2 Timoteo 3:3 - Imuuma Eehya

³ Kora tebharehansha ömöntö wowonswe oora hë, tebharitunanga ukwighwerrana hë, mbarebha abhaghambi abha abhantö, tebharirebherranga hë, mbarebha abharörö, tebharehanshanga amangʼana amaiya hë.

2 Timoteo 3:3 ပူးပေါင်းရင်းမြစ်များ

Mataayo 10:21

“Ömöntö narinyeera inikö mura uwaabho okore aitwe, na umwibhöri uwa ikishaasha narinyeera inikö omoona uwaaye, na abhaana mbarinyeera inikö abhaibhöri abhaabho, na okobhaita.

Mataayo 4:1

Mbe, Umwika uwa Waryobha akatangata Yëësu ukughya ku-riköngö, okore ashaashwe na Oghosambwa.

Ruuka 10:16

Ho Yëësu yaamarrë akatëëbhya abheegha abhaaye igha, “Ömöntö wowonswe ono araabhaitegherre, noraanyoore nö-öni aitëghërrëëyë. Na ono araange okobhaitegherra, nkunyoora arë nö-öni angirë ukwitegherra. Na ömöntö ono akwanga ukunyitegherra, uyö nkunyoora arë yangirë Waryobha ono yaantoma.”

Ruuka 16:14

Hano Abhafarisaayo bhaaighuurë amangʼana ghayö, bhakamosera, ko bhoora bhaarenga bhahanshirë bhököngʼu seehera.

Yohana 6:70

Ho bhoono Yëësu yaabhatëëbhëri igha, “Tenaabhashaaghora bhëënyu ikömi na bhabhërë? Kasi ömwë mö-bhëënyu muyö, aamo uwa Oghosambwa.”

Abharuumi 1:29

M-baköri abha ëbhëbhë ibhya seteemo syonswe igho, obhoghogho bhwobhwonswe igho, kora m-bahiti abha ëbhëntö bhyonswe igho, mbaana orongʼeera. Bhahanshirë riihë, m-baiti abha abhantö, m-basëëghërrya, m-barongo, m-ba amaitegherro maghogho, m-baghambi abha abhantö.

Abharuumi 1:31

M-bakangi, nkwanga bharë amaraghano aghaabho, tebhaana righonshe, kora amaabhë ghoghonswe hë.

1 Abhakörintö 7:5

Ömöntö atakaima murikyaye ko amangʼana agha abhantö bhakörö ghaara, kasi n-hano oraanyoore mwikererraini kwa ibhagha ike igho, okore mobhe na umweya ughwa okosaasaama. Hano mokomara, mukyorrane, okore Oghosambwa ghotakaabhashaasha.

1 Abhakörintö 7:9

Kasi hano bharaakerwe ököghömërrya, bhatete, nyakara ömöntö otete, otakaasekaana oronamba urwa ömöbhërë.

1 Abhatësarönikë 4:8

Ömöntö wowonswe ono akwanga amëëghyö ghano, tigha nu-mwëghya uyö akwanga, kasi nkwanga arë Waryobha ono yaabhahaana Umwika Ömöhörëëru.

1 Timoteo 3:11

Bhakaabho bhonswe bhabhe na eteemo inshiiya, bhatakaabha abhaghambi abha abhantö, bhagheerenga ngʼora amangʼana, ghwiki ni-igha bhabhe abhantö abha heene ko amangʼana ghonswe igho.

Tiito 1:8

Kasi asërëëninga abhantö, abhe ömöntö ono ahanshirë amangʼana amaiya, abhe ömöntö ono akogheera ngʼora amangʼana, ömöntö uwa heene, ömöhörëëru, ono akwirebherra umwene.

Tiito 2:3

Abhakungu bhonswe bhakorenga kya igho, obhatëëbhi igha, bhabhe na eteemo eno ëkötöönia Waryobha. Bhatakaabha abhaghambi abha abhantö, bhatakaabha abharëëbhi, kasi bhatönibhwi ukwörökërrya abhantö eteemo inshiiya,

Yaakobho 2:6

Kasi bhëënyu, nkosera mörë bhököngʼu abhatöbhu! Kanaa, abhaamë bhayö, te-bho bhakobhabhandërryanga, kora bhabhahira ko abhaahokania abha ibhiina?

2 Peetero 2:14

Amaiso aghaabho, n-ga kesooraare. Oronamba urwabho oroghogho urwa okokora ëbhëbhë, teroona umuhiko hë. Nköngʼënërrya bharë bhanyamukumo mötëntëëru. Senkoro isyabho, bhaasenarya ukwighomba ëbhëntö. Abhantö bhayö bhaihiimwa!

2 Peetero 2:19

Nkoraghania bharë bhayö bhaakumya bhöngö ko okobhatëëbhya igha, mbaraanyoore öbhötöönööni, kasi bho abheene, m-baghorwa abha obhorangara, ko bhoora, ömöntö nkobha arë omoghorwa uwa ëkëntö kyokyonswe igho keno kekomobhaaha.

2 Peetero 3:3

Engʼana iya mbere ni-igha momanye igha, ku-sinsikö isya umuhiko, mbariisha abhantö abha inshabhura. Abhantö bhayö, no-ronamba urwabho urwene igho ndo rokobhanyankya. Mbarebhashabhura

Yuuda 1:16

Abhantö bhayö, nkwibhëmbëërya bharë na okotema abhantö abhandë amasoro, kasi no-ronamba urwabho urwene igho ndo rokobhanyankya. Nkoghamba bharë amangʼana amarito agha ukwihasha, na ukukumya bhököngʼu abhantö abha ibhyeo, okore bhanyoore ehoorohooro.

Yuuda 1:18

Bhaaghambirë igha, “Enkaagha iya sinsikö isya umuhiko, mbaryebhoka abhantö abha oronamba, na abhashabhuri.”

Okohonyora 13:15

Mbe, ughutyënyi ghuyö, ghokahaanwa obhotoro ubhwa okohootera umwika ughwa öbhöhöru mu-ritöndö irya ughutyënyi ughwa mbere ghoora. Ghwaakörrë igho, okore ritöndö riyö reghambe na okohamera igha, bhaitwe bhaara bhonswe igho bhaangirë okoghosengerra.

Okohonyora 13:17

Ku bhuyö ni-igha, ömöntö taaghore handë ököghörya kyokyonswe keera hë, hano ataana eharama iya iriina irya ughutyënyi handë risaabhu irya seherufi isya ughutyënyi ghoora.

Okohonyora 16:6

Ko bhoora igha, abhantö abhaghogho bhaaitirë abhantö abhaaho na abharööti abhaaho, uwe Waryobha obhashibhiri ko okobhahaana amaanyinga, bhanywe. Ubhushibhu bhuyö, mbobhaingʼarëëyë!”

Okohonyora 17:6

Nkamaaha omokari uyö, abhaaye kya ono aghöötirwë na amarwa, ko bhoora yaarenga anyööyë amaanyinga agha abhantö abha Waryobha, bhano bhaaitirwë ku ikibhuno ikya ukwimererra amangʼana agha Yëësu. Hano naamörööshë, nkaroghoora bhököngʼu!