Abhaëfësö 2:14 - Imuuma Eehya

¹⁴ Ko bhoora Yëësu Kiristo uyö yaatohaana omorembe, akatokora bhëëtö bhano twaarë amakomo abhërë, Abhakyaro na Abhayahudi, tobhe ikomo imwë. Yaakörrë igho ku ukuruusya-ho ekerebherro keno kyaare-ho na okotemora urughito urwa ubhubhisa rono rwaatwahokanianga.

Abhaëfësö 2:14 ပူးပေါင်းရင်းမြစ်များ

Ruuka 1:79

ngeremorekera bhonswe igho bhano bharëngë mu-kisuntë, na bhano bhakoghania uruku. Ghwiki mboretotangata tohete ko-nshera iya omorembe.”

Ruuka 2:14

“Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Yohana 10:16

Öni neena amangʼöndi aghandë ghano ghatarëngë agha mu-riigho mono, ghonswe ghayö ni-igha ngareete. Amangʼöndi ghayö ghonswe ngaraamanye engamba iyaane. Ku bhuyö nderaabha rihisho imwë, na omokaraabhërri ömwë igho.

Yohana 11:52

Te-ko okoghera iya Abhayahudi abheene igho, kasi n-ko okoghera iya okokomania abhaana abha Waryobha bhano bhaanyaraghana okore, bhabhe hamwë.

Yohana 16:33

Mbatëëbhëri amangʼana ghayö, okore mobhe na omorembe ko bhoora moona öbhömwë na öni. Moona inyanko ko-kebhara kono, kasi motakaakwa emetwe, ko bhoora öni nabhaaha ekebhara keno.”

Amangʼana agha Abhatomwa 10:28

Peetero akabhatëëbhya igha, “Bhëënyu momanyirë bhuuya igha, amaraghërryö aghëëtö Abhayahudi teghakutwikërërrya igha tosange na abhantö bhano bhatarëngë Abhayahudi, handë okobhataarra. Kasi Waryobha, ankaanëri igha, ntakabherekera ömöntö wowonswe igho igha, m-munyanku handë igha taana ubhwera hë.

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

Abharuumi 5:1

Mbe, Waryobha atobharrë igha m-ba heene törë, ko okoghera iya umukumo ughwëtö. Ku bhuyö ntoona omorembe ku-Waryobha ko okohetera ko-Monene uwëëtö Yëësu Kiristo.

Abhagharatia 3:28

Mbe, Umuyahudi na ömöntö ono atarë Umuyahudi, bhonswe igho n-këntö këmwë, omoghorwa bhaana ömötöönööni, umushaasha na omokari, bhonswe igho n-këntö këmwë mörë, ko bhoora moghootaini na Kiristo Yëësu.

Abhaëfësö 2:15

Ghwiki akaruusya-ho amaraghërryö, imighiro ighya Waryobha na seteemo syonswe igho isya amaraghërryö agha Mosa. Akakora bhohya amakomo abhërë ghayö agha abhantö, Abhayahudi na Abhakyaro, bhakabha ëkëntö këmwë, ku bhuyö akabhareetera omorembe.

Abhaëfësö 2:17

Mbe, Kiristo akaasha, akaraareka amangʼana agha omorembe kö-bhëënyu bhano mwaarë hare na Waryobha, na ko bhano bhaarë haangʼë na Waryobha.

Abhaëfësö 3:15

Uyö we esemoko iya ëbhëntö bhyonswe igho, ibhya mu-ryobha na ibhya ko-kebhara kono.

Abhaëfësö 4:16

Yëësu Kiristo uyö, nkoroobhania arë abhantö abhaaye bhonswe igho, bhaghootana hamwë kya igho imyaho ighya ömöbhërë ughwa ömöntö gheghotaini. Hano imyaho ghyonswe igho ighya kö-möbhërë ghyatoorrani, ghekore emeremo ighyako bhuuya, ömöbhërë ghonswe igho nkukiina ghörë ghobha na singuru na okohansha imyaho ighya kö-möbhërë kuyö.

Abhakorosaai 1:20

Ghwiki Waryobha akaighwerrania ëbhëntö bhyonswe igho nawe, ko okohetera ku-Kiristo, ëbhëntö ibhya ko-kebhara kono, kora na bheno bhërëngë mu-ryobha. Yaakörrë igho, ko okoreeta omorembe okohetera amaanyinga agha Yëësu, ghano ghaitëkirë ko-mosarabha.

Abhakorosaai 2:20

Mbe bhëënyu, ko bhoora igha mwaakwa hamwë na Kiristo, yaabhatungurya ukurwa mö-bhëhwë ebheghogho bheno bhekotonga ekebhara keno. Bhoono n-kwakë mokobha okanya igha, m-bantö abha ko-kebhara kono mökërë? N-kwakë mokoghoota amaraghërryö ghano ghakoghamba igha,

Abhakorosaai 3:11

Ku bhuyö tekobha bhöndë ku-Muyahudi na kö ömöntö ono atarë Umuyahudi, abhasaarwa handë abhatasaarwa, ömöghëni handë umusheema, omoghorwa handë ömötöönööni. Kasi Kiristo we akomara amangʼana ghonswe igho, ghwiki mo-senkoro isya bhonswe igho arë.

Abhakorosaai 3:15

Omorembe ughwa Kiristo ghobhaahe senkoro isyënyu, ko bhoora bhëënyu bhano mörëngë imyaho ighya ömöbhërë, mwabherekerwa igha mobhe na omorembe. Mobhe abhakumya Waryobha.

Abhaëbhuraania 13:20

Mbe, Waryobha ono akohaana abhantö omorembe, yaaryökëri Omonene uwëëtö Yëësu Kiristo. Uyö we Omokaraabhërri uwa amangʼöndi Omonene, okohetera ko-nshera iya ukwëtëkya amaanyinga aghaaye agha imuuma iya amakora ghonswe igho.

Abhaëbhuraania 7:2

Mbe, Ibhurahimu akahaana Mërikizëdëki ikitweno ikya ikömi, ikya ëbhëntö bheno yaanyöörrë mu-riihë. Mbe, ensonga iya mbere iya iriina Mërikizëdëki ni-igha, “Omokama uwa heene,” ghwiki arabherekerwa igha, “Omokama uwa Sarëëmu,” ensonga iyaaryo ni-igha, “Omokama uwa omorembe.”