Abhaëfësö 1:9 - Imuuma Eehya

⁹ Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Abhaëfësö 1:9 ပူးပေါင်းရင်းမြစ်များ

Mataayo 13:11

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye.

Ruuka 12:32

“Nokaanyoora te-bhaaru mörë hë, kasi motakoobhoha. Ko bhoora Suwëënyu arööshë igha, abhahaane Obhokama ubhwaye.

Ruuka 2:14

“Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Amangʼana agha Abhatomwa 13:48

Hano Abhakyaro bhaaighuurë igho, bhakashomerwa. Bhakakumya amangʼana agha Omonene Yëësu. Bhonswe igho bhano bhaaitengʼerwanga ukunyoora öbhöhöru ubhwa amakora ghonswe igho, mbaakumiri Omonene Yëësu.

Amangʼana agha Abhatomwa 2:23

Yëësu uyö, yaarëëtirwë kö-bhëënyu, ko bhono Waryobha yaamanyirë, na kya bhono yaatunanga ukurwa okosemoka. Kasi bhëënyu mokamohaneka ko-mosarabha, mokamwita, ko okohetera ko-bhantö bhano bhatarë Abhayahudi.

Amangʼana agha Abhatomwa 4:28

Amangʼana ghayö bhakörrë, ngo waatunanga ukurwa okosemoka igha ghabhe. Kora waaghatangatirë ko obhotoro ubhwaho.

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

Abharuumi 8:28

Ntomanyirë bhuuya igha, Waryobha nkokora arë amangʼana amaiya hamwë na abhantö bhano bhamohanshirë, bhano yaabherekera ko okohansha ukwaye umwene.

1 Abhakörintö 1:21

Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

Abhagharatia 1:12

Ko bhoora taaho ömöntö ono yaaghangʼaayë hë, kora të-möntö wowonswe igho yaanyörökërrëëyi hë. Kasi Yëësu Kiristo umwene we yaanhönyörrëëyë.

Abhagharatia 1:15

Kasi Waryobha yaanshaaghööyë kora ntareebhorwa, kö örööbhö urwaye, akamberekera, akamaaha igha,

Abhagharatia 1:16

anhonyorre amangʼana agha Omoona uwaaye kya bhono arë. Yaakörrë igho, okore ndaareke Amangʼana Amaiya agha Yëësu Kiristo ko-Bhakyaro. Tenatunirë abhantö abha okondaghërrya keno nkaakörrë.

Abhaëfësö 1:11

Ghwiki Waryobha yaatushaaghööyë bhëëtö Abhayahudi tobhe abhantö abhaaye, ko okotohaana öbhömwë na Yëësu Kiristo. Yaatushaaghööyë ko bhoora igha, iyö në-sëëmyö iyaaye yaarë ukurwa kare. Akakora ëbhëntö bhyonswe igho bhebhe kya bhono akutuna.

Abhaëfësö 1:8

Örööbhö n-dwaru bhököngʼu atohaayë, kora aghërrë tobhe na obhongʼaini bhwonswe igho, na okomanya bhuuya amangʼana.

Abhaëfësö 3:11

Waryobha yaakörrë igho, ko okoghera iya ësëëmyö iyaaye eno yaatunanga ukurwa okosemoka ehekerane ko-keera Omonene uwëëtö Kiristo Yëësu yaakörrë.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.