Abhaëfësö 1:18 - Imuuma Eehya

¹⁸ Ghwiki nkobhasabhera ndë igha, abhatöörri momanye obhoheene, okore momanye ubhweseghe bhono yaaraghaini kö-bhëënyu hano yaabhabhërëkëëyë. Momanye ubhwaru ubhwa obhongʼoore ubhwaye bhono yaaraghaini igha akaahaayë abhantö abhaaye.

Abhaëfësö 1:18 ပူးပေါင်းရင်းမြစ်များ

Mataayo 13:15

Ni-igho erebha ko bhoora bhaana emetwe ëmëköngʼu, amatwë aghaabho m-maribhu, mbahundirriyi, tebhakutuna okoramökya amaiso aghaabho hë, handë igha amatwë aghaabho ghaighwe, handë igha senkoro isyabho semanye, bhatakaanyisyörrya mbatööri.’”

Maariko 10:17

Hano Yëësu na abheegha abhaaye bhaatanoranga, ömöntö ömwë akaiha ikibhuusë akaasha, akatema hansë ibhiru mbere iya Yëësu. Akamöbhöörya igha, “Umwëghya uwa heene, iyakë nkaakora, okore ndiisha okorya umwandö ughwa öbhöhöru ubhwa amakora ghonswe igho?”

Ruuka 24:45

Bhoono akabharemora, bhakamanya Amaandeko Amahörëëru ghano yaandëkëëywë.

Amangʼana agha Abhatomwa 16:14

Mo-bhantö bhano bhaatwitegherranga, yaare-mo omokari uwöndë uwa umughi ughwa Tiyatira, ono yaabherekerwanga igha Ridia. Ridia m-möhönia yaarë uwa singibho sinshiiya isya erangë këësërö, omokari uyö, yaasookanga Waryobha. Omonene Yëësu akaghoota enkoro iya Ridia, enkaagha eno yaaitegherranga amangʼana ghano Pauro yaaghambanga. Akakumya amangʼana ghayö, akabhatiisibhwa.

Amangʼana agha Abhatomwa 26:18

Okore obharamöki bharwe mu-kisuntë, bhaghi ko-bhorabhu. Bharwe mo-mabhoko agha Oghosambwa, bhaghi ku-Waryobha. Hayö ho bhoono bhaabherwe ëbhëbhë ibhyabho, okohetera ku-mukumo ughwabho ku-öni. Bhabhe hamwë na abhantö abha Waryobha bhonswe igho bhano bhasaabhuurwa.’

Abharuumi 11:29

Ko bhoora Waryobha yaabhahööyë na okobhangʼoora, tabhaigharanshore hë.

Abharuumi 2:4

Waryobha n-wa heene bhököngʼu, nkukwabhera arë na ökököghömërrya bhököngʼu. Kasi uwe, nkwörökya örë igha, nkosera örë. Nyoore otakosera, n-kwakë otakomaaha öbhöntö ubhwa heene ubhwaye bhono akokora, ku bhuyö ohongore ëbhëbhë ibhyaho?

2 Abhakörintö 4:4

Amangʼana Amaiya teghakomanyekana ko-bhantö bhayö, ko bhoora Oghosambwa, oghokama ughwa ekebhara keno, ghoroghaini emetwe ighya abhantö bhano bhatakukumya. Nkyo kekoghera bhatakomaaha obhorabhu ubhwa Amangʼana Amaiya agha emerengaari ighya Yëësu Kiristo, uyö we ituubho iya Waryobha.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

Abhagharatia 5:5

Kasi bhëëtö, keno tukwitengʼera ni-igha, Waryobha naraatobhare igha m-ba heene törë, ko bhoora tukukumya Kiristo. Kiyö nkyo tokoghanya ko obhotoro ubhwa Umwika Ömöhörëëru.

Abhaëfësö 1:11

Ghwiki Waryobha yaatushaaghööyë bhëëtö Abhayahudi tobhe abhantö abhaaye, ko okotohaana öbhömwë na Yëësu Kiristo. Yaatushaaghööyë ko bhoora igha, iyö në-sëëmyö iyaaye yaarë ukurwa kare. Akakora ëbhëntö bhyonswe igho bhebhe kya bhono akutuna.

Abhaëfësö 1:7

Ko okohetera amaanyinga agha Kiristo Yëësu, Waryobha yatutungurya, igha, atwabhëëyë ëbhëbhë ibhyëtö okorengʼaana na ubhwaru ubhwa örööbhö urwaye.

Abhaëfësö 2:12

Muhiite igha enkaagha iyö, temwamanyirë Yëësu Kiristo hë. Temwagherrwanga hamwë na Abhaisiraëri, abhantö abha Waryobha. M-baghëni mwaarë ko-maraghanio agha imuuma ghano Waryobha yaaraghaini Abhaisiraëri. Temwaarë na ubhweseghe bhwobhwonswe bhoora hë, mwaamënyirë ko-kebhara kono kya abhantö bhano bhatamanyirë Waryobha.

Abhaëfësö 3:16

Nkobhasaasaamera ndë ku-Waryobha igha, ku ubhuhika ubhwaye ubhwaru bhono aanabho, Umwika Ömöhörëëru abhahaane singuru, mokongʼe mo-senkoro isyënyu,

Abhaëfësö 3:8

Öni m-möntö moke ndë ko-bhantö abhahörëëru bhonswe igho abha Waryobha, kasi naahaaywë örööbhö urwa amaabhë aghaaye, okore ndaarekere Abhakyaro ubhwamë ubhwa Yëësu Kiristo. Ubhwamë bhuyö, tebhoona ekerengere hë. N-këköngʼu okomanyërribhwa na abhantö.

Abhaëfësö 4:1

Mbe, öni m-mobhohe ndë ko bhoora nkokorra Omonene Yëësu emeremo. Ku bhuyö ndabhasaasaama igha, mokore amangʼana ghano ghakwikererrania na keera kyaaghërrë Waryobha akabhabherekera igha mobhe abhantö abhaaye.

Abhaëfësö 4:4

Bhëëtö Abhakiristo n-kya bhono ömöbhërë ughwa ömöntö ghörë, ntoona Umwika Ömöhörëëru ooraoora, na ubhweseghe m-mboorabhoora toonabho bhono Waryobha yaatoraghaini hano yaatöbhërëkëëyë.

Abhaëfësö 5:8

Nokaanyoora igha kare hayö mmu-kisuntë mwaarë, kasi bhoono igho mösöhirë mo-bhorabhu ko bhoora mobhaayë na öbhömwë na Omonene Yëësu Kiristo. Ku bhuyö mokore amangʼana kya abhantö bhano bharëngë mo-bhorabhu.

Abhafiripi 3:14

Nkwiköngʼërrya ndë nhike ku-muhiko, okore ntuhwe ituho iyaane. Ituho iyö, yo Waryobha akobherekerra abhantö mu-ryobha, ko okohetera ku-Kiristo Yëësu.

Abhakorosaai 1:12

na eno morakumya Taata Waryobha, ko bhoora abhakörrë mobhe abhasangi abha ikitweno ikya umwandö ughwa abhantö abhaaye, mo-Bhokama ubhwaye ubhwa emerengaari.

Abhakorosaai 1:23

Kasi ni-igha möghëndërri okobha na umukumo, mohangarre, mobhe na singuru, motakaikërrya ukutigha ubhweseghe bhono mwaanyoora mo-Mangʼana Amaiya ghano mwaaighwa. Amangʼana Amaiya ghayö, ghaaraarekwa ko-bhantö bhonswe igho abha ko-kebhara kono. Na öni Pauro naabha umutighinkani uwa Amangʼana Amaiya ghayö.

Abhakorosaai 1:27

Bhayö mbo Waryobha yaahanshirë igha abhahonyorre engʼana enene iyö iya ubhuhika eno yaakörrë ko okoghera iya Abhakyaro. Engʼana iya ikibhisirë iyö yo Kiristo ono arëngë mo-senkoro isyënyu, ghwiki we akobhahaana ubhweseghe igha moraasange ubhuhika ubhwa Waryobha.

Abhakorosaai 1:5

Umukumo na righonshe, bhiyö n-ko okoghera iya ubhweseghe ubhwa ituho eno Waryobha yaabhasëëmërya mu-ryobha. Mwaaighuurë amangʼana amaiya agha ubhweseghe bhuyö, enkaagha eno mwaaraarëkëëywë engʼana iya obhoheene iya Yëësu Kiristo. Engʼana iyö, yo Amangʼana Amaiya agha Yëësu Kiristo.

Abhakorosaai 2:2

Nkokora ndë igho, okore senkoro isyabho setereme, bhabhe ëkëntö ëkëmwë ku righonshe, bhanyoore obhongʼaini bhono bhoraaghere bhamanye bhuuya igha, Yëësu Kiristo we ësëëmyö iya Waryobha.

Abhakorosaai 3:15

Omorembe ughwa Kiristo ghobhaahe senkoro isyënyu, ko bhoora bhëënyu bhano mörëngë imyaho ighya ömöbhërë, mwabherekerwa igha mobhe na omorembe. Mobhe abhakumya Waryobha.

1 Abhatësarönikë 2:12

Ntwaabhatoghekanga mo-senkoro, torabhatërëmya na okobhakangʼasërrya, okore igha, mokore ghano Waryobha ahanshirë. Waryobha uyö, we akobhabherekera okore mosohe mo-Bhokama na mu-bhuhika ubhwaye.

1 Abhatësarönikë 5:8

Kasi ko bhoora bhëëtö m-bantö abha mo-bhorabhu törë, twirebherre. Tobhe na umukumo hamwë na righonshe, bhiyö bhebhe kya ingubha iya ökökëngërrya ibhikubha ibhyëtö. Ghwiki tweseghe Waryobha igha natötöörya, hayö ho toraabhe kya bhano tötöörrë sëngöfiira isya ikyoma ko-metwe.

2 Abhatësarönikë 1:11

Ku bhuyö nkobhasabhera törë sinsikö syonswe igho igha, Waryobha uwëëtö abhakore morengʼaane na keno yaabhabhërëkërra. Ghwiki nkobhasabhera törë igha, ko obhotoro ubhwaye, ahekerani amangʼana amaiya ghano mukutuna okokora, na okohekerania emeremo ighyënyu ghyonswe igho ighya umukumo.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

1 Timoteo 6:12

Amangʼana ngakakongʼa bhono bhonswe gharaakongʼe, kasi uwe, obhe na omotono ughwa okosoorana Waryobha, onaghi öbhöhöru ubhwa amakora ghonswe igho. Öbhöhöru bhuyö, yo engʼana eno waabherekerrwa, urusikö rono waaikërëëyi umukumo ughwaho ghono waarë nagho ku-Yëësu Kiristo, mbere iya abhaimërërri abhaaru bhaara.

Tiito 2:13

Tokorenga igho enkaagha tukwitengʼera urusikö urwa obhongʼoore. Urusikö roora Yëësu Kiristo arikyora, amaahekane ku-bhuhika ubhwaye. Uyö we Waryobha uwëëtö, Omonene uwëëtö, na m-Mötöörya uwëëtö.

Tiito 3:7

Ni-igho Waryobha yaakörrë, kora akatokora tobhe abhantö abha heene, kö örööbhö urwaye, okore toraaghere umwandö ughwa öbhöhöru ubhwa amakora ghonswe igho, kya bhono tukwitengʼera.

Abhaëbhuraania 10:32

Kasi muhiite sinsikö isya mbere seera, hano mwaasimiri ukukumya Yëësu Kiristo. Nokaanyoora mwaanyöörrë inyaanyi indito, kasi mwaaghëghömërryanga.

Abhaëbhuraania 6:4

Mbe, momanye igha, n-këköngʼu ukukyörya abhantö bhano waanyoora bhaahaanwa obhorabhu, kora bhakanyoora ituho iya mu-ryobha, bhakakorwa okobha abhamwë na Umwika Ömöhörëëru.

1 Peetero 1:3

Tukumi Waryobha, Suwaabho Omonene uwëëtö Yëësu Kiristo. Nkumukumya törë ko okoghera iya ubhwaru ubhwa ikyabhera ikyaye, keno kyaaghërrë akatwebhora bhohya, okohetera ku ukuryökya Yëësu Kiristo ukurwa mo-bhaku. Ku bhuyö, bhoono tunyöörrë ubhweseghe ubhwa öbhöhöru.

1 Peetero 3:9

Motakaahakanga ikisiiyomba ko abhantö, handë okotoka ömöntö ono akötökirë, kasi engʼana inshiiya ko-bhantö kya bhayö, no-kobhakorra ubhwa heene. Ghayö ngo mwaabherekerrwa igha mokore, okore mongʼoorwe.

1 Peetero 5:10

Waryobha uwa örööbhö rwonswe igho, yaabhabherekera, okore moghootane nawe ku-bhuhika ubhwaye ubhwa amakora ghonswe igho, ko bhoora ntoona öbhömwë na Yëësu Kiristo. Moraanyanke akabhagha akake igho, kasi we narebhatogheka, abhahaane singuru, na okobhaimererra.