Abhaëfësö 1:23 - Imuuma Eehya

²³ Ekanisa n-kya ömöbhërë ughwa Kiristo, netahatëëyë öbhömënyi ubhwa Yëësu Kiristo. Yëësu Kiristo uyö, we omohekerano ughwa öbhöhöru ubhwa ëbhëntö bhyonswe igho.

Abhaëfësö 1:23 ပူးပေါင်းရင်းမြစ်များ

Yohana 1:16

Ko okorengʼaana na obhohekeranu ubhwaye, abhantö bhonswe igho twaanyoora örööbhö, kö rööbhö urwöndë.

Abharuumi 13:5

Ku bhuyö abhantö ni-igha bhasookenga abhatangati. Motakaabhasooka ko okoghera iya okorerra ukwa Waryobha, kasi mobhasookenga ko bhoora bhëënyu mmomanyirë bhuuya mo-maitegherro aghëënyu igha, bhuyö mbo Waryobha akutuna mokore.

1 Abhakörintö 12:6

Kora emeremo ghyonswe ngeeho ighya seteemo nsharu, kasi Waryobha nö-ömwë uyöuyö, we akokora emeremo ghyonswe igho mo-bhantö bhonswe igho.

1 Abhakörintö 15:28

Mbe, hano ëbhëntö bhyonswe igho bheretasherwa hansë, ho na Omoona wonswe ariihoota ku ubhwera ubhwa Waryobha ono yaaghërrë akatashera hansë ëbhëntö bhyonswe igho, okore Waryobha abhe ömötöngi uwa bhyonswe igho.

Abhaëfësö 2:16

Yëësu Kiristo yaatoora hamwë amakomo abhërë ghayö, ghakabha rikomo imwë ko okohanekwa ukwaye ko-mosarabha. Akaghaighwerrania ghonswe igho abhërë ku-Waryobha, akasikya ubhubhisa bhono bhwaare-ho ko-Bhayahudi na Abhakyaro.

Abhaëfësö 3:10

Yaakörrë igho, okore okohetera mo-kanisa ko bhoono igho, obhongʼaini ubhwa Waryobha ubhwa seteemo nsharu, bhomanywe na abhatöngi na abha ubhwera bhano bhakotonga ahasë hano hatakomaahwa.

Abhaëfësö 3:19

Nkosabha ndë igha, momanye righonshe iryaye riyö rekokera obhotoro ubhwa okomanya ukwa ömöntö. Nkosaasaama ndë igha, Waryobha abhahaane na abhaishöri bhököngʼu eteemo iyaaye.

Abhaëfësö 4:10

Ku bhuyö, Yëësu ono yaaishirë ko-kebhara kono, we uyöuyö ono yaainyökirë ukughya ighörö iyö, okoheteera amasaarö. Yaakörrë igho, okore abhenga ahasë honswe igho.

Abhaëfësö 4:12

Yaakörrë igho, okore abhantö bhayö bhasëëmi abhantö abha Waryobha, bhakorrenga Waryobha emeremo. Ghwiki ikyëndë ni-igha, Abhakiristo bhanaghe. Abhakiristo bhayö, mbo bhakobherekerwa igha, ömöbhërë ughwa Kiristo.

Abhaëfësö 4:13

Engʼana iyö, neraaghëndërri igho, okohekera hano bhëëtö bhonswe igho, torebha abhamwë ku umukumo ughwëtö, na okomanya Omoona uwa Waryobha. Ntorebha abhakumya bhano bhaahera ku umukumo ughwëtö. Ghwiki ntoraabhe abhantö abha heene kya Kiristo ono arëngë uwa heene.

Abhaëfësö 4:4

Bhëëtö Abhakiristo n-kya bhono ömöbhërë ughwa ömöntö ghörë, ntoona Umwika Ömöhörëëru ooraoora, na ubhweseghe m-mboorabhoora toonabho bhono Waryobha yaatoraghaini hano yaatöbhërëkëëyë.

Abhakorosaai 1:24

Bhoono nkushomerwa ndë ku-nyaanyi eno nkunyoora kö-möbhërë ughwane ko okoghera iya bhëënyu, ko bhoora nkosanga inyaanyi iya Yëësu Kiristo eno ëköghëndërrya ko okoghera iya ömöbhërë ughwaye, ömöbhërë ghuyö ngo ekanisa.

Abhakorosaai 2:19

Abhantö bhayö, bhaiyahora ukurwa ku-Kiristo ono arëngë omotwe ughwa ömöbhërë. Ukurwa ku-uyö ömöbhërë ghonswe igho nkoraaghëribhwa ghörë, kora ghoroobhanibhwa na imyaho na imiki, ghukiina bhuuya kya bhono Waryobha akutuna.

Abhakorosaai 3:11

Ku bhuyö tekobha bhöndë ku-Muyahudi na kö ömöntö ono atarë Umuyahudi, abhasaarwa handë abhatasaarwa, ömöghëni handë umusheema, omoghorwa handë ömötöönööni. Kasi Kiristo we akomara amangʼana ghonswe igho, ghwiki mo-senkoro isya bhonswe igho arë.

Abhakorosaai 3:15

Omorembe ughwa Kiristo ghobhaahe senkoro isyënyu, ko bhoora bhëënyu bhano mörëngë imyaho ighya ömöbhërë, mwabherekerwa igha mobhe na omorembe. Mobhe abhakumya Waryobha.