2 Peetero 3:7 - Imuuma Eehya

⁷ Ghwiki ko okohetera engʼana iyöiyö, Waryobha yatigha-ho mu-ryobha na ekebhara, okore bhiishe okosambwa mo-morro. Yabhitigha-ho okore bheghanye urusikö rono arebhotorra ibhiina abhantö bhano bhatakumwighwera, hayö bhoono, ho bharisika.

2 Peetero 3:7 ပူးပေါင်းရင်းမြစ်များ

Mataayo 10:15

No-bhoheene nkobhatëëbhya igha, hano Waryobha arebhotorra abhantö bhonswe igho ibhiina ibhyabho, narishibhya bhököngʼu abhantö abha mu-mughi muyö okokera bhono arishibhya abhantö abha Sodoma na Ghomora.”

Mataayo 11:22

Kasi nkobhatëëbhya ndë igha, hano Waryobha arebhotorra abhantö ibhiina ibhyabho, narebhashibhya bhököngʼu okokera bhono arishibhya abhantö abha Tiiro na Siidööni.

Mataayo 11:24

Kasi nkobhatëëbhya ndë igha, hano Waryobha arebhotora ibhiina, bhëënyu narebhashibhya bhököngʼu okokera bhono arishibhya abhantö abha mu-mughi ughwa Sodoma.”

Mataayo 12:36

No-bhoheene nkobhatëëbhya igha, rono Waryobha arebhotorra abhantö ibhiina ibhyabho, abhantö mbariruusya amasaabhu agha amangʼana ghano bhaaghamba, ghano ghataana ubhwera.

Mataayo 24:35

Ekebhara na ighörö iyö, mbereheta, kasi amangʼana aghaane, ngarëghëndërrya okobha-ho igho kughya iyö.”

Mataayo 25:41

“Ho ndemara ntëëbhi bhaara urinyoora bharëngë bhömösi ubhwane igha, ‘Murwe hano, ko bhoora bhëënyu, mwaihiimwa na Waryobha. Moghende mo-morro ghotakurima amakora ghonswe igho, ahasë hano Waryobha yaasëëmëërya Oghosambwa na abhamaraika abha Oghosambwa ghuyö.

Maariko 6:11

Ghwiki, ahasë hohonswe igho hano bharaange kobhasërëënia handë okobhaitegherra, motanore ukurwa hayö. Hano mwatanora, mokongʼonte urutu urwa ko-maghörö aghëënyu, ko ököbhöörökya igha, Waryobha we bhangirë.”

Yohana 12:48

Ömöntö ono akuunyanga, ono atakwikërrya amangʼana aghaane, aana ono arebhotorrwa ikiina. Amangʼana ghayö ngambirë, ngo gharemobhotorra ikiina ku-rusikö urwa umuhiko.

Abharuumi 2:5

Hano okomaaha igha oona ekeghaaka, kora tukutuna igha ohongore ëbhëbhë ibhyaho hë, ku bhuyö nkwibheekera örë ubhushibhu, okohekera ku-rusikö roora Waryobha arebhotora ubhwa heene ibhiina ibhya abhantö.

1 Abhakörintö 3:13

Ubhuuya ubhwa omoremo ughwa kera ömöntö, mboremaahekana harabhu igho. Urusikö roora urwa okobhotora ikiina, emeremo ghyonswe igho ngeremaahekana harabhu igho, ko bhoora omoremo ughwa kera ömöntö, ngurishaashibhwa ko okohetera mo-morro ughwa okobhotorra ibhiina.

Abhafiripi 1:28

Kora motakoobhohanga abhabhisa bhëënyu, okokora igho, nkwo kukwörökya igha, bho nko-nshera iya ukusikibhwa bharë, kasi bhëënyu nko-nshera iya ökötööribhwa mörë. Ghayö ghonswe igho ne-meremo ighya Waryobha.

2 Abhatësarönikë 2:3

Motakaikërrya ömöntö wowonswe oora abhangʼaine ko-ngʼana yoyonswe eera, ko bhoora urusikö ruyö urwene teroraahika hë. Tangata sinsikö sihike isya abhantö abhaaru okoteeya bhököngʼu ku-Waryobha, na hano ömötëëyu omonene aremaahekana. Umuhiko ughwa ömötëëyu uyö, nu-kusikibhwa këmwë.

1 Timoteo 6:9

Kasi bhano bhakwighomba ukwameha, nkushaashibhwa bharë, bhaghöötibhwa ko-metegho na oronamba urwabho, urwa ekekangi. Oronamba ruyö, nkobhasarya rörë, kora robhasikya.

Abhaëbhuraania 12:29

Ko bhoora Waryobha uwëëtö, no-morro ghono ghukusikya.

2 Peetero 2:9

Ku bhuyö momanye igha, Omonene Waryobha namanyirë enshera iya ökötöörya abhantö abhaaye, bharwe mo-mashaashyo. Kora ghwiki namanyirë bhono arishibhya abhakora amaghogho, urusikö urwa okobhabhotorra ikiina.

2 Peetero 3:10

Urusikö urwa Omonene nduriisha igho kya umwibhi. Urusikö ruyö, ighörö iyö, harihëënia ukurwa-ho ku ikirumo ekenene. Ëbhëntö bheno bheemo, mberesambwa na omorro. Ekebhara kyonswe igho nkirisika hamwë na ëbhëntö bhyonswe igho bheno bheemo.

2 Peetero 3:12

Moghanyenga urusikö urwa Waryobha, kora morokore rwangohe ukuusha. Urusikö ruyö, ighörö iyö haresambwa na omorro hasike. Ëbhëntö bheno bheemo, mbiriyaaya ko okoghera iya rebherera rirörö bhököngʼu.

1 Yohana 4:17

Ni-igho righonshe rekohekerana mö-bhëëtö, okore tuushe okobha na obhokarë urusikö roora urwa okobhotorrwa ikiina. Ko bhoora öbhömënyi ubhwëtö ko-kebhara kono, mbutuubhaini kya bhoora Yëësu yaamënyirë ko-kebhara kono.

Yuuda 1:7

Ghwiki ni-igha muhiite ghano ghaanyöörrë abhantö abha imighi ighya Sodoma na Ghomora na imighi gheno ghyaaheegheraini naghyo. Amangʼana ghayö, n-kya agha abhamaraika bhayö. Abhantö bhayö, bhaakoranga obhosooraare na okoghoota amangʼana agha oronamba urwa ömöbhërë, rono rotatuubhaini kya bhono ëmëbhërë ighyabho ghyaabhömbirwë igha ghekore. Bhakashibhibhwa ku ukusikibhwa mo-morro ghotakurima amakora ghonswe igho. Ku bhuyö okobhotorrwa ikiina kuyö, kwabha ëkërëngyö ikya ukushibhibhwa.

Okohonyora 17:11

Ughutyënyi ghuyö ghwaarenga ghöhöru kasi ghokakwa, ngwo omokama uwa monaane. Omokama uwa monaane uyö mmo-bhakama muhungatë bhayö yaarë, kasi wonswe Waryobha narimusikya.

Okohonyora 17:8

Ughutyënyi ghuyö örööshë, ngö-höru ghwaarë, kasi bhoono ghwaakwa. Kora n-haangʼë ghörë ghurwe mu-bhwina ubhwa mu-kyaro ikya abhaku, kasi Waryobha naraaghusiki. Abhantö bhonswe igho abha ko-kebhara kono, bhano amariina aghaabho ghatandëkirwë mo-Ketabho ikya Öbhöhöru, hano waanyöörrë ekebhara ketaraabhombwa, mbareroghoora okomaaha ughutyënyi ghuyö, ko bhoora igha, ho ghwaarenga, ghokakwa, kasi ghwiki ngurikyora.”

Okohonyora 20:11

Mbe, nkamaaha Waryobha aikaayë ku-kitumbë ekenene ekerabhu ikya ekekama. Mu-ryobha na ekebhara, bhekamwihëënërya-ho, kora tibhyamaahekana ghwiki hë.

Okohonyora 21:1

Hano ghayö ghaahööyë, nkamaaha mu-ryobha ahahya na ekebhara ekehya, ko bhoora mu-ryobha aha mbere na ekebhara ikya mbere, bhyaarenga bhisikiibhwi, kora inyansha tiyaare-ho ghwiki hë.