Abhaëfësö 1:4 - Imuuma Eehya

⁴ Keno Waryobha yaakörrë, nu-kutwahora tobhe abhantö abhaaye ko okohetera kö-bhömwë ubhwëtö na Yëësu Kiristo. Yaakörrë igho, kora ataraabhomba ëbhëntö bhyonswe igho ibhya ko-kebhara kono. Waryobha yaatwahora okore tobhe abhahörëëru abhaaye bhano totaana risoro ryoryonswe reera. Ko okoghera iya righonshe iryaye,

Abhaëfësö 1:4 ပူးပေါင်းရင်းမြစ်များ

Mataayo 24:22

Singa Waryobha ataasuuhya sinsikö siyö isya inyaanyi iyö, taaho ömöntö ono akaahönirë hë. Kasi Waryobha yaasuuhya sinsikö siyö, ko okoghera iya abhaahorwa abhaaye.

Mataayo 24:24

Ko bhoora mbariisha abhantö abharongo bhano bharibherekeranga igha, mbo Kiristo, hamwë na bharööti abha obhorongo. Abhantö bhayö, mbarekora ebhemanyërryö ibhyaru ibhya amakono agha ököröghöörya. Mbarekoranga igho, okore bhangʼaine abhantö, kehane, bhangʼaine kora abhaahorwa abha Waryobha.

Mataayo 24:31

Ho ndetoma abhamaraika abhaane na eno bharahuuta sentera bhököngʼu, okore bhakomani abhaahorwa abhaane bhonswe igho. Mbarebhakomania ukurwa mbaara syonswe igho isya ekebhara keno, ukurwa ku-muhiko ughwa orobhareka örömwë, okohekera ku-muhiko ughwa orobhareka urwöndë.”

Mataayo 25:34

“Ho bhoono öni Omokama ndëtëëbhya bhaara urinyoora bharëngë bhoryo bhwane igha, ‘Bhëënyu, muushe hano, ko bhoora mwangʼoorwa na Taata. Mosohe mo-Bhokama bhono Waryobha yaabhasëëmërya, ukurwa haara yaabhömbirë ekebhara keno.

Yohana 10:16

Öni neena amangʼöndi aghandë ghano ghatarëngë agha mu-riigho mono, ghonswe ghayö ni-igha ngareete. Amangʼöndi ghayö ghonswe ngaraamanye engamba iyaane. Ku bhuyö nderaabha rihisho imwë, na omokaraabhërri ömwë igho.

Yohana 15:16

Të-bhëënyu mwaanshaaghora hë, kasi nö-öni naabhashaaghora. Mbatöörrë-ho igha, moghende mwame sehagho seno setakohwa, okore kyokyonswe igho keno moresabhanga Taata okohetera ku iriina iryane, narebhahaana.

Yohana 17:24

Abhantö bhayö waangʼaana Taata, nkwighomba ndë bhabhe hamwë na öni ahasë hano ndebhanga, okore bhamaahe ubhuhika ubhwane bhono waangʼaana, ko bhoora waanhanshirë, kora ekebhara keno ketaraabhombwa.

Amangʼana agha Abhatomwa 13:48

Hano Abhakyaro bhaaighuurë igho, bhakashomerwa. Bhakakumya amangʼana agha Omonene Yëësu. Bhonswe igho bhano bhaaitengʼerwanga ukunyoora öbhöhöru ubhwa amakora ghonswe igho, mbaakumiri Omonene Yëësu.

Amangʼana agha Abhatomwa 15:18

Amangʼana ghayö, ngaamanyekaini ukurwa kare.’”

Amangʼana agha Abhatomwa 18:10

Öni hamwë ndë na uwe, taaho ömöntö ono araakukuni-ko hë, ko bhoora neena abhantö abhaaru mu-mughi mono, bhano bharëngë orobhaara urwane.”

Abharuumi 8:33

Taaho ömöntö uwa ukushongera abhaahorwa abha Waryobha, ko bhoora Waryobha umwene we akobhabhara igha m-ba heene.

1 Abhakörintö 1:8

Waryobha naraabhatogheke okohekera urusikö urwa umuhiko, okore amasoro ghatakaasha okotooka kö-bhëënyu urusikö ruyö, urwa Omonene uwëëtö Yëësu Kiristo.

Abhagharatia 5:13

Bhëënyu abhakumya bharikyëtö, Waryobha yaabhabherekera okore mobhe abhatöönööni. Kasi motakaakora öbhötöönööni ubhwënyu bhobhe ubhwa oronamba urwa ömöbhërë, kasi mötöörraninga, na mohanshanenga.

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 2:10

Ko bhoora igha Waryobha yaatobhomba, na kö bhömwë ubhwëtö na Kiristo Yëësu, yaatobhomba bhohya, okore eteemo iyëëtö ebhe iya okokora amangʼana amaiya ghano yaatösëëmëëyi ukurwa kare igha toghakore.

Abhaëfësö 3:17

okore Yëësu Kiristo amenye këmwë mo-senkoro isyënyu ku umukumo ghono moonagho. Ndabhasabha igha, möghëndërri okohanshana. Righonshe n-kya imiri, imiri nkokora ghërë ëmëtë ghenagha, kora ghwiki n-kya inyumba eno ehaghaashirwë ku-musingi.

Abhaëfësö 4:2

Mwihoote ko-ghonswe igho ghano mokokora, mobhe abhahaabhu, möghömërri na ököghömërrania ukwa okohanshana.

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

Abhaëfësö 5:27

okore anyoore ekanisa inshiiya, ëhörëëru, eno etaana risoro ryoryonswe reera.

Abhafiripi 2:15

okore mobhe abhaana abharöngë abha Waryobha, bhano bhataana risoro. Ghwiki bhano motakoghambwa bhoghogho mo-bhantö abha reero eno, bhano bhaishora amaghogho na obhorangara. Bhëënyu momaahekane mo-bhantö bhayö, kya emerengaari gheno ghëkömërëkya ekebhara.

Abhakorosaai 1:22

Kasi bhoono Waryobha yaabhaighwerrania nawe, ko okohetera ukukwa ukwa Kiristo. Yaakörrë igho, okore igha abhareete mbere iyaaye mörëngë abhahörëëru, motaana imbuura handë risoro ryoryonswe reera.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

Abhakorosaai 3:12

Bhoono ko bhoora m-baahorwa abha Waryobha mörë, kora na-bhahörëëru bhano ahanshirë, mobhe na enkoro iya amaabhë, eteemo inshiiya, ubhwihöötu, obhohaabhu, bheena öbhöghömërrya.

1 Abhatësarönikë 3:12

Omonene abhëngëri na ököbhëngërërrya righonshe irya okohanshana bhëënyu abheene ko abheene na okohansha abhandë bhonswe igho, kya bhono toona righonshe rinene kö-bhëënyu.

1 Abhatësarönikë 4:7

Waryobha tiyaatöbhërëkëëyë igha tokore obhosooraare, kasi yaatöbhërëkëëyë okore tobhe abhahörëëru.

2 Timoteo 1:9

Waryobha yaatötöörya, akatushaaghora tobhe abhantö abhaaye. Tiyaakörrë igho ko bhoora igha twaakora amangʼana amaiya, ti-igho hë. Kasi yaakörrë igho ko okoghera iya ësëëmyö iyaaye, na örööbhö urwaye. Yaatohaayë örööbhö ruyö, ko okoreeta Kiristo Yëësu ko okoghera iya bhëëtö. Yaakörrë igho kora ataraabhomba ekebhara.

2 Timoteo 2:10

Ku bhuyö nköghömërrya ndë ghonswe igho, ko okoghera iya abhantö bhano bhaashaaghorwa na Waryobha igha bhabhe abhantö abhaaye. Nkokora ndë igho, okore abhantö bhayö bhahönibhwi ku ukukumya Kiristo Yëësu, kora bhasange ubhuhika ubhwaye bhono bhotakohwa.

2 Timoteo 2:19

Kasi abhantö bhano bhanaghirë, bho n-kya umusingi umuuya ghono Waryobha yaakora. Ku-musingi kuyö, amangʼana ghandëkirwë igha, “Omonene Waryobha namanyirë abhantö abhaaye,” ghwiki igha, “Ömöntö wowonswe ono akwibherekera igha nu-uwa Omonene Waryobha, ni-igha atighe obhoghogho.”

Yaakobho 2:5

Abhakumya bharikyane abhaghonshe, munyitegherre bhuuya. Waryobha yaashaaghora abhatöbhu abha ko-kebhara kono, okore bhabhe abhaamë abha umukumo, kora bharaaghere umwandö ughwa Obhokama bhono yaaraghaini bhano bhamohanshirë.

1 Peetero 1:2

Taata Waryobha yaabhamanyirë, akabhashaaghora ukurwa kare, ko okoghera iya ësëëmyö iyaaye. Umwika uwaaye Ömöhörëëru, akabhakora mobhe abhahörëëru, okore mwighwere Yëësu Kiristo na okosaabhuurwa ko amaanyinga aghaaye. Waryobha abhëngëri örööbhö na omorembe.

1 Peetero 1:20

Waryobha yaamwahööyë ukurwa kare kora ekebhara ketaraabhombwa, ko okoghera iya ësëëmyö iyaaye. Kasi akaghanya okohekera ko-nkaagha iya umuhiko eno, akamoreeta, akamotoora harabhu igho ko-bhantö bhonswe igho abha ko-kebhara kono. Yaakörrë ghayö ghonswe igho, ko okoghera iya bhëënyu.

1 Peetero 2:9

Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.

2 Peetero 3:14

Ku bhuyö abhaghonshe abhaane, enkaagha eno mokeghanya urusikö ruyö, mokorenga omotono ughwa okobha na enkoro inshiiya bhököngʼu, motakaabha na risoro ku-Waryobha, kora mobhe na omorembe.

1 Yohana 4:16

Bhëëtö ntomanyirë, kora nkukumya törë igha, Waryobha natohanshirë. Waryobha we righonshe. Ömöntö wowonswe igho ono akobha na righonshe, we aana öbhömwë na Waryobha, na Waryobha wonswe, nkobha arë na öbhömwë na ömöntö kya uyö.

Okohonyora 13:8

Abhantö bhonswe igho abha ko-kebhara kono, bhano amariina aghaabho ghatandëkirwë mo-ketabho ikya Öbhöhöru, mbareghosengerra. Eketabho kiyö, ni-ikya Omoona Ringʼöndi ono yaanshinshirwë, nkyaandëkirwë ukurwa okosemoka ukwa ekebhara.

Okohonyora 17:8

Ughutyënyi ghuyö örööshë, ngö-höru ghwaarë, kasi bhoono ghwaakwa. Kora n-haangʼë ghörë ghurwe mu-bhwina ubhwa mu-kyaro ikya abhaku, kasi Waryobha naraaghusiki. Abhantö bhonswe igho abha ko-kebhara kono, bhano amariina aghaabho ghatandëkirwë mo-Ketabho ikya Öbhöhöru, hano waanyöörrë ekebhara ketaraabhombwa, mbareroghoora okomaaha ughutyënyi ghuyö, ko bhoora igha, ho ghwaarenga, ghokakwa, kasi ghwiki ngurikyora.”