Abhaëfësö 3:5 - Imuuma Eehya

⁵ Ësëëmyö iyö, tiyaarenga eraahonyorwa ko-rekora ryoryonswe reera hë, kasi bhoono Waryobha aghëhönyööyë ko-bhantö bhano yaahora igha bhabhe abhatomwa abhaaye, na ko abharööti abhaaye. Abhahönyörrëëyë okohetera Umwika Ömöhörëëru.

Abhaëfësö 3:5 ပူးပေါင်းရင်းမြစ်များ

Mataayo 13:17

No-bhoheene nkobhatëëbhya igha, abharööti abhaaru na abhantö abha heene abha kare, bhaaighombanga bhamaahe ghano bhëënyu mokomaaha ndakora, kasi tebhagharööshë hë. Bhaaighombanga bhaighwe ghano bhëënyu mukwighwa ndaghamba, kasi tebhaghaighuurë hë.”

Mataayo 20:7

“Bho bhakamohonshora igha, ‘Taaho ömöntö ono atohaayë omoremo tokore.’ “Akabhatëëbhya igha, ‘Na bhëënyu bhonswe, moghende mokore emeremo kö-möghöndö ughwane ughwa emezabhibhu.’

Mataayo 23:34

“Ko okoghera iya amangʼana ghayö, tamaaha, nendaatome abharööti, abhantö abhangʼaini na abhëëghya abha amaraghërryö agha Mosa. Abhandë moraabhaite, na okobhahaneka ko-mesarabha. Abhandë moraabhateme imishariti mu-sinyumba isya esango iyëënyu. Abhandë moraabhashobherenga kera umughi ghono bhakughya, okore mobhateese.

Ruuka 10:24

Ndabhatëëbhya igha, abharööti abhaaru na abhakama abha kare, bhaaighombanga bhamaahe ghano bhëënyu mokomaaha ndakora, kasi tebhagharööshë hë. Bhaaighombanga bhaighwe ghano bhëënyu mukwighwa ndaghamba, kasi tebhaghaighuurë hë.”

Ruuka 11:49

“Kiyö nkyo kyaaghërrë Waryobha ko-bhongʼaini ubhwaye, akaghamba igha, ‘Nendaabhaherre abhatomwa na abharööti, kasi abharööti abhandë, mbaraaitwe, na abhandë mbaraateeswe.’

Yohana 14:26

Kasi Ömötöörrya uyö, Umwika Ömöhörëëru uyö, ono Taata araatome kö-bhëënyu okohetera ku iriina iryane, naraabhëëghi ghonswe igho, kora abhahiitöki ghonswe igho ghano naabhatëëbhëri.

Yohana 16:13

Kasi Umwika uwa heene oora hano ariisha, narebhahonyorra amangʼana agha obhoheene bhonswe igho. Narekora igho ko bhoora tareghambanga ko bhono umwene akutuna hë, kasi nareghambanga ghano urinyoranga araighwa, narebhatëëbhya kora na amangʼana ghano gharebha mbere iyö.

Amangʼana agha Abhatomwa 10:28

Peetero akabhatëëbhya igha, “Bhëënyu momanyirë bhuuya igha, amaraghërryö aghëëtö Abhayahudi teghakutwikërërrya igha tosange na abhantö bhano bhatarëngë Abhayahudi, handë okobhataarra. Kasi Waryobha, ankaanëri igha, ntakabherekera ömöntö wowonswe igho igha, m-munyanku handë igha taana ubhwera hë.

Abharuumi 16:25

Bhoono ni-igha tötööni Waryobha! Ko bhoora we nkotora arë okobhakora mobhe na umukumo ghono ghonaghirë, okohetera ko Amangʼana Amaiya agha Yëësu Kiristo ghano naabharaarekera, agha ësëëmyö iya Waryobha eno yaarenga ibhisirwë ukurwa kare.

1 Abhakörintö 2:10

Kasi bhëëtö, Waryobha yaatorahorra amangʼana ghayö okohetera ku-Mwika Ömöhörëëru. Ko bhoora Umwika Ömöhörëëru nkwitaaha arë ghonswe igho, kora ibhibhisirë ibhya Waryobha.

Abhaëfësö 2:20

Bhëënyu mobhaayë kya inyumba eno yaahaghaashwa ku-musingi, na umusingi ghuyö, na-bhatomwa na abharööti, na Kiristo Yëësu umwene n-kya reghena irya mo-koona iya umusingi ghuyö.

Abhaëfësö 3:9

Ghwiki angʼaayë emeremo ighya okoraghërrya bhuuya abhantö bhonswe igho, okore bhamanye ësëëmyö eno yaarenga ibhisirwë ukurwa okosemoka na Waryobha umwene ömöbhömbi uwa ëbhëntö bhyonswe igho.

2 Peetero 3:2

Nkutuna ndë muhiite amangʼana ghaara abharööti abhahörëëru bhaaghambirë kare hayö, na amangʼana agha umughiro ughwa Omonene Ömötöörya uwëëtö, ghano abhatomwa abhaaye bhaabharëtëëyë.

Yuuda 1:17

Kasi bhëënyu bhare abhaghonshe abhaane, muhiitoke ghaara abhatomwa abha Omonene uwëëtö Yëësu Kiristo bhaaghambirë kare.