2 Yohana 1:12 - Imuuma Eehya

¹² Neena amangʼana amaaru ghano naakutuna igha mbatëëbhi, kasi tinkutuna igha ngandeke ku-ritashandighi kono. Ko bhoora nkwitengʼera ndë igha, nendaashe kobhataarra. Hayö bhoono ho turishumaasha hamwë, kora nturishomerwa bhonswe igho.

2 Yohana 1:12 ပူးပေါင်းရင်းမြစ်များ

Yohana 15:11

“Mbatëëbhëri amangʼana ghayö, okore mushomerwe kya bhono öni nkushomerwa, kora ukushomerwa ukwënyu kohekerane.

Yohana 16:12

“Amangʼana m-maaru nkenagho agha okobhatëëbhya, kasi temotore okoghamanya ko bhoono igho hë.

Yohana 16:24

Kasi nanyabhoono, temoraasabha kyokyonswe igho ku-Waryobha okohetera ku iriina iryane. Motasabha ku-Waryobha naraabhahaane, okore ukushomerwa ukwënyu, kohekerane.

Yohana 17:13

Bhoono Taata nku-uwe nkuusha, na amangʼana ghano, nkoghaghamba ndë ko-kebhara kono, okore ukushomerwa ukwane kobhe mo-senkoro isyabho.

Yohana 3:29

Umwenga nu-uwa ömötëti. Kasi omosaani uwa ömötëti, ono akwimerra haangʼë na ömötëti, na ukwighwa bhono akoghamba, nkushomerwa arë bhököngʼu hano yaighwa engamba iya ömötëti. Ku bhuyö kono nko ukushomerwa ukwane, kono kwahekerana.

Abharuumi 15:24

ku bhuyö nendebhataarra nikare na bhëënyu ribhagha ike igho, enkaagha eno ndeheta kö-bhëënyu hayö, ndaghya Hisipania. Ndabhasabha igha, muushe okonhaheenera ko amangʼana agha oroghendo ruyö, urwa ukughya Hisipania.

2 Timoteo 1:4

Nkuhiita ndë bhoora waakuurrë amaisöri, roora twaatighaini. Nkwighomba ndë bhököngʼu igha, hano tokamaahana ghwiki, okore nshomerwe bhököngʼu.

Firimoni 1:22

Hamwë na ghayö, ndasabha önsëëmëri ahasë aha ukwikara, ko bhoora ko okohetera amasabhi aghëënyu, nkwesegha ndë igha Waryobha naraantöörri niishe kö-bhëënyu iyö.

Abhaëbhuraania 13:19

Ndabhasaasaama bhököngʼu igha, monsabhere ku-Waryobha, okore nangohe ukukyora kö-bhëënyu hayö.

Abhaëbhuraania 13:23

Nkutuna ndë momanye igha, Timoteo umukumya murikyëtö, yaahaaterwa ukurwa mo-kebhohe. Hano araangohe ukuusha hano, nendaashe nawe kö-bhëënyu iyö.

1 Yohana 1:4

Nkobhandekera törë ghano, okore bhëëtö bhonswe igho tushomerwe bhököngʼu.

3 Yohana 1:10

Ku bhuyö hano ndiisha iyö, nendehonyora harabhu igho amangʼana aghaaye ghano akokora. Keno akokora, no-kotoghamba bhoghogho ko amangʼana agha obhorongo agha akutushabhura. Te-ghayö agheene igho hë, kora takösërëënia abhakumya bharikyëtö bhano ukunyoora bharëngë ko-roghendo. Kora ghwiki nkokaania arë abhantö abha mo-kanisa bhano bhakutuna ökösërëënia abhakumya bharikyëtö bhayö. Abhakumya bhano bhakobhasërëënia, nkobharughya arë ukurwa mo-kanisa.