3 Yohana 1:6 - Imuuma Eehya

⁶ Mo-bhantö bhayö waatöörrya, mbo bhaatëëbhya ekanisa iya hano kya bhono ohanshirë bhököngʼu Abhakiristo bharikyaho. Bhoono keno nkökötëëbhya ni-igha, uwe ghëndërrya ökötöörrya abhantö kya bhayö, hano waanyoora bharatuna ukurwa kö-bhëënyu hayö bhaghi ahasë handë. Ko bhoora engʼana iya ökösërëënia iyö, nkushomera ërë Waryobha.

3 Yohana 1:6 ပူးပေါင်းရင်းမြစ်များ

1 Abhatësarönikë 2:12

Ntwaabhatoghekanga mo-senkoro, torabhatërëmya na okobhakangʼasërrya, okore igha, mokore ghano Waryobha ahanshirë. Waryobha uyö, we akobhabherekera okore mosohe mo-Bhokama na mu-bhuhika ubhwaye.

Tiito 3:13

Wiköngʼërri ökötöörrya umushaasha oora Zeena omomanyi uwa amaraghërryö. Apöörö wonswe ömötöörri. Obhahaane ëbhëntö bhyonswe igho, bheno bheraabhatöörri ko-roghendo urwabho. Bhatakaasuuhwa na kyokyonswe keno bhakutuna.

Amangʼana agha Abhatomwa 15:3

Ku bhuyö abhantö abha ekanisa iya Antiökia bhayö, bhakabhamanörya. Pauro bhaana bharikyaye, bhakahetera mu-bhyaro ibhya Föinikë na Samaaria, bhakabha bharatëëbhya abhakumya amangʼana ghayö, bhono Abhakyaro bhonswe bhaakumiri Yëësu. Abhakumya bharikyabho abha iyö, bhonswe engʼana iyö ekabhashomera bhököngʼu.

1 Peetero 2:20

Hano moraaghömërri inyaanyi eno mwingʼarëëyi, ko okoghera iya okokora amangʼana amaghogho, hayö tëmötëghëri Waryobha hë. Kasi hano moraaghömërri inyaanyi ko okoghera iya okokora amangʼana amaiya, hayö ho moraatëghëri Waryobha.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhafiripi 4:14

Nokaanyoora ni-igho ërë, kasi m-buuya mwaakörrë okosanga na öni inyanko eno naarenga nayo.

2 Abhakörintö 1:16

Naatunanga nhetere kö-bhëënyu hayö, enkaagha iya ukughya Makedonia, mmare nkyore kö-bhëënyu hayö, okore nnyoore omosorro kö-bhëënyu ughwa ukunhira Yudea.

Abharuumi 15:24

ku bhuyö nendebhataarra nikare na bhëënyu ribhagha ike igho, enkaagha eno ndeheta kö-bhëënyu hayö, ndaghya Hisipania. Ndabhasabha igha, muushe okonhaheenera ko amangʼana agha oroghendo ruyö, urwa ukughya Hisipania.

Amangʼana agha Abhatomwa 21:5

Hano sinsikö muhungatë syaahööyë, tokatanora. Abhakiristo bhonswe igho abha Tiiro hayö, abhashaasha na bhakaabho kora na abhaana abhaabho, bhakatoherekerra ukurwa mu-mughi muyö. Hano twaahikirë ko-morambo, tokatema hansë ibhiru, tokasaasaama Waryobha.

3 Yohana 1:12

Abhantö bhonswe igho, nkoghamba bharë igha, “Demetirio m-möntö uwa heene. Nkokora arë amangʼana kya bhono Waryobha akutuna.” Kora bhëëtö bhonswe nkoghamba törë igha, uyö m-möntö uwa heene. Kora uwe wonswe nomanyirë igha, ghayö tokoghamba m-maheene.

Amangʼana agha Abhatomwa 15:29

Motakaarya ibhyakorya bheno bhimwënsëywë ëbhëtöndö, handë ukunywa amaanyinga, motakaarya ibhibhuuse, na motakaakora obhosooraare. Hano muriharreke amangʼana ghayö, m-buuya moraanyoore mökörrë. Mbe, mutighare na omorembe.”