abhaëfësö 6:19

Monsaasaamere na öni wonswe, okore Waryobha angʼaane amangʼana amaiya agha okoghamba enkaagha yoyonswe igho, eno ukunyoora ndashumaashera amangʼana agha Yëësu Kiristo, ndaghërri abhantö kö obhokarë, obhoheene bhono bhörëngë mo-Mangʼana Amaiya, bhaghamanye.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

Abhakorosaai 1:26

Engʼana iyö iya ikibhisirë, yaabhisirwë ukurwa kare, amakora ghonswe igho. Kasi bhoono yatoorwa harabhurabhu igho ko-bhantö abha Waryobha.

Abhakorosaai 3:3

Ko bhoora bhëënyu mwaakwa ko mangʼana ghayö. Öbhöhöru ubhwënyu bhoono hamwë bhörë na Kiristo ku-Waryobha. Kasi tebhokomaahekana ko-bhantö abhandë hë.

Abhakorosaai 4:3

Motosabheraninga na bhëëtö hano mwasaasaama Waryobha, okore atokorre enshera iya okoraareka engʼana iyaaye, iya imbumbure iya Yëësu Kiristo eno yaarenga ibhisirwë. Öni mo-kebhohe ndë, ko okoghera iya engʼana iyö.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

2 Timoteo 4:17

Kasi Omonene Yëësu yaarenga hamwë na öni, akangʼaana singuru isya okoraareka Amangʼana Amaiya, okore Abhakyaro bhonswe bhaighwe. Akanhonia na ruku, ko bhoora igha naarenga kya ono ndëngë mu-munywa ughwa ëndwë.

Tiito 1:2

na mboraabhahaane ubhweseghe ubhwa öbhöhöru ubhwa amakora ghonswe igho. Waryobha ono atakorongoha, we yaaraghaini öbhöhöru bhuyö, kora ekebhara ketaraabhombwa.

1 Peetero 1:20

Waryobha yaamwahööyë ukurwa kare kora ekebhara ketaraabhombwa, ko okoghera iya ësëëmyö iyaaye. Kasi akaghanya okohekera ko-nkaagha iya umuhiko eno, akamoreeta, akamotoora harabhu igho ko-bhantö bhonswe igho abha ko-kebhara kono. Yaakörrë ghayö ghonswe igho, ko okoghera iya bhëënyu.

Okohonyora 13:8

Abhantö bhonswe igho abha ko-kebhara kono, bhano amariina aghaabho ghatandëkirwë mo-ketabho ikya Öbhöhöru, mbareghosengerra. Eketabho kiyö, ni-ikya Omoona Ringʼöndi ono yaanshinshirwë, nkyaandëkirwë ukurwa okosemoka ukwa ekebhara.

Okohonyora 14:6

Mbe, nkamaaha maraika uwöndë araibhurruka ighörö iyö. Maraika uyö, yaarë na Amangʼana Amaiya agha amakora ghonswe igho, agha ökötëëbhya abhantö bhonswe igho abha ko-kebhara kono, abha ibhyaro bhyonswe igho, amakabhira ghonswe igho, abha ebheghambo bhyonswe igho, na abha sihiiri syonswe igho.

Okohonyora 17:8

Ughutyënyi ghuyö örööshë, ngö-höru ghwaarë, kasi bhoono ghwaakwa. Kora n-haangʼë ghörë ghurwe mu-bhwina ubhwa mu-kyaro ikya abhaku, kasi Waryobha naraaghusiki. Abhantö bhonswe igho abha ko-kebhara kono, bhano amariina aghaabho ghatandëkirwë mo-Ketabho ikya Öbhöhöru, hano waanyöörrë ekebhara ketaraabhombwa, mbareroghoora okomaaha ughutyënyi ghuyö, ko bhoora igha, ho ghwaarenga, ghokakwa, kasi ghwiki ngurikyora.”

Okohonyora 4:11

“Omonene uwëëtö, Waryobha uwëëtö, wingʼarëëyë ökötöönibhwa, okosookwa na okobha na obhotoro bhwonswe igho. Ko bhoora nu-uwe waabhömbirë ëbhëntö bhyonswe igho, ëbhëntö bhiyö mbyaabhömbirwë ko okohansha ukwaho, kora höbhërë.”