Abhaëfësö 3:1 - Imuuma Eehya

¹ Ko okoghera iya amangʼana ghayö ngambirë, öni Pauro nëmböhirwë ko okokorra Kiristo Yëësu emeremo kö-bhëënyu Abhakyaro. Nkobhasabhera ndë ku-Waryobha.

Abhaëfësö 3:1 ပူးပေါင်းရင်းမြစ်များ

Ruuka 21:12

“Kasi enkaagha eno urinyoora ghayö ngambirë hayö ghataraabha, mmoreghootwa munyankibhwi, mbarebhahira mu-sinyumba isya esango iya Abhayahudi, kora mobhohwe mo-kebhohe. Mbarebhahira ko-bhakama na ko-bhatöngi, ko bhono igha, m-basoorani abhaane mörë.

Amangʼana agha Abhatomwa 21:33

Mbe, omonene uwa abhasirikare uyö, akasuntarra Pauro, akamoghoota, akahamera igha, abhohwe na ebheraangʼani bhibhërë. Akabhöörya abhantö bhayö igha, “Kana, ono m-möntö kë? N-kë asarri?”

Amangʼana agha Abhatomwa 23:18

Këmwë umwimërërri uyö akahira mwehwa uwa Pauro ko-monene uwaabho. Akamötëëbhya igha, “Omobhohe ono akobherekerwa igha Pauro, ambërëkëëyë akantëëbhya igha, nkoreetere umumura ono, igha aana engʼana iya ökökötëëbhya.”

Amangʼana agha Abhatomwa 26:29

Pauro akamohonshora igha, “Nkosaasaama ndë Waryobha igha, m-bono bhonswe ekaabha, ebhe igha kwa amangʼana amaaru handë make igho, tu-uwe umwene igho hë, kasi bhonswe igho bhano bhakunyitegherra hano bhoono igho, bhabhe kya bhono ndë, kasi bhatakaabhohwa ebheraangʼani kya bheno.”

Amangʼana agha Abhatomwa 9:15

Kasi Omonene akamohonshora igha, “Uwe kaghi! Ömöntö uyö, nö-öni mushaaghööyë, ankorre emeremo. Uyö we araaraareke amangʼana aghaane, ko-Bhakyaro, abhakama abhaabho, na ko-Bhaisiraëri.

2 Abhakörintö 1:6

Nokaanyoora toranyanka, kasi n-ko okoghera iya ököröörësibhwa ukwënyu na ököhönibhwa ukwënyu. Ghwiki igha, hano twaghösörribhwa, na bhëënyu bhonswe nköghösörribhwa mörë. Ököröörësibhwa kuyö, nko koraaghere möghömërri inyanko kya eeraeera na bhëëtö bhonswe tukunyoora.

2 Abhakörintö 10:1

Mbe, ndabhasaasaama ko obhohaabhu na kö öbhöntö ubhwa heene ubhwa Yëësu Kiristo, nö-öni Pauro ono bhakoghamba igha, hano naabha hamwë na bhëënyu, nkobha ndë omohaabhu, kasi hano naabha hare na bhëënyu, ndabha omokarë.

2 Abhakörintö 11:23

Bhoono tigha ngambe kinyabhushuuru igha, nyoore abheene m-baköri abha emeremo abha Kiristo, öni nembahëtëërëëyë. Öni naakora omotono ughwa okokora emeremo okobhakera. Naatoorwa mo-kebhohe hare kaaru, naatemwa bhököngʼu imishariti, naahona ukukwa hare kaaru.

Abhagharatia 5:11

Abhakumya bharikyëtö, ndaighwa abhantö abhandë bharaghamba igha, öni nkoraareka nkërë igha, abhashaasha bhonswe igho ni-igha bhasaarwe. Hano okaanyöörrë igha m-maheene ni-igho nkoraareka, n-kwakë Abhayahudi bhakunyankya? Singa ni-igho nkoraareka ko-bhantö, okoraareka ukwane amangʼana agha omosarabha ughwa Yëësu, tekokaaghërrë Abhayahudi bhandererre hë.

Abhagharatia 5:2

Mwitegherre keno öni Pauro nkobhatëëbhya. Ndabhatëëbhya igha, hano moraaikërri okosaarwa ko okoghera iya okoghoota amaraghërryö, Kiristo taabhe na ubhwera bhwobhwonswe bhoora kö-bhëënyu hë.

Abhagharatia 5:24

Hano wanyoora abhantö bhaghootaini na Yëësu Kiristo, nkunyoora örë n-kya bhano bhaahanekwa ko-mosarabha hamwë na Kiristo Yëësu. Tebhakotongwa ghwiki na oronamba urwabho urwa ëmëbhërë, hamwë na amaitegherro aghaabho amaghogho ghaara.

Abhaëfësö 3:11

Waryobha yaakörrë igho, ko okoghera iya ësëëmyö iyaaye eno yaatunanga ukurwa okosemoka ehekerane ko-keera Omonene uwëëtö Kiristo Yëësu yaakörrë.

Abhaëfësö 3:13

Ku bhuyö bhoono nkobhasabha ndë igha, motakaakwa emetwe ku-nyanko eno nkunyoora ko okoghera iya bhëënyu, kasi keno mokaakora, nu-kwiheemera inyanko iyö.

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

Abhaëfësö 6:20

Öni nu-mwimërërri uwa Yëësu Kiristo ndë uwa okoraghërrya abhantö Amangʼana Amaiya, kiyö nkyo kyaaghera abhantö bhakandekera mo-kebhohe. Ku bhuyö monsaasaamere ku-Waryobha igha, angʼaane obhokarë ubhwa okoraareka Amangʼana Amaiya ko obhotoro ubhwane bhwonswe igho.

Abhafiripi 1:7

M-buuya nkokora okobhatemera omotwe bhëënyu bhonswe igho ko amangʼana ghayö, ko bhoora nembahanshirë bhököngʼu. Nkosanga mörë na öni örööbhö urwa Waryobha, ukukiinanera Amangʼana Amaiya na okoghaimererra hamwë na bhëënyu, nokaanyoora igha mo-kebhohe ndë, handë igha temo-kebhohe ndë hë.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

Abhakorosaai 4:18

Öni Pauro nkwandeka ndë ghano na okobhoko ukwane umwene, ndabhakëërya. Muhiite igha mo-kebhohe ndë. Örööbhö urwa Waryobha robhe hamwë na bhëënyu.

Abhakorosaai 4:3

Motosabheraninga na bhëëtö hano mwasaasaama Waryobha, okore atokorre enshera iya okoraareka engʼana iyaaye, iya imbumbure iya Yëësu Kiristo eno yaarenga ibhisirwë. Öni mo-kebhohe ndë, ko okoghera iya engʼana iyö.

2 Timoteo 1:16

Ndasabha igha, Omonene Yëësu aashe kwabhera abhantö abha wa Onesiforo, ko bhoora hare kaaru yaasambaarokyanga enkoro iyaane. Kora tiyasookanga ukuusha okommaaha mo-kebhohe.

2 Timoteo 1:8

Mbe, bhoono otakaasooka ukwimererra amangʼana agha Omonene uwëëtö Yëësu Kiristo, handë okomaaha sënsöni ko bhoora igha öni mo-kebhohe ndë ko okoghera iya Omonene uwëëtö uyö. Kasi ghömërrya inyaanyi hamwë na öni, ko okoghera iya Amangʼana Amaiya, ku singuru seno okohaanwa na Waryobha.

Firimoni 1:1

Ritashandighi reno Firimoni, nö-öni Pauro nkwandëkëëyë. Öni mo-kebhohe ndë, ko okoghera iya okoraareka Amangʼana Amaiya agha Kiristo Yëësu. Öni toona umukumya murikyane Timoteo, torakökëërya uwe omoghonshe uwëëtö, ömököri uwa emeremo murikyëtö.

Firimoni 1:23

Epafura arakökëërya. Wonswe hamwë törë nawe mo-kebhohe mono ko okoghera iya okoraareka Amangʼana Amaiya agha Kiristo Yëësu.

Firimoni 1:9

kasi ko okoghera iya righonshe, ndööshë igha, m-buuya bhököngʼu nkosaasaame. Öni omoghaaka Pauro na bhoono m-mobhohe ndë ko okoghera iya Kiristo Yëësu,

Okohonyora 2:10

Motakoobhoha inyanko iyö murinyoora. Motamaaha! Oghosambwa ngorebhashaashya, kora ghotoore bharikyënyu mo-kebhohe, na bhëënyu murinyankibhwa sinsikö ikömi. Kasi mobhe abhantö abha heene ku-öni, nokaanyoora igha nkukwa, mukwe. Ko bhoora öni, nendebhatuha ibhirighi ibhya öbhöhöru ubhwa amakora ghonswe igho.