2 Timoteo 4:3 - Imuuma Eehya

³ Nkökötëëbhya ndë ghayö ko bhoora iriihika-ho enkaagha, eno abhantö bharyanga ukwitegherra amëëghyö agha obhoheene. Mbaritunanga ukwitegherra amangʼana ghano ghakobhashomera agheene igho, na ukwishaaghorra abhëëghya abhaaru abha ököbhëëghya ghano bhakutuna ukwitegherra.

2 Timoteo 4:3 ပူးပေါင်းရင်းမြစ်များ

Ruuka 20:19

Abhëëghya abha amaraghërryö agha Mosa, na abhanene abha abhasëngëri, bhakamanya igha, m-bo arëngëëyi ëkërëngyö kiyö igha, m-barëmi abhaghogho! Bhakarerra bhököngʼu, bhakatuna bhamoghootere-ho, kasi bhakoobhoha abhantö.

Ruuka 6:26

Haahö, bhëënyu hano abhantö bhonswe igho bharaabhakumi, ko bhoora ni-ighoigho na abhakörö abhaabho bhonswe, bhaakumyanga abharööti abha obhorongo.

Yohana 8:45

Kasi ko bhoora öni no-bhoheene nkobhatëëbhya, kiyö nkyo okoghera motakunkumya.

Amangʼana agha Abhatomwa 17:21

(Mbaaghambirë igho, ko bhoora Abhaatene, hamwë na abhaghëni abha ukurwa mu-bhyaro ibhyëndë bhano bhaamënyirë Atene hayö, bhaahanshirë ukwitegherra na ukushumaashera amangʼana amahya ghano ghakwebhoka.)

1 Abhakörintö 2:1

Abhakumya bharikyane, hano naaishirë kö-bhëënyu hayö, tenaabharaarëkëëyë imbumbure iya Waryobha, ko bhoghambi ubhwa amangʼana amaiya, handë kwa obhongʼaini.

1 Abhakörintö 2:4

Engʼana iyaane, na okoraareka ukwane, tibhyarenga ibhya obhongʼaini ubhwa ököngʼënërrya sehakëri isya abhantö hë, kasi n-ko ebhemanyërryö ibhya obhotoro ubhwa Umwika Ömöhörëëru.

Abhagharatia 4:16

Kasi, bhoono mbaayë umubhisa uwëënyu ko bhoora nkobhatëëbhya amangʼana agha obhoheene?

1 Timoteo 1:10

Amaraghërryö agha Mosa ghayö, ngaatöörrwë-ho ko okoghera iya abhasooraare, abhashaasha bhano bhakuturamya abhashaasha bharikyabho, bhano bhakoghonyera abhantö, bhabhaghoota, bhaghya kobhaghörya, abharongo, na bhano bhakutyanera amangʼana agha obhorongo. Amaraghërryö ngaatoorwa-ho ko okoghera iya amangʼana ghonswe igho ghano ghatakorengerrania na amëëghyö agha obhoheene.

2 Timoteo 1:13

Onaghi bhuuya amëëghyö agha obhoheene ghaara naakwëghëri. Öghëëghinga ko-bhantö, öghëndërri okobha na umukumo na righonshe bheno twaahaanwa ko okobha na öbhömwë na Kiristo Yëësu.

Yuuda 1:18

Bhaaghambirë igha, “Enkaagha iya sinsikö isya umuhiko, mbaryebhoka abhantö abha oronamba, na abhashabhuri.”