2 Yohana 1:6 - Imuuma Eehya

⁶ Okohanshana, nko okosooka imighiro ighya Waryobha. Mwaatëëbhibhwanga umughiro ughwa okohanshana nkaagha syonswe igho, kerenga haara mwaasimiiyi ukukumya Yëësu Kiristo.

2 Yohana 1:6 ပူးပေါင်းရင်းမြစ်များ

Yohana 14:15

“Hano moraanhanshe, moraaghoote imighiro ighyane.

Yohana 14:21

Ömöntö ono amanyirë na okoghoota imighiro ighyane, uyö we anhanshirë. Ömöntö ono anhanshirë, Taata naraamohanshe. Na öni nendaamohanshe na ukwihonyora ko-we.”

Yohana 14:23

Yëësu akamohonshora igha, “Ömöntö wowonswe ono araanhanshe, naraaghoote amangʼana aghaane, ömöntö uyö naraahanshwe na Taata. Na bhëëtö bhonswe igho öni na Taata, ntoraashe tomenye hamwë nawe.

Yohana 15:10

Hano moraaghoote imighiro ighyane, moraaikare mu-righonshe iryane. N-kya hano öni naaghöötirë imighiro ighya Taata, nkaikara mu-righonshe iryaye.

Yohana 15:14

Nyoore mokora ghano nkobharaghërrya, momanye igha bhoono hayö, mobhaayë bhasaani abhaane.

1 Yohana 2:24

Bhoono, möghëndërri okonaghya mo-senkoro isyënyu amangʼana ghaara mwëëghibhwa ukurwa hano mwaasimiri ukukumya Yëësu Kiristo. Hano moraaghëndërri okoghoota amëëghyö ghayö, ho moraabhe na öbhömwë na Omoona uwa Waryobha, na Taata Waryobha.

1 Yohana 2:5

Kasi ömöntö ono akosooka engʼana iya Waryobha, uyö we aishööyë righonshe irya Waryobha. Ni-igho tokomanya igha ntoona öbhömwë na Waryobha.

1 Yohana 2:7

Abhaghonshe abhaane, umughiro ghono nkobhandekera te-mohya hë, kasi nu-ghwa kare ghooraghoora, ghono mwaarenga momanyirë ukurwa hano mwaasimiri ukukumya Yëësu Kiristo. Umughiro ughwa kare ghuyö, ngo engʼana iya okohanshana eno mwaighwa.

1 Yohana 5:15

Mbe, ntomanyirë igha, nkutwitegherra arë, hano twamosabha kyokyonswe igho, kiyö nkyo kekoghera torabha na obhoheene igha naraatohaane ghano tokomosabha.

1 Yohana 5:3

Ko bhoora hano ömöntö yahansha Waryobha, nkoghoota arë imighiro ighyaye. Kora imighiro ighyaye të-mëköngʼu ighya okoghoota hë.

2 Yohana 1:5

Bhoono ore musubhaati omoghonshe, ndakosabha omanye igha, bhëëtö Abhakiristo, ni-igha tohanshane. Umughiro ghuyö te-mohya hë, kasi n-gooraghoora ughwa kare, ghono twaarenga tomanyirë ukurwa hano twaasimiri ukukumya Yëësu Kiristo.