Abhaëfësö 1:5 - Imuuma Eehya

⁵ yaasëëmëri ukurwa kare igha atokore tobhe abhaana abhaaye. Yaakörrë igho, ko okohetera ko keno Yëësu Kiristo yaakörrë, ni-igho yaatunirë igha akore, na engʼana iyö ekamushomera.

Abhaëfësö 1:5 ပူးပေါင်းရင်းမြစ်များ

Mataayo 1:25

Kasi tiyaaraayë na mokaaye uyö hë, okohekera hano Maryamu yaaibhööyë omoona uwa ikishaasha. Yusufu akaroka omoona uyö igha, Yëësu.

Mataayo 11:26

M-maheene Taata waakörrë igho ko bhoora ni-igho waatunirë igha ebhe.”

Ruuka 10:21

Hayö na hayö igho, Umwika Ömöhörëëru akaghera Yëësu ashomerwe bhököngʼu, kora akaghamba igha, “Taata, nu-uwe nkukumya, ono örëngë Omonene uwa kera ëkëntö mu-ryobha iyö, na ko-kebhara kono. Ko bhoora amangʼana aghaaho ghano, waabhisa abhantö abhangʼaini na bhano bhaasoma, kasi okahonyorra abhantö bhano bhaana umukumo ku-uwe kya abhaana abhake. M-maheene Taata waakörrë igho ko bhoora ni-igho waatunirë igha ebhe.”

Ruuka 11:32

Rono Waryobha arebhotorra abhantö ibhiina ibhyabho, abhantö abha Ninaawi, mbaryemerra hamwë na abhantö abha rekora reno. Abhantö abha Ninaawi, mbarebhotorra ikiina abhantö abha rekora reno igha, m-basarya. Nerebha igho, ko bhoora abhantö abha Ninaawi, mbaahöngööyë ëbhëbhë ibhyabho, hano Yoona yaabharaarëkëëyë engʼana iya Waryobha. Na bhoono igho aahano ömöntö omonene okokera Yoona, kasi bhëënyu temwahöngööyë ëbhëbhë ibhyënyu hano yaabharaarëkëëyë engʼana iya Waryobha.

Ruuka 12:32

“Nokaanyoora te-bhaaru mörë hë, kasi motakoobhoha. Ko bhoora Suwëënyu arööshë igha, abhahaane Obhokama ubhwaye.

Yohana 1:12

Kasi abhantö bhonswe igho bhano bhaamukumiri, yaabhakörrë bhabhe abhaana abha Waryobha.

Yohana 11:52

Te-ko okoghera iya Abhayahudi abheene igho, kasi n-ko okoghera iya okokomania abhaana abha Waryobha bhano bhaanyaraghana okore, bhabhe hamwë.

Yohana 20:17

Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

Amangʼana agha Abhatomwa 13:48

Hano Abhakyaro bhaaighuurë igho, bhakashomerwa. Bhakakumya amangʼana agha Omonene Yëësu. Bhonswe igho bhano bhaaitengʼerwanga ukunyoora öbhöhöru ubhwa amakora ghonswe igho, mbaakumiri Omonene Yëësu.

Abharuumi 8:23

Ti-igha në-bhëntö bhiyö ibhyene igho mbyo bhikukuura hë. Kasi kora na bhëëtö bhonswe, bhano twaahaanwa Umwika Ömöhörëëru, okore tuwonshi ubhuuya bhono torehaanwa, nkukuura törë mo-senkoro isyëtö. Waryobha we tokoghanya, atohaane ubhwera bhwonswe igho ubhwa okobha abhaana abhaaye. Keno nkoghamba ni-igha, atutunguri, ëmëbhërë ighyëtö ghebhe emehya.

1 Abhakörintö 1:1

Ritashandighi reno nö-öni Pauro ndyandëkirë. Öni naabherekerwa igha mbe omotomwa uwa Kiristo Yëësu, ku righonshe irya Waryobha. Öni na Sositene umukumya murikyane,

1 Abhakörintö 1:21

Nkoghamba ndë igho ko bhoora igha, Waryobha ko obhongʼaini ubhwaye, yaakörrë igha, abhantö bhatakaamomanya okohetera ko-bhongʼaini ubhwabho abheene. Kasi Waryobha akamaaha igha, atööri abhantö bhano bhakukumya engʼana eno ekoraarekwa, eno abhantö abhandë bhakomaaha igha m-bokangi.

2 Abhakörintö 6:18

Kora nendaabhe Suwëënyu, na bhëënyu moraabhe abhaana abhaane, abha ikishaasha na abha ekekari. Ni-igho Omonene Waryobha uwa obhotoro bhwonswe igho akoghamba.”

Abhagharatia 3:26

Ku bhuyö bhëënyu bhonswe igho m-baana abha Waryobha mörë okohetera ku umukumo, ko bhoora igha, moghootaini na Kiristo Yëësu.

Abhaëfësö 1:11

Ghwiki Waryobha yaatushaaghööyë bhëëtö Abhayahudi tobhe abhantö abhaaye, ko okotohaana öbhömwë na Yëësu Kiristo. Yaatushaaghööyë ko bhoora igha, iyö në-sëëmyö iyaaye yaarë ukurwa kare. Akakora ëbhëntö bhyonswe igho bhebhe kya bhono akutuna.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Abhafiripi 2:13

Mbe, mokorenga igho, ko bhoora Waryobha we akoghera morahansha okokora ghano akutuna mokore, kora nkobhahaana arë obhotoro ubhwa okoghakora.

Abhakorosaai 1:19

Ko bhoora Waryobha yaatëghëribhwa igha, obhoheene ubhwaye bhonswe igho bhobhe ku-Kiristo.

2 Abhatësarönikë 1:11

Ku bhuyö nkobhasabhera törë sinsikö syonswe igho igha, Waryobha uwëëtö abhakore morengʼaane na keno yaabhabhërëkërra. Ghwiki nkobhasabhera törë igha, ko obhotoro ubhwaye, ahekerani amangʼana amaiya ghano mukutuna okokora, na okohekerania emeremo ighyënyu ghyonswe igho ighya umukumo.

Abhaëbhuraania 2:4

Waryobha wonswe akaimererra amangʼana ghayö ko okokora ebhemanyërryö na amakono amaaru, kora akahaana abhantö ituho iya Umwika Ömöhörëëru kya bhono umwene yaahanshirë.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

Okohonyora 21:7

Ömöntö wowonswe ono araakere, nendaamohaane ghayö ghonswe igho. Naraabhe omoona uwaane, na öni wonswe nendaabhe Waryobha uwaaye.