Abhaëfësö 1:3 - Imuuma Eehya

³ Bhamurë, ni-igha tukumi Waryobha uwa Omonene uwëëtö Yëësu Kiristo, na we Suwaabho Omonene uwëëtö uyö. Waryobha yaatokorra amangʼana amaiya agha obhongʼoore bhwonswe igho ubhwa ahasë hano hatakomaahwa, ko okohetera kö-bhömwë ubhwëtö na Yëësu Kiristo.

Abhaëfësö 1:3 ပူးပေါင်းရင်းမြစ်များ

Ruuka 2:28

Akaghegha omoona mo-mabhoko aghaaye na eno aratöönia Waryobha igha,

Yohana 14:20

Urusikö roora hano rurihika, hayö ho moremanya igha, öni m-mönsë iya Taata ndë, na bhëënyu bhonswe m-mönsë iyaane mörë, na öni m-mönsë iyëënyu ndë.

Yohana 17:21

Ndasabha igha, abhantö bhayö bhonswe igho, bhabhe ëkëntö ëkëmwë, kya bhono uwe Taata örëngë ëkëntö ëkëmwë na öni, na kya igho öni wonswe ndëngë ëkëntö ëkëmwë na uwe. Ghwiki ndasabha igha, abheene bhonswe bhabhe ëkëntö ëkëmwë na bhëëtö, okore abhantö abha ko-kebhara kono bhakumi igha, nu-uwe waantoma Taata.

Yohana 20:17

Yëësu akamötëëbhya igha, “Tigha, otakangoota. Tendariina ukughya ighörö iyö ko-Taata hë. Keno nkökötëëbhya ni-igha, kaghi ötëëbhi abhahiiri abhaane igha, ‘Ndaghya mu-ryobha ko-Taata, ono arëngë Suwëënyu na bhëënyu bhonswe, ku-Waryobha uwaane na bhëënyu bhonswe n-Waryobha uwëënyu.’”

Abharuumi 12:5

Ömöbhërë ughwa Kiristo ghonswe ni-igho ghörë. Bhëëtö ntonga kya imyaho imyaru ighya ömöbhërë ughwa Kiristo. Kera ömöntö nu-mwaho ughwa murikyaye kö-möbhërë kuyö.

Abharuumi 15:6

Hayö ho bhonswe igho moraatore ökötöönia Waryobha, Suwaabho Omonene uwëëtö Yëësu Kiristo, kwa enkoro ëmwë, na obhoghambi öbhömwë.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

1 Abhakörintö 12:12

Ömöbhërë n-gömwë, imyaho ighya-ko m-myaru. Kasi imyaho imyaru ghiyö, ngyo ghekokora ömöbhërë öghömwë ghuyö. Mbe, kya igho ömöbhërë ghörë, ni-igho ërë na kö-möbhërë ughwa Yëësu Kiristo.

2 Abhakörintö 1:3

Akumibhwi Waryobha, Suwaabho Omonene uwëëtö Yëësu Kiristo, Taata nyamaabhë, Waryobha ono aköröörësya ko amangʼana ghonswe igho.

2 Abhakörintö 11:31

Waryobha, Suwaabho Omonene uwëëtö Yëësu Kiristo, ono aingʼarëëyë ukukumibhwa amakora ghonswe igho, namanyirë igha tenkorongoha hë.

2 Abhakörintö 5:17

Hano ömöntö yaabha na öbhömwë na Yëësu Kiristo, nkobha arë ömöntö omohya, amangʼana agha kare ghaaheta, bhoono na-mangʼana amahya ghaaho.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 3:9

Mbe, bhaara bhakukumya Waryobha, nkongʼoorwa bharë kya bhoora Ibhurahimu ono yaangʼöörrwë ko bhoora yaamukumiri.

Abhaëfësö 1:10

Ësëëmyö iyaaye ni-igha hano enkaagha inshiiya irihika, naretoora hamwë ëbhëntö bhyonswe igho, ibhya mu-ryobha na ibhya ko-kebhara kono, kora akore Kiristo Yëësu abhe omotangati uwa ëbhëntö bhiyö.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhaëfësö 1:20

seno Waryobha yaaryökëëyi Kiristo Yëësu ukurwa mo-bhaku, akamwikarya bhoryo ubhwaye, ahasë hano hatakomaahwa.

Abhaëfësö 2:6

Waryobha akaturyökya ukurwa mo-bhaku hamwë na Kiristo Yëësu, akatwikarya totonge hamwë na Kiristo ko-hasë hano hatakomaahwa. Yaakörrë igho ko okotohaana öbhömwë na Kiristo Yëësu.

Abhaëfësö 3:10

Yaakörrë igho, okore okohetera mo-kanisa ko bhoono igho, obhongʼaini ubhwa Waryobha ubhwa seteemo nsharu, bhomanywe na abhatöngi na abha ubhwera bhano bhakotonga ahasë hano hatakomaahwa.

Abhaëfësö 6:12

Nkobhatëëbhya ndë igho ko bhoora igha, riihë reno tukwitana, ti-irya kinyabhantö hë, kasi nkwitana törë riihë na ëbhëntö bheno bhetakomaahwa, ibhya ubhwera na obhotoro. Nkwitana törë riihë na abhanene abha amangʼana amaghogho, bhano bhakotonga ekebhara keno. Nkwitana törë riihë na amasambwa ghonswe igho ghano ghakokora amangʼana amaghogho, na amatöngi agha ahasë hano hatakomaahwa.

Abhafiripi 2:11

Na kera ömöntö aikërri igha, Yëësu Kiristo we Omonene, ko okokora igho, Waryobha Taata atöönibhwinga.

Abhaëbhuraania 8:5

Amangʼana ghano abhasëngëri bhakokora, ni-kiiriiri ikya ghano gharëngë mu-ryobha iyö. Nkyo kekoghera hano Mosa yaangʼatirë okohaghaasha righutu, Waryobha akamötëëbhya igha, “Wangarre, okore amangʼana ghonswe igho kya bhono wörökiibhwi mu-nguku haara.”

Abhaëbhuraania 9:23

Ëbhëntö bhiyö ibhya ko-kebhara kono ni-igho bhyaasaabhuurwanga, nabhyo ni ituubho iya amangʼana agha mu-ryobha. Kasi ëbhëntö ibhya mu-ryobha bhiyö, bheratuna ikimwenso ikiiya okokera amaanyinga agha situgho.

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.