Abhaëfësö 1:6 - Imuuma Eehya

⁶ Ku bhuyö ni-igha tumukumi, ko okoghera iya örööbhö urwaye urwa ököröghöörya, rono yaatohaayë bhosa igho okohetera ku-Kiristo Yëësu ono Waryobha ahanshirë.

Abhaëfësö 1:6 ပူးပေါင်းရင်းမြစ်များ

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Mataayo 20:9

“Mbe, ho abhaköri abha emeremo bhano bhaaishirë saa ikömi na ëmwë, bhakaasha, bhakahaanwa ehoorohooro iyaabho iya urusikö urughima, idinaari ëmwë.

Mataayo 3:17

Ho Waryobha yaaghambirë ukurwa mu-ryobha igha, “Ono no-Moona uwaane omoghonshe, ono aköntëghërya bhököngʼu.”

Ruuka 2:14

“Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Yohana 10:17

“Taata nanhanshirë ko bhoora igha, nkuruusya ndë öbhöhöru ubhwane, okore mbogheghe ghwiki.

Yohana 3:35

Taata Waryobha nahanshirë Omoona uwaaye, kora amohaayë ëbhëntö bhyonswe igho.

Abharuumi 8:1

Mbe, bhoono ni-igha, Waryobha taashibhi abhantö bhano bhaana öbhömwë na Kiristo Yëësu.

2 Abhakörintö 4:15

Inyanko yonswe igho eno tukunyoora, n-ko okoghera iya bhëënyu, okore örööbhö urwa Waryobha, rwaruhe na okohekeera abhantö abhaaru, kora abhantö bhayö bhakumi bhököngʼu Waryobha na ökömötöönia.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhaëfësö 1:12

Akakora igho okore bhëëtö Abhayahudi bhano törëngë abha mbere ukwesegha Yëësu Kiristo, tukumi Waryobha na ökömötöönia.

Abhaëfësö 1:14

Umwika Ömöhörëëru uyö, n-kya ekebhete ikya Waryobha kö-bhëëtö igha, Waryobha naretohaana ëbhëntö ibhyëndë bhyonswe igho, bheno yaaraghaini igha, aretohaana. Umwika Ömöhörëëru uyö, we ono Waryobha yaatoora-ho okohekera hano aritutungurya bhëëtö abhantö abhaaye. Ku bhuyö ni-igha tumukumi ku ubhuhika ubhwaye.

Abhaëfësö 1:18

Ghwiki nkobhasabhera ndë igha, abhatöörri momanye obhoheene, okore momanye ubhweseghe bhono yaaraghaini kö-bhëënyu hano yaabhabhërëkëëyë. Momanye ubhwaru ubhwa obhongʼoore ubhwaye bhono yaaraghaini igha akaahaayë abhantö abhaaye.

Abhaëfësö 2:7

Waryobha yaakörrë ghayö, okore aashe ukwörökya ekebhara ubhwamë ubhwa örööbhö urwaye, rono rotakorengʼaanibhwa na kyokyonswe keera ko amaabhë aghaaye, kö-bhëëtö bhano toona öbhömwë na Kiristo Yëësu.

Abhafiripi 1:11

Öbhöhöru ubhwënyu mburishore amangʼana agha obhoheene ghano ghakotooka okohetera ku-Yëësu Kiristo. Ëkëntö kiyö nkeraaghere Waryobha atöönibhwi na ukukumibhwa ko-ghayö.

Abhafiripi 3:9

Ghwiki ni-igha ngootane nawe këmwë. Tinkwitengʼera ghwiki ukunyoora obhoheene ubhwane ko okoghera iya ököröndërrya amaraghërryö, kasi Waryobha yaamara okoghamba igha, m-möntö uwa heene ndë ko okoghera igha, neneena umukumo ku-Kiristo. Obhoheene bhuyö, nku-Waryobha bhukurwera, bhuusha ko bhaara bhakukumya Kiristo.

Abhafiripi 4:19

Mbe, Waryobha uwaane naraabhahaane ghonswe igho ghano moonagho obhohabhë, okorengʼaana na ubhwamë ubhwaye obhonene. Naraakore igho ko okohetera ku ubhuhika ubhwa Kiristo Yëësu.

Abhakorosaai 1:13

Waryobha yaatötöörri ukurwa mo-bhokama ubhwa ikisuntë, akatongʼaanyërya mo-Bhokama ubhwa Omoona uwaaye omoghonshe.

1 Peetero 2:5

Momanye igha, bhëënyu bhonswe n-kya amaghena amahöru mörë, mwahaghaashwa mobhe inyumba ëhörëëru. Ghwiki nkobhakora arë mobhe abhasëngëri bhano bhaahööywë okokora ibhimwenso ëbhëhörëëru, bheno bhikushomera Waryobha okohetera ku-Yëësu Kiristo.

1 Peetero 2:9

Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.

1 Peetero 4:11

Hano ömöntö aana amangʼana agha okoghamba, aghambe ko obhotoro bhono bhuruurë ku-Waryobha. Na hano araakorre bharikyaye emeremo, abhakorre ko obhotoro bhono bhukurwa ku-Waryobha. Hano moraakore igho, Waryobha naraakumibhwi ko amangʼana ghonswe igho, ko okoghera iya Yëësu Kiristo, uyö we aana ubhuhika na öbhötöngi ko makora na amakora. Amina.