Abhaëfësö 2:12 - Imuuma Eehya

¹² Muhiite igha enkaagha iyö, temwamanyirë Yëësu Kiristo hë. Temwagherrwanga hamwë na Abhaisiraëri, abhantö abha Waryobha. M-baghëni mwaarë ko-maraghanio agha imuuma ghano Waryobha yaaraghaini Abhaisiraëri. Temwaarë na ubhweseghe bhwobhwonswe bhoora hë, mwaamënyirë ko-kebhara kono kya abhantö bhano bhatamanyirë Waryobha.

Abhaëfësö 2:12 ပူးပေါင်းရင်းမြစ်များ

Ruuka 1:72

Ghwiki yaaghambirë igha, naraabherenga abhakörö abhëëtö, na ukuhiita Imuuma iyaaye ëhörëëru.

Yohana 10:16

Öni neena amangʼöndi aghandë ghano ghatarëngë agha mu-riigho mono, ghonswe ghayö ni-igha ngareete. Amangʼöndi ghayö ghonswe ngaraamanye engamba iyaane. Ku bhuyö nderaabha rihisho imwë, na omokaraabhërri ömwë igho.

Yohana 15:5

“Öni no-mozabhibhu ndë, na bhëënyu na amasagharya aghaane mörë. Ono araabhe na öbhömwë na öni, na öni mbe ëkëntö ëkëmwë nawe, naraame bhököngʼu, ko bhoora hano motaabhe hamwë na öni, temokore engʼana hë.

Yohana 4:22

Bhëënyu Abhasamaaria, nkosaasaama mörë keno motamanyirë. Kasi bhëëtö Abhayahudi, nkosaasaama törë keno tomanyirë. Ko bhoora öbhöhönia, nko-Bhayahudi bhukurwera.

Amangʼana agha Abhatomwa 2:39

Ku bhuyö momanye igha, Waryobha yaaraghaini ghayö, ko okoghera iya bhëënyu, na abheebhorwa abhëënyu, na Abhakyaro bhano bharëngë hare iyö, bhonswe igho bhayö, Omonene uwëëtö Waryobha narebhabherekera.”

Amangʼana agha Abhatomwa 28:20

Ku bhuyö nembabhërëkëëyë hano, okore mbamaahe, tushumaashe. Öni hano, nëmböhirwë na ebheraangʼani bheno, ko okoghera iya ukukumya Kiristo, uyö, we ubhweseghe ubhwa Abhaisiraëri bhonswe igho.”

Amangʼana agha Abhatomwa 3:25

Amaraghanio ghano Waryobha yaaraghaini ko okohetera ko-bharööti, n-ko okoghera iya bhëënyu. Kora nkosanga mörë imuuma eno Waryobha yaakörrë na abhakörö abhëënyu. Waryobha yaaraghaini Ibhurahimu igha, ‘Ko okohetera urwebhoro urwaho, abhantö abha ibhyaro bhyonswe igho hano bhëhëkëëyë, mbarengʼoorwa.’

Abharuumi 9:8

Ensonga iya amangʼana ghayö ni-igha, ta-bhaana abha kinyamöbhërë abha Ibhurahimu, igha mbo abhaana abha Waryobha. Kasi m-baara bheebhorwa ko okorengʼaana na riraghano irya Waryobha, bhayö mbo abhaana abha heene abha Waryobha.

Abhagharatia 4:8

Bhëënyu kare hayö, temwamanyirë Waryobha hë, m-baghorwa mwaarë, abha ëbhëntö bheno bhetarë Waryobha.

Abhaëfësö 2:19

Mbe, ukurwa bhoono igho, bhëënyu tërëngë igha, m-baghëni mörë, handë igha abhangʼaanyëri abha ku-kyaro ikyëndë, kasi bhëënyu ni-komo imwë mörë na abhantö abha Waryobha. Bhoono bhëënyu na abhantö abha mu-nyumba iya Waryobha mörë.

Abhaëfësö 4:18

Tebhaamanyërrëëyi bhuuya amangʼana agha Waryobha hë, kora tebharëngë haangʼë na öbhöhöru obhohya ubhwa Waryobha hë. Ko bhoora igha, tebhamanyirë Waryobha hë. Ghayö ghonswe igho, n-ko okoghera iya ikisiraani ikyabho.

Abhakorosaai 1:21

Kare hayö, hano bhëënyu motaarenga moraakumya Waryobha, hare mwaarë nawe, kora mokabha abhabhisa abhaaye, ko okoghera iya amaitegherro na seteemo isyënyu sengogho.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

1 Abhatësarönikë 4:13

Bhëënyu abhakumya bharikyëtö, keno tukutuna ni-igha momanye amangʼana agha Abhakiristo bhano bhaakwa, okore motakaabhaabhayera kya abhantö abhandë bhano bhataana ubhweseghe ubhwa ukuryoka.

1 Abhatësarönikë 4:5

Motakaabha na oronamba kya urwa Abhakyaro, bho tebhamanyirë Waryobha hë.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

1 Timoteo 1:1

Ritashandighi reno nö-öni Pauro ndyandëkirë. Öni no-motomwa uwa Kiristo Yëësu ndë. Naanyoora obhotomwa bhuyö ko bhoora igha, Waryobha Ömötöörya uwëëtö, bhaana Kiristo Yëësu ono tukwesegha, mbo bhaaraghërrëëyi igha, mbe omotomwa uwa Kiristo Yëësu.

Abhaëbhuraania 11:34

Bhaarimiri omorro ömörörö kai, bhaatööriibhwi bhatakaitwa rwa imishonge. Hano bhaahwerwanga singuru, Waryobha yaabhakoranga bhakongʼa ku-riihë, kora bharughya abhasirikare bhano bhaaruurë mu-bhyaro ibhyëndë.

Abhaëbhuraania 6:18

Mbe, maaha igha, bheeho ëbhëntö bhibhërë bheno Waryobha yaakora, okoraghania na ukutyana, ku bhuyö tariisyörya ghwiki hë, ko bhoora we te-morongo hë. Bhoono bhëëtö bhano twamongʼosera-ko, tobhe na obhokarë ubhwa ukwesegha amangʼana ghano ghakuusha.

Abhaëbhuraania 8:6

Kasi Waryobha ahaayë Yëësu Kiristo emeremo ighya öbhösëngëri ubhwa ubhwera obhonene, okokera gheera ighya abhasëngëri bhano bhaatangatirë okobha-ho. Yëësu we akwighwerrania abhantö na Waryobha, ko okohetera Imuuma iya ubhwera obhonene okokera iya mbere eera. Kora Imuuma iyö, n-kya ëkëntö keno kehaghaashirwë ku-musingi umurito, kuyö nko okoghamba igha, n-ko amaraghanio amaiya bhököngʼu okokera agha Imuuma iya Kare eera.

1 Peetero 1:21

Bhëënyu nkukumya mörë Waryobha, okohetera ku-Yëësu Kiristo. Waryobha, we yaamuryökëri ukurwa mo-bhaku, akamohaana ubhuhika. Kiyö nkyo kekoghera morakumya Waryobha na ukumwesegha.

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

1 Peetero 3:15

Mwisëëmi nkaagha syonswe igho okohonshora ömöntö wowonswe ono araabhabhööri keno mukwesegha. Mokorenga igho kwa obhohaabhu na esooko,

1 Yohana 3:3

Ömöntö wowonswe igho ono akwitengʼera igha atuubhane na Yëësu Kiristo, aisaabhuure, abhe ömöhörëëru kya Yëësu Kiristo.