2 Yohana 1:5 - Imuuma Eehya

⁵ Bhoono ore musubhaati omoghonshe, ndakosabha omanye igha, bhëëtö Abhakiristo, ni-igha tohanshane. Umughiro ghuyö te-mohya hë, kasi n-gooraghoora ughwa kare, ghono twaarenga tomanyirë ukurwa hano twaasimiri ukukumya Yëësu Kiristo.

2 Yohana 1:5 ပူးပေါင်းရင်းမြစ်များ

Yohana 15:12

“Umughiro ughwane ghono nkobharaghërrya, n-goono hano igha, mohanshane, kya bhono öni mbahanshirë.

Yohana 15:17

Mbe, nkobharaghërrya ndë igha, mohanshanenga.”

Abhagharatia 5:22

Kasi hano oraanyoore igha Umwika Ömöhörëëru we akototangata, ntoraabhe na ehagho iya Umwika Ömöhörëëru. Ehagho iyö ni-iya righonshe, ukushomerwa, omorembe, ököghömërrya, öbhöntö ubhwa heene, öbhösërëënia, obhoheene,

Abhaëfësö 5:2

Mohanshe abhantö abhandë, kya bhono Yëësu Kiristo yaatohanshirë akatukwera, akabha esadaaka na ikimwenso ikyëtö ikya ukurumbaasa bhuuya ku-Waryobha.

1 Abhatësarönikë 4:9

Bhoono, tërëngë igha tobhandekere amangʼana agha okohanshana, ko bhoora bhëënyu abheene mwëghibhwa na Waryobha kya bhono ikutunwa mohanshane.

Abhaëbhuraania 13:1

Möghëndërri okohanshana kya bhono ikutunwa ko abhakumya.

1 Peetero 4:8

Engʼana enene okokera ghonswe igho, ni-igha mohanshane bhököngʼu, hano moraahanshane, moraabherane bhököngʼu obhosarya ubhwënyu bhono mokokorrana.

2 Peetero 1:7

Okosooka Waryobha kuyö kwëngëribhwi-ko righonshe irya okohanshana bhëënyu abheene ko abheene, okohanshana kuyö, kwëngëribhwi-ko na righonshe irya okohansha abhantö bhonswe igho.

1 Yohana 3:11

Ukurwa hano mwaasimiri ukukumya Yëësu Kiristo, mwaaighuurë engʼana eno igha, Abhakiristo ni-igha tohanshane.

1 Yohana 3:23

Umughiro ughwaye ngo ghono igha, totakanga ukukumya Yëësu Kiristo, Omoona uwaaye, kora tohanshane kya bhoora yaatoraghërrëëyi.

1 Yohana 4:20

Hano ömöntö wowonswe igho araaghambe igha nahanshirë Waryobha, na ambe narëghirë umukumya murikyaye, uyö m-morongo. Keno kekoghera toramanya igha m-morongo, n-ko bhoora atahanshirë umukumya murikyaye ono akomaaha, kasi araghamba igha, nahanshirë Waryobha ono ataakarööshë.

2 Yohana 1:1

Öni omoghaaka uwa ekanisa, nu-uwe umusubhaati nkwandekera ritashandighi reno, hamwë na abhaana abhaaho. Uwe musubhaati, waahorwa na Waryobha hamwë na abhaana abhaaho. Uwe hamwë na abhaana abhaaho, ko bhoheene nembahanshirë. Tö-öni umwene igho mbahanshirë hë, kasi kora abhandë bhonswe igho bhano bhamanyirë obhoheene, mbabhahanshirë.