2 Peetero 3:18 - Imuuma Eehya

¹⁸ Kasi möghëndërri okobha mö-rööbhö, mo-bhomanyi ubhwa okomanya Omonene uwëëtö, Ömötöörya uwëëtö Yëësu Kiristo. Atöönibhwi, bhoono igho, na amakora ghonswe igho! Amina.

2 Peetero 3:18 ပူးပေါင်းရင်းမြစ်များ

Mataayo 28:20

Möbhëëghi okoghoota ghonswe igho ghano naabharaghërrëëyi. Na öni, nendaabhenga hamwë na bhëënyu nkaagha syonswe igho, okohekera umuhiko ughwa ekebhara keno.”

Mataayo 6:13

Otakaatohatërrya mo-mashaashyo. Kasi ötötöörri, ko-mashaashyo agha Omoghogho oora, [ko bhoora obhokama, obhotoro na ubhuhika ni-bhyaho amakora ghonswe igho! Amina.]’”

Yohana 17:3

Öbhöhöru ubhwa amakora ghonswe igho, mbo bhono igha, abhantö bhakomanye uwe Waryobha uwa heene, uwe umwene igho, ghwiki bhammanye na öni Yëësu Kiristo, ono waantoma.

Yohana 5:23

Yaakörrë igho, okore abhantö bhonswe igho bhasooke Omoona kya bhono bhakosooka Taata. Ömöntö ono atakonsooka öni Omoona, uyö takosooka Taata ono yaantoma.

Abharuumi 11:36

Ko bhoora Waryobha we yaabhomba ëbhëntö bhyonswe igho, ëbhëntö bhyonswe nku-mwene bhikurwa, ëbhëntö bhyonswe igho höbhërë ko okoghera iya obhotoro ubhwaye. Ubhuhika nu-bhwaye amakora ghonswe igho. Amina.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

Abhaëfësö 1:17

Nkosaasaama ndë Waryobha uwa Omonene uwëëtö Yëësu Kiristo, we Taata uwëëtö uwa ubhuhika obhonene, igha abhahaane obhongʼaini ubhwa mu-ryobha, na aihonyore kö-bhëënyu, okore momomanyërri bhuuya.

Abhaëfësö 4:15

Kasi ikya okokora no-koteebhania obhoheene ubhwa Waryobha ku righonshe. Tobhe abhantö abhakörö ko amangʼana ghonswe igho. Tutuubhane na Kiristo ko bhoora Kiristo n-kya omotwe ko abhasoorani abhaaye.

Abhafiripi 3:8

Kora te-ghayö agheene igho hë, kasi nkomaaha ndë igha, kera ëkëntö tekeena ubhwera hë, hano nakerengʼania na ehoorohooro iya okomanya Kiristo Yëësu, Omonene uwaane. Ko bhoora naahaatera ghonswe igho ghayö, ko okoghera iyaaye. Nkoghamaaha ndë igha, ghayö n-kya amatokoore, okore mbe ömöntö uwa Kiristo.

Abhakorosaai 1:10

Amangʼana ghayö, ngo tokobhasabhera, okore mobhe na eteemo eno Omonene Yëësu akutuna igha abhantö abhaaye bhabhe nayo. Mbe, hayö ho moraamötëghëri, ko mangʼana amaiya ghonswe igho ghano mokokora, kora ho moraamanye Waryobha bhököngʼu.

Abhakorosaai 3:10

bhoono mwaghöötirë-ko eteemo eehya. Waryobha umwene yaabhömbirë eteemo eehya iyö, kora nköghëndërrya arë kobhakora mutuubhane nawe bhököngʼu, okore momomanye bhuuya.

2 Abhatësarönikë 1:3

Abhakumya bharikyëtö, ni-igha tukumi Waryobha senkaagha syonswe igho, ko okoghera iya bhëënyu, ko bhoora umukumo ughwënyu nkoneneha ghörë bhököngʼu, ghwiki okohanshana ukwënyu, nköghëndërrya körë okoneneha.

2 Timoteo 4:18

Nemanyirë igha Omonene Yëësu, naraaghëndërri ököntöörya ko-maghogho ghonswe igho na okondenda, okohekera ko-Bhokama ubhwaye ubhwa mu-ryobha. Omonene Yëësu atöönibhwi amakora na amakora! Amina.

1 Peetero 2:2

Bhoono momarrë okomanya igha Omonene Yëësu Kiristo, n-wa heene. Mbe, mwighombenga amabheere amaiya agha öbhöhörëëru, kya bhono ebhengʼerre bhikutuna amabheere agha bhanyakuwaabho, na bhëënyu bhonswe ighoigho, okore mobhe na singuru, monaghe kora mohone.

2 Peetero 1:11

Ku bhuyö mörësërëënibhwa bhököngʼu, mosohe mo-Bhokama ubhwa amakora ghonswe igho, ubhwa Omonene na Ömötöörya uwëëtö Yëësu Kiristo.

2 Peetero 1:2

Örööbhö na omorembe bhebhe hamwë na bhëënyu bhököngʼu, ko okohetera ko okomanya Waryobha bhaana Omonene uwëëtö Yëësu.

2 Peetero 1:3

Waryobha yaatohaana ghonswe igho ghano tukutuna, okohetera ko obhotoro ubhwaye, okore tobhe na öbhöhöru, kora tomosooke. Yaatohaana ghayö ko enshera iya okomomanya. Ghwiki atöbhërëkëëyë ko okoghera iya ubhuhika na öbhöntö ubhwa heene ubhwaye.

2 Peetero 1:8

Hano seteemo siyö seraaiyëngëri kö-bhëënyu, nsebhatöörrya, okore ko amangʼana agha okomanya Omonene uwëëtö Yëësu Kiristo, motakaabha kya ëmëtë gheno ghetakwama.

2 Peetero 2:20

Hano ömöntö yaibhasha ubhunyanku ubhwa ko-kebhara kono, ko okomanya amangʼana agha Omonene Ömötöörya uwëëtö Yëësu Kiristo, amare ghwiki aghöötiibhwi, akerwe ukurwa mu-bhunyanku, nkobha arë na eteemo engogho bhököngʼu, okokera eera yaarë nayo ekembere.

Yuuda 1:25

Waryobha we umwene igho Ömötöörya uwëëtö, okohetera ku-Yëësu Kiristo Omonene uwëëtö. Waryobha atöönibhwi! Naana obhonene, obhotoro, na ubhwera, ukurwa kare, bhoono igho, na amakora ghonswe igho. Amina.

Okohonyora 1:6

Atökörrë tobhe obhokama na abhasëngëri, okore tutighinkanere Waryobha. Waryobha uyö, n-Suwaabho. Ubhuhika na obhotoro, bhebhe ku-Yëësu amakora na amakora! Amina.