Abhaëfësö 2:20 - Imuuma Eehya

²⁰ Bhëënyu mobhaayë kya inyumba eno yaahaghaashwa ku-musingi, na umusingi ghuyö, na-bhatomwa na abharööti, na Kiristo Yëësu umwene n-kya reghena irya mo-koona iya umusingi ghuyö.

Abhaëfësö 2:20 ပူးပေါင်းရင်းမြစ်များ

Mataayo 16:18

Ndakötëëbhya igha nu-uwe ritare, na ku-ritare kono, nko ndaahaghaashe ekanisa iyaane, na singuru isya uruku, tesebhaahe ekanisa iyaane hë.

Mataayo 21:42

Ho Yëësu yaamarrë akabhatëëbhya igha, “Temwakasömirë kya bhono Amaandeko Amahörëëru ghandëkirwë hë? Ghandëkirwë igha, ‘Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba. Omonene Waryobha we akörrë engʼana iyö, engʼana iyö, nkötöröghöörya ërë.’”

1 Abhakörintö 12:28

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

Abhagharatia 2:9

Mbe, Yaakobho bhaana Peetero na Yohana, bhano bhaamanyekaini igha mbo abhatangati abhanene, bhakamanya bhuuya igha, Waryobha we angʼaayë emeremo ghiyö kö örööbhö urwaye. Ku bhuyö bhakatoghoota okobhoko öni na Bharinaabha, ukwörökya igha ntoona öbhömwë nabho. Ntwaaikererraini igha, bhëëtö toghende okokora emeremo ko-Bhakyaro, bho bhatighare ko-Bhayahudi hayö.

Abhaëfësö 3:5

Ësëëmyö iyö, tiyaarenga eraahonyorwa ko-rekora ryoryonswe reera hë, kasi bhoono Waryobha aghëhönyööyë ko-bhantö bhano yaahora igha bhabhe abhatomwa abhaaye, na ko abharööti abhaaye. Abhahönyörrëëyë okohetera Umwika Ömöhörëëru.

Abhakorosaai 2:7

Mohangarre mönsë iyaaye, mwihaghaashe ko-we na umukumo kya bhono mwëëghibhwa. Ghwiki mobhe abhantö bhano mukukumya bhököngʼu Waryobha.

1 Peetero 2:6

Ko bhoora Amaandeko Amahörëëru gharaghamba igha, “Motamaaha umughi ughwa Sayuuni, ndatoora-mo reghena irya mo-koona iya umusingi, ghwiki ndyo reghena irya ubhwera obhonene reno naashaaghora. Na ömöntö wowonswe ono araakumi uyö igha we reghena riyö, tarësökërribhwa hë!”

Okohonyora 21:14

Obhogho ubhwa umughi ghuyö, mbwaarenga bhohaghaashirwë ko-maghena ikömi na abhërë, agha umusingi. Na kera reghena, ndyaandëkirwë-ko iriina irya omotomwa ömwë, mo-bhatomwa ikömi na bhabhërë bhaara abha Omoona Ringʼöndi.