Abhaëfësö 2:18 - Imuuma Eehya

¹⁸ Ko bhoora Yëësu Kiristo yaahanëkirwë ko-mosarabha, okore bhëëtö bhonswe igho, Abhakyaro na Abhayahudi tunyöörrë enshera iya ukusuntarra Waryobha Taata uwëëtö, okohetera ku-Mwika Ömöhörëëru ömwë uyöuyö.

Abhaëfësö 2:18 ပူးပေါင်းရင်းမြစ်များ

Mataayo 28:19

Ku bhuyö ni-igha moghende mokore abhantö bhonswe igho bhabhe abheegha abhaane, ko okobhabhatiisya ku iriina irya Taata, irya Omoona, na irya Umwika Ömöhörëëru.

Yohana 10:7

Mbe, Yëësu akabhatëëbhya ghwiki igha, “No-bhoheene nkobhatëëbhya igha, öni nö-öni ikihiita kiyö amangʼöndi ghakoheta-mo gharasoha mu-righo.

Yohana 10:9

Öni, nö-öni ikihiita. Ömöntö ono okohetera ku-öni, naraatööribhwi, naraasohenga na ukurishoka, araghya mö-kërëësyö.

Yohana 14:6

Yëësu akamohonshora igha, “Öni nö-öni enshera, obhoheene, na öbhöhöru. Taaho ömöntö wowonswe igho ono akotora ukuusha ko-Taata, atahëtëëyë ku-öni.

Abharuumi 5:2

Ko enshera iyö iya ukukumya Yëësu, Waryobha yaatohaana örööbhö urwaye. Kora bhoono mö-rööbhö ruyö törë. Ku bhuyö nkushomerwa törë bhököngʼu, ko bhoora tukwitengʼera igha, ntorebha hamwë na Waryobha mu-bhuhika ubhwaye.

Abharuumi 8:15

Waryobha tiyaabhahaayë Umwika Ömöhörëëru, okore mobhe abhaghorwa abhoobha. Kasi yaabhahaayë Umwika Ömöhörëëru, okore mobhe abhaana abhaaye. Umwika Ömöhörëëru uyö, we akötötöörrya, okore tobherekere Waryobha igha, “Taata.”

1 Abhakörintö 12:13

Nkoghamba ndë igho, ko bhoora igha, bhëëtö bhonswe igho, ntokaabha Abhayahudi handë igha Abhakyaro, ntokaabha abhaghorwa handë igha abhatöönööni, ntwaabhatiisiibhwi ku-Mwika Ömöhörëëru uyöuyö, tokanyoora Umwika Ömöhörëëru uyöuyö, okore tobhe ömöbhërë öghömwë.

1 Abhakörintö 8:6

kasi kö-bhëëtö, Waryobha nö-ömwë igho, kora we Taata uwëëtö. Uyö we yaabhömbirë ëbhëntö bhyonswe igho. Kora öbhöhöru ubhwëtö ntonabho okore tutighinkanerenga Waryobha. Kora aaho Omonene ömwë igho, uyö we Yëësu Kiristo, ëbhëntö bhyonswe igho mbyaabhömbirwë okohetera ku-uyö, na öbhöhöru ubhwëtö nku-uyö bhokohetera.

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

Abhaëfësö 3:12

Mbe, ko bhoora igha ntoona öbhömwë na Yëësu Kiristo, na ghwiki igha nkumukumya törë, ku bhuyö ntoona ubhweseghe ubhwa ukughya këtöönööni ku-Waryobha.

Abhaëfësö 3:14

Hano naitegherra ësëëmyö enene iya Waryobha iyö, nkotema ndë hansë ibhiru mbasaasaamera ko-Taata uwëëtö Waryobha.

Abhaëfësö 4:4

Bhëëtö Abhakiristo n-kya bhono ömöbhërë ughwa ömöntö ghörë, ntoona Umwika Ömöhörëëru ooraoora, na ubhweseghe m-mboorabhoora toonabho bhono Waryobha yaatoraghaini hano yaatöbhërëkëëyë.

Abhaëfësö 6:18

Mosaasaamenga nkaagha syonswe igho, kya bhono Umwika Ömöhörëëru akobhatangata, okore mwiraarerre. Möghëndërri okosaasaamera abhantö abha Waryobha bhonswe igho.

Abhakorosaai 1:12

na eno morakumya Taata Waryobha, ko bhoora abhakörrë mobhe abhasangi abha ikitweno ikya umwandö ughwa abhantö abhaaye, mo-Bhokama ubhwaye ubhwa emerengaari.

Abhaëbhuraania 7:19

Umughiro ghuyö, teghwarenga na obhotoro ubhwa okohekerania amangʼana, kasi bhoono Waryobha yatohaana ubhweseghe bhono bhörëngë ubhuuya bhököngʼu bhono bhukutuhikya haangʼë nawe.

Yaakobho 3:9

Mbe, örörëmë nkoghera rörë tukumya Taata Waryobha Omonene uwëëtö. Örörëmë ruyöruyö, ndwo rokoghera toraihiima abhantö bhano bhaabhombwa na Waryobha ku ituubho iyaaye.

1 Peetero 1:17

Waryobha ono mokobherekera igha n-Suwëënyu ko-masaasaamo aghëënyu, momanye igha, taana ekeroterro kö ömöntö wowonswe igho hë. Narebhotorra abhantö bhonswe igho ibhiina, ko okorengʼaana na ghano bhaakora. Ku bhuyö mosooke Waryobha ko-nkaagha eno mökëmënyirë ko-kebhara kono, kya abhaghëni.

1 Peetero 1:21

Bhëënyu nkukumya mörë Waryobha, okohetera ku-Yëësu Kiristo. Waryobha, we yaamuryökëri ukurwa mo-bhaku, akamohaana ubhuhika. Kiyö nkyo kekoghera morakumya Waryobha na ukumwesegha.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

Yuuda 1:20

Kasi bhëënyu bhare bhaghonshe abhaane, mwiraarerre ku righonshe irya Waryobha. Monaghe ku-mukumo ughwënyu ömöhörëëru bhököngʼu, mosabhenga ko obhotoro ubhwa Umwika Ömöhörëëru, na eno moraitengʼera na ukushomerwa ko okoghera iya ikyabhera ikya Omonene uwëëtö Yëësu Kiristo, ono araabhareetere öbhöhöru ubhwa amakora ghonswe igho.