Abhaëfësö 1:14 - Imuuma Eehya

¹⁴ Umwika Ömöhörëëru uyö, n-kya ekebhete ikya Waryobha kö-bhëëtö igha, Waryobha naretohaana ëbhëntö ibhyëndë bhyonswe igho, bheno yaaraghaini igha, aretohaana. Umwika Ömöhörëëru uyö, we ono Waryobha yaatoora-ho okohekera hano aritutungurya bhëëtö abhantö abhaaye. Ku bhuyö ni-igha tumukumi ku ubhuhika ubhwaye.

Abhaëfësö 1:14 ပူးပေါင်းရင်းမြစ်များ

Ruuka 21:28

Hano ghayö ghonswe igho gharisimya ukwebhoka, bhëënyu möghömërri na ukushomerwa. Ko bhoora enkaagha iya ukutunguribhwa ukwënyu, nurinyoora haangʼë ërë.”

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Amangʼana agha Abhatomwa 20:32

“Bhoono ndabhatoora ku-Waryobha, na ko engʼana iya örööbhö urwaye. Engʼana iyö, yo ekotora okobhatogheka ebhakore mobhe abhasangi abha umwandö hamwë na abhantö bhonswe igho bhano bhasaabhuurwa.

Abharuumi 8:23

Ti-igha në-bhëntö bhiyö ibhyene igho mbyo bhikukuura hë. Kasi kora na bhëëtö bhonswe, bhano twaahaanwa Umwika Ömöhörëëru, okore tuwonshi ubhuuya bhono torehaanwa, nkukuura törë mo-senkoro isyëtö. Waryobha we tokoghanya, atohaane ubhwera bhwonswe igho ubhwa okobha abhaana abhaaye. Keno nkoghamba ni-igha, atutunguri, ëmëbhërë ighyëtö ghebhe emehya.

1 Abhakörintö 1:30

Waryobha we abhaghootaini hamwë na Kiristo Yëësu. Uyö, we Waryobha yaamokora abhe obhongʼaini kö-bhëëtö, bhono bhukurwa ku-Waryobha, obhoheene, esaabhuuro na ubhutungurya ubhwa ëbhëbhë ibhyëtö.

2 Abhakörintö 1:22

Waryobha, we yaatomaameka umuhuri ughwaye, kora akatohaana Umwika Ömöhörëëru mo-senkoro isyëtö, abhe ekebhete ikya ghonswe igho ghano aretohaana.

2 Abhakörintö 5:5

Waryobha we yaatösëëmya ko okoghera iya amangʼana ghayöghayö, kora we yaatohaana Umwika uwaaye, okore abhe ekebhete ikya ukwörökya igha, keno yaaraghania, nkerebha.

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

Abhaëfësö 1:11

Ghwiki Waryobha yaatushaaghööyë bhëëtö Abhayahudi tobhe abhantö abhaaye, ko okotohaana öbhömwë na Yëësu Kiristo. Yaatushaaghööyë ko bhoora igha, iyö në-sëëmyö iyaaye yaarë ukurwa kare. Akakora ëbhëntö bhyonswe igho bhebhe kya bhono akutuna.

Abhaëfësö 1:12

Akakora igho okore bhëëtö Abhayahudi bhano törëngë abha mbere ukwesegha Yëësu Kiristo, tukumi Waryobha na ökömötöönia.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

1 Peetero 2:9

Kasi bhëënyu no-roghanda urwahorwa mörë, abhasëngëri abha Obhokama, rikomo irya abhahörëëru, abhantö abha Waryobha umwene, okore moraarekenga amangʼana amarito agha Waryobha. We yaabhabhërëkëëyë murwe mu-kisuntë, mosohe mo-bhorabhu ubhwaye obhonene bhono bhököröghöörya.