Abhaëfësö 1:13 - Imuuma Eehya

¹³ Hano na bhëënyu bhonswe mwaaighuurë engʼana iya obhoheene iya Amangʼana Amaiya agha bhono Waryobha akobhahönia, mokaikërrya. Waryobha akabhatoorra-ko umuhuri ughwaye. Eharama iyö, nu-Mwika Ömöhörëëru ono Waryobha yaabhahaana kya bhoora yaaraghaini igha, nakaabhahaayë. Yaakörrë igho, ukwörökya igha, bhëënyu bhonswe m-bantö abhaaye mörë.

Abhaëfësö 1:13 ပူးပေါင်းရင်းမြစ်များ

Ruuka 11:13

Nokaanyoora igha bhëënyu abhantö m-baghogho mörë, kasi momanyirë okohaana abhaana abhëënyu ëbhëntö ibhiiya. Mbe, Taata uwa mu-ryobha, nu-uwa heene, nahanshirë bhököngʼu okohaana abhantö bhano bhakomosabha, Umwika Ömöhörëëru.”

Ruuka 24:49

“Taata yaamara okobharaghania, na bhoono nendaabhareetere ekeraghanio ikyaye. Kasi mwikare Yërusarëëmu mono, okohekera hano murinyoora obhotoro ubhwa Umwika Ömöhörëëru ukurwa mu-ryobha ono Taata yaaraghaini.”

Yohana 1:17

Ko bhoora Waryobha yaarëëtirë amaraghërryö aghaaye ko okohetera Mosa, bhoono arëëtirë örööbhö na obhoheene ubhwaye ko okohetera ku-Yëësu Kiristo.

Yohana 14:26

Kasi Ömötöörrya uyö, Umwika Ömöhörëëru uyö, ono Taata araatome kö-bhëënyu okohetera ku iriina iryane, naraabhëëghi ghonswe igho, kora abhahiitöki ghonswe igho ghano naabhatëëbhëri.

Yohana 15:26

“Nentoma Ömötöörrya kö-bhëënyu, Ömötöörrya uyö we Umwika Ömöhörëëru ono akohonyorra abhantö bhonswe igho obhoheene. Nko-Taata akurwa, hano arihika, narimererra obhoheene ubhwa amangʼana aghaane.

Yohana 3:33

Ömöntö ono akwikërrya amangʼana agha Yëësu, nkwörökya arë igha, ghano Waryobha akoghamba na-agha obhoheene.

Yohana 6:27

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Amangʼana agha Abhatomwa 1:4

Urusikö urwöndë Yëësu yaaryanga na abhatomwa abhaaye, akabhatëëbhya igha, “Motakaarwa Yërusarëëmu hano. Kasi moghanyere-ho okohekera hano morehaanwa Umwika Ömöhörëëru ono Taata yaaraghaini, kya bhoora naabhatëëbhëri.

Amangʼana agha Abhatomwa 13:26

“Abhahiiri abhaane, abheebhorwa Ibhurahimu na bhëënyu Abhakyaro bhano mokosooka Waryobha, engʼana eno iya ököhönia nkö-bhëëtö yaarëëtirwë!

Amangʼana agha Abhatomwa 2:33

Waryobha amuriiniri, amökörrë omonene, kora amötöörrë bhoryo ubhwaye. Na Taata Waryobha, akörrë kya bhoora yaaraghaini igha, akaahaayë Yëësu Umwika Ömöhörëëru ko okoghera iya bhëëtö. Ku bhuyö Yëësu atöhömërrëëyë Umwika Ömöhörëëru. Kiyö bhoono nkyo bhëënyu mukwighwa, na ukwimaahera bhëënyu abheene.

Abharuumi 1:16

Amangʼana Amaiya ghayö, ngo obhotoro ubhwa Waryobha bhono bhököhönia abhantö bhonswe igho, bhano bhakukumya Yëësu. Nkusimirya bhörë ko-Bhayahudi, bhughya igho bhohekeera abhantö bhano bhatarë Abhayahudi. Ku bhuyö öni tenkosooka okoraareka Amangʼana Amaiya ghayö hë.

Abharuumi 4:11

Okosaarwa ukwaye, nkwo kwaarë ekemanyërryö igha, Waryobha yaamobharrë igha wa heene, ko okoghera iya umukumo ughwaye ughwene igho, ghono yaarë nagho kora ataraasaarwa. Ku bhuyö Ibhurahimu akakorwa abhe suwaabho abhakumya, nokaanyoora tuwaanyöörrë araasaarwa hë, okore kora na abhatasaarwa bhonswe bhakorwe igha m-ba heene.

Abharuumi 6:17

Bhëënyu ni-igho mwaarë kare, ko bhoora m-baghorwa abha ëbhëbhë mwaarë. Bhoono öni nkukumya ndë Waryobha, ko bhoora mwikërëëyi amëëghyö agha Kiristo ghano mwëghibhwa, kora nkoghasoorana mörë bhwaheene.

2 Abhakörintö 1:22

Waryobha, we yaatomaameka umuhuri ughwaye, kora akatohaana Umwika Ömöhörëëru mo-senkoro isyëtö, abhe ekebhete ikya ghonswe igho ghano aretohaana.

2 Abhakörintö 6:7

na ko okoraareka engʼana iya obhoheene. Nkokora törë amangʼana ghayö, ko obhotoro ubhwa Waryobha, ko okohetera ku-bhyöghë ibhyëtö ibhya obhoheene, ibhya okorekera na ibhya ukwikengerrya.

Abhagharatia 3:14

Yaatutungurya okore obhongʼoore bhono Ibhurahimu yaahaaywë, bhohekeere Abhakyaro okohetera ku-Kiristo Yëësu. Mbe, bhoono bhëëtö bhonswe igho nkotora törë kunyoora Umwika Ömöhörëëru, ono Waryobha yaaraghaini okotohaana ko enshera iya ukukumya Kiristo.

Abhaëfësö 4:21

Keno mwaaighwa ko amangʼana agha Yëësu, na keno abhëëghya abhëënyu bhaabhëëghya, m-maheene igha bhuyö no-bhoheene ubhwa ukurwa ku-Yëësu Kiristo, ubhwa amangʼana aghaaye kya igho gharë.

Abhaëfësö 4:30

Motakaaghera Umwika Ömöhörëëru abhaabhayere, ko bhoora Umwika Ömöhörëëru uyö, we umuhuri ghono Waryobha yaabhatoorra-ko ukwörökya igha m-bantö abhaaye mörë. Uyö we ekemanyërryö igha, rooho urusikö rono Waryobha arebhatungurya këmwë.

1 Abhatësarönikë 2:13

Bhëëtö tetokorosa ukukumya Waryobha hë, ko bhoora hano mwaaighuurë engʼana iyaaye eno twaabharaarëkëëyë, temwaghëghöötirë okanya igha nkö-möntö iruurë hë. Kasi mwaaghëghöötirë igha, ni-iya Waryobha, na maheene ni-igho ërë. Engʼana iyö, nkokora ërë emeremo mo-senkoro isyënyu, bhëënyu bhano mukukumya.

2 Timoteo 2:15

Okore omotono ughwa ukwëghya engʼana iya obhoheene, kya bhono ikutunwa na Waryobha igha yëghiibhwi. Hayö ho oraabhe ömököri uwa emeremo ono atakosookera emeremo ighyaye. Ghayö ngo Waryobha akutuna.

2 Timoteo 2:19

Kasi abhantö bhano bhanaghirë, bho n-kya umusingi umuuya ghono Waryobha yaakora. Ku-musingi kuyö, amangʼana ghandëkirwë igha, “Omonene Waryobha namanyirë abhantö abhaaye,” ghwiki igha, “Ömöntö wowonswe ono akwibherekera igha nu-uwa Omonene Waryobha, ni-igha atighe obhoghogho.”

2 Timoteo 3:15

Wamanya Amaandeko Amahörëëru ökërëngë moke. Amaandeko ghayö, nkokohaana gharë obhongʼaini bhono bhokoghera ömöntö ahönibhwa ku ukukumya Kiristo Yëësu.

Tiito 2:11

Wëëghinga abhantö amangʼana ghayö, ko bhoora, örööbhö urwa Waryobha rono rököhönia abhantö bhonswe igho, harabhu igho rörë.

Abhaëbhuraania 2:3

Mbe, bhëëtö bho hano toraasere öbhötöörya obhonene kya bhono, iyakë toraakore tohone? Öbhötöörya bhuyö, ekembere mbwaaraarëkirwë na Omonene Yëësu, ghwiki bhokakangʼasërribhwa kö-bhëëtö na bhano bhaamwighuurë.

Yaakobho 1:18

Kya bhono we umwene yaatunanga, akatokora tobhe abhaana abhaaye, ko okohetera ko-ngʼana iyaaye iya obhoheene, okore tobhe abhatangi abhaaye, ku-bhyonswe igho bheno yaabhömbirë.

Yaakobho 1:21

Ku bhuyö mwibhashe amangʼana agha ubhunyanku, mohaatere amangʼana amaghogho ghano moonagho. Mwihoote kora mwikërri amangʼana amaiya ghano Waryobha yaatoora mo-senkoro isyënyu, ghayö ngo ghakotora okobhatöörya.

1 Peetero 2:10

Kare hayö, te-bhantö abha Waryobha mwaarë hë, kasi bhoono, m-bantö abhaaye mörë. Kora temwabherwanga na Waryobha hë, kasi bhoono, abhabhëëyë.

Okohonyora 7:2

Abhamaraika bhayö, bhaarenga bhahaaywë obhotoro ubhwa okosarya ikyaro na inyansha. Mbe, nkamaaha maraika uwöndë aratiira ighörö ukurwa röghörö, aghëghirë umuhuri ughwa Waryobha ömöhöru. Akakongera abhamaraika abhane bhaara