Abhaëfësö 3:3 - Imuuma Eehya

³ Waryobha yaanhönyörrëëyë ësëëmyö iyaaye, kya bhuyö mbandëkëëyë hake igho.

Abhaëfësö 3:3 ပူးပေါင်းရင်းမြစ်များ

Amangʼana agha Abhatomwa 22:17

“Hano naakyörrë Yërusarëëmu, enkaagha eno naasaasaamanga mo-bhogho ubhwa risengerro irya Waryobha, nkeesherwa na amamaaho.

Amangʼana agha Abhatomwa 22:21

“Kasi wonswe akanhonshora igha, ‘Uwe kaghi! Ko bhoora nendaakotome oghende hare iyö ko-Bhakyaro.’ ”

Amangʼana agha Abhatomwa 23:9

Mbe, bhakanyeerana senkaani sëndörö kai abheene ko bheene. Abhëëghya abhandë abha amaraghërryö agha Mosa na Abhafarisaayo, bhakeemoka bhakakora senkaani bharaghamba igha, “Tetokomaaha igha ömöntö ono aana risoro ryoryonswe reera hë. Nyoore n-disambwa handë maraika we ashumaashirë nawe!”

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

Abharuumi 16:25

Bhoono ni-igha tötööni Waryobha! Ko bhoora we nkotora arë okobhakora mobhe na umukumo ghono ghonaghirë, okohetera ko Amangʼana Amaiya agha Yëësu Kiristo ghano naabharaarekera, agha ësëëmyö iya Waryobha eno yaarenga ibhisirwë ukurwa kare.

2 Abhakörintö 12:1

Ni-igha niikumi, nokaanyoora igha ti-bhuuya hë. Kasi nendaahekeere amamaaho ghano nkomaaha na obhohonyoro ubhwa amangʼana ukurwa ko-Monene.

Abhagharatia 1:12

Ko bhoora taaho ömöntö ono yaaghangʼaayë hë, kora të-möntö wowonswe igho yaanyörökërrëëyi hë. Kasi Yëësu Kiristo umwene we yaanhönyörrëëyë.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhaëfësö 3:4

Hano moraasome amangʼana ghayö mbandëkëëyë, moratora okomanyërrya kya bhono öni manyirë ësëëmyö iyö, iya amangʼana agha Yëësu Kiristo.

Abhaëfësö 3:6

Ësëëmyö iya Waryobha ni-igha, umwandö n-gömwë Abhakyaro bhakosanga na Abhayahudi. Abhantö bhonswe igho bhano bhakukumya Amangʼana Amaiya, bhabhaayë kya ömöbhërë öghömwë, kora nkosanga bharë riraghano reerareera, reno Waryobha yaakörrë okohetera ku-Kiristo Yëësu.

Abhaëfësö 3:9

Ghwiki angʼaayë emeremo ighya okoraghërrya bhuuya abhantö bhonswe igho, okore bhamanye ësëëmyö eno yaarenga ibhisirwë ukurwa okosemoka na Waryobha umwene ömöbhömbi uwa ëbhëntö bhyonswe igho.

Abhaëfësö 6:19

Monsaasaamere na öni wonswe, okore Waryobha angʼaane amangʼana amaiya agha okoghamba enkaagha yoyonswe igho, eno ukunyoora ndashumaashera amangʼana agha Yëësu Kiristo, ndaghërri abhantö kö obhokarë, obhoheene bhono bhörëngë mo-Mangʼana Amaiya, bhaghamanye.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

Abhakorosaai 4:3

Motosabheraninga na bhëëtö hano mwasaasaama Waryobha, okore atokorre enshera iya okoraareka engʼana iyaaye, iya imbumbure iya Yëësu Kiristo eno yaarenga ibhisirwë. Öni mo-kebhohe ndë, ko okoghera iya engʼana iyö.

Abhaëbhuraania 13:22

Ndabhasaasaama bhëënyu abhakumya bharikyane, moghoote amangʼana ghayö mbaaraghërrëëyi, ko bhoora ritashandighi reno, nku-bhwëngʼë igho mbandëkëëyë.

1 Peetero 5:12

Siriwano umukumya murikyëtö ono öni manyirë bhuuya igha, m-möntö uwa heene, we antöörëëyi okobhandekera ritashandighi iryëngʼë reno. Nkutuna ndë mbatërëmi ko okobhatëëbhya obhoheene igha, amangʼana ghano, obhoheene nö-rööbhö urwa Waryobha. Ku bhuyö ni-igha monaghe ko okohetera örööbhö ruyö!

2 Peetero 3:15

Momanye igha Omonene nkobhaghömërrya arë, okore munyoore umweya ughwa ököhönibhwa. Ni-igho Pauro umukumya murikyëtö omoghonshe, yaabhandëkëëyë ko obhongʼaini bhono Waryobha yaamohaayë.