Abhaëfësö 3:2 - Imuuma Eehya

² Nemanyirë igha, mwaighwa emeremo gheno Waryobha yaangʼaana kö örööbhö urwaye urwa amaabhë aghaaye, okore mbaraarekere bhëënyu Abhakyaro engʼana iyaaye.

Abhaëfësö 3:2 ပူးပေါင်းရင်းမြစ်များ

Amangʼana agha Abhatomwa 13:2

Enkaagha eno bhaaisasanga ibhyakorya bharasaasaama Omonene Waryobha, Umwika Ömöhörëëru akaghamba igha, “Munyahorre Bharinaabha bhaana Sauri, bhankorre emeremo gheno naabhabherekerra.”

Amangʼana agha Abhatomwa 13:46

Pauro bhaana Bharinaabha, bhakabhahonshora ko obhokarë igha, “Yaarë igha motangate okoraarekerwa amangʼana agha Waryobha. Kasi ko bhono bhëënyu abheene mwangirë, moraimaaha igha timwingʼarëëyi öbhöhöru ubhwa amakora ghonswe igho hë, tigha mbe bhoono bhëëtö twisyöri okoraarekera Abhakyaro.

Amangʼana agha Abhatomwa 22:21

“Kasi wonswe akanhonshora igha, ‘Uwe kaghi! Ko bhoora nendaakotome oghende hare iyö ko-Bhakyaro.’ ”

Amangʼana agha Abhatomwa 9:15

Kasi Omonene akamohonshora igha, “Uwe kaghi! Ömöntö uyö, nö-öni mushaaghööyë, ankorre emeremo. Uyö we araaraareke amangʼana aghaane, ko-Bhakyaro, abhakama abhaabho, na ko-Bhaisiraëri.

Abharuumi 1:5

Waryobha yaangʼaayë örööbhö mbe omotomwa, okohetera ku-uyö. Yaakörrë igho, okore ntëëbhi Abhakyaro bhonswe igho, bhakumi Yëësu, kora bhatööni iriina iryaye.

Abharuumi 11:13

Bhoono m-bëënyu Abhakyaro nkötëëbhya. Obhoheene ni-igha, Waryobha yaantoma mbe omotomwa kö-bhëënyu. Nkötöönia ndë emeremo ghiyö naahaanwa,

Abharuumi 12:3

Ko bhoora Yëësu Kiristo angʼaayë örööbhö igha mbe omotomwa uwaaye, ku bhuyö nkobhatëëbhya ndë igha, kera ömöntö mö-bhëënyu muyö, atakaimaaha igha, naingʼarëëyë okokera bhuyö arë, kasi abhe na obhongʼaini. Kera ömöntö yaahaanwa na Waryobha ekerengere ikyaye ikya umukumo.

1 Abhakörintö 4:1

Mbe, abhantö bhamanye igha, bhëëtö m-baköri abha emeremo abha Yëësu Kiristo törë, abharaarëki abha amangʼana agha ibhibhisirë ibhya Waryobha.

Abhagharatia 1:13

Ndamanya mwaighwa bhono naarenga, enkaagha eno naitaneranga idiini iya Ikiyahudi, bhono naanyankëri bhököngʼu abhantö abha ekanisa iya Waryobha, na bhono naatunanga ngisiki këmwë.

Abhaëfësö 1:10

Ësëëmyö iyaaye ni-igha hano enkaagha inshiiya irihika, naretoora hamwë ëbhëntö bhyonswe igho, ibhya mu-ryobha na ibhya ko-kebhara kono, kora akore Kiristo Yëësu abhe omotangati uwa ëbhëntö bhiyö.

Abhaëfësö 3:7

Bhoono öni emeremo ighyane, no-koraareka Amangʼana Amaiya kö örööbhö urwa amaabhë agha Waryobha ghano yaankörëëyë ko obhotoro ubhwaye.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhaëfësö 3:9

Ghwiki angʼaayë emeremo ighya okoraghërrya bhuuya abhantö bhonswe igho, okore bhamanye ësëëmyö eno yaarenga ibhisirwë ukurwa okosemoka na Waryobha umwene ömöbhömbi uwa ëbhëntö bhyonswe igho.

Abhaëfësö 4:21

Keno mwaaighwa ko amangʼana agha Yëësu, na keno abhëëghya abhëënyu bhaabhëëghya, m-maheene igha bhuyö no-bhoheene ubhwa ukurwa ku-Yëësu Kiristo, ubhwa amangʼana aghaaye kya igho gharë.

Abhaëfësö 4:7

Kasi kera ömöntö mö-bhëëtö mono yaahaanwa obhotoro obhohagharë na Yëësu Kiristo, ubhwa okomokorra emeremo. Yaatwenaini obhotoro bhuyö, kya bhono yaatunanga.

Abhakorosaai 1:4

Nkokora törë igho, ko bhoora twaighwa amangʼana agha umukumo ughwënyu ku-Kiristo Yëësu, na bhono mohanshirë abhantö abha Waryobha bhonswe igho.

Abhakorosaai 1:6

Amangʼana Amaiya ghayö mwaatëëbhiibhwi, nkoromaana gharë ko-kebhara kyonswe igho. Kora nköghëndërrya gharë ukusyörya seteemo isya abhantö, okore bhatëghëri Waryobha. Engʼana iyö, n-kya bhono yaabhaayë kö-bhëënyu ukusimirya hano mwaaighuurë Amangʼana Amaiya agha örööbhö urwa Waryobha, mokamanya bhuuya kya igho örööbhö urwaye urwa heene rörë.

1 Timoteo 1:11

Amëëghyö agha obhoheene, gharëngë mo-Mangʼana Amaiya ghano ghakwörökya ubhuhika ubhwa Waryobha uwa obhongʼoore bhwonswe igho. Amangʼana ghayö, ngo naahaaywë na Waryobha igha, ndaarekere abhantö.

1 Timoteo 1:4

Obhakaani bhatakaaikërrya amaghano ghano ghataana ubhwera bhwobhwonswe bhoora, na ököröndërrya amariina agha abhakörö, nagho ghatakohwa röndë hë. Amangʼana ghayö, n-senkaani isyene igho ghakoreeta mo-bhantö. Teghakötöörrya abhantö bhakumi Waryobha kya bhono ësëëmyö iyaaye iya ukutungurya abhantö ërë.

1 Timoteo 2:7

Kiyö nkyo ikibhuno keno kyaaghërrë Waryobha akaanyahora igha mbe omotomwa na Omoraarëki uwa Amangʼana Amaiya. M-maheene nkobhatëëbhya, tenkorongoha hë. Waryobha yaanyahööyë okobha umwëghya uwa Abhakyaro, okore ndaarekenga amangʼana agha umukumo na obhoheene.

2 Timoteo 1:11

Öni naashaaghorwa mbe omoraarëki, omotomwa, na umwëghya uwa Amangʼana Amaiya ghayö.