2 Peetero 3:17 - Imuuma Eehya

¹⁷ Bhoono abhaghonshe abhaane, momarrë okomanya amangʼana agha abhëëghya nyangasheka bhayö, ku bhuyö mwiraarerre, okore motakangʼainwa na obhongʼaini ubhwa abhasarya bhayö, bhobhakore moghwe kora mutighe obhoheene ubhwënyu ubhwa obhoheene.

2 Peetero 3:17 ပူးပေါင်းရင်းမြစ်များ

Mataayo 16:11

N-kwakë motakomanya igha, te-mekaate nkushumaashera hë? Mbe, keno nkoghamba ni-igha, mwiyangarre na ehamiira iya Abhafarisaayo na Abhasadukaayo.”

Mataayo 16:6

Yëësu akabhatëëbhya igha, “Mwiyangarre na ehamiira iya Abhafarisaayo na Abhasadukaayo.”

Mataayo 7:15

Yëësu akaghamba igha, “Mwiyangarre ko-mangʼana agha abharööti abha obhorongo. Nkuusha bharë kö-bhëënyu bhahaabhuhirë kya amangʼöndi. Kasi obhoheene ni-igha, mbanga sishuushë sëmbë.

Yohana 16:4

Mbatëëbhëri amangʼana ghayö, okore hano enkaagha iyö irihika, muhiite igha, naabhatëëbhëri. “Tenaabhatëëbhëri amangʼana ghayö ekembere, ko bhoora hamwë naarekobhanga na bhëënyu.

Amangʼana agha Abhatomwa 2:42

Abheegha abha Yëësu bhaanaghirë mö-mëëghyö agha abhatomwa abha Yëësu. Bhaasanganga hamwë omokaate, na okosaasaama Waryobha.

Abharuumi 16:18

Abhantö kya bhayö to-Monene uwëëtö Yëësu Kiristo bhakokorra emeremo hë, kasi keno bhakutuna no-kokorra senda isyabho isyene igho. Bhaana amangʼana amaiya agha ököngʼöröngʼööbhya, okore bhangʼaine abhakumya abhatëntëëru.

1 Abhakörintö 10:12

Ku bhuyö ono akokanya igha naimërëëyë, angarre atakaaghwa.

1 Abhakörintö 15:58

Mbe, bhoono abhakumya bharikyane abhaghonshe, ni-igha monaghe, motakaasingisa. Möghëndërri okokora emeremo ighya Omonene uwëëtö bhököngʼu nkaagha syonswe igho, ko bhoora momanyirë igha, emeremo ighyënyu gheno mokokorra Omonene, ti-ghya bhosa hë.

2 Abhakörintö 11:3

Kasi bhoono neena entarëki igha, kya bhono Hawa yaangʼainirwë na inshoka engʼaini eera, na bhëënyu bhonswe motakaangʼanwa, mutighe hayö okohansha Kiristo, kwa ubhwihöötu na kwa enkoro inshiiya.

Abhagharatia 5:4

Nyoore nkwitengʼera mörë okobharwa abha heene ko okohetera okoghoota amaraghërryö, hayö momanye igha, noraanyoore bhëënyu abheene momarrë ukutighana na Kiristo. Ghwiki kora noraanyoore n-kebhara mörë iya örööbhö urwa Waryobha.

Abhaëfësö 4:14

Kiyö nkyo keraaghere twange okobha kya abhaana abhake abha ukutuumibhwa tuumibhwa ahasë honswe igho na rikama irya amëëghyö agha obhorongo agha abhantö abhangʼaini, ko obhongʼaini ubhwabho.

Abhafiripi 3:2

Mwiyangarre na abhantö abhaghogho bhano bhakösöhya amaraghërryö agha Mosa mo-kanisa iyëëtö, ko bhoora bhakokangʼasërrya igha, abhantö bhano bhakutuna okobha Abhakiristo ni-igha bhasaarwe.

Abhakorosaai 2:5

Nokaanyoora tëndëngë hamwë na bhëënyu kinyamöbhërë, kasi enkoro iyaane hamwë ërë na bhëënyu. Nkushomerwa ndë ko bhoora mmanyirë igha, nköghëndërrya mörë okobha na öbhömwë, na umukumo ughwënyu ngotashirë sehaama ku-Kiristo.

Abhakorosaai 2:8

Mwangarre, ömöntö wowonswe igho atakaabhasirya ëkëkööri ko okohetera amëëghyö agha amangʼana agha kare ghaara, agha amasambwa ghano ghakotonga ekebhara keno. Amëëghyö ghayö, nkwitengʼera gharë seteemo isya abhantö na amasambwa ghano ghakotonga ekebhara keno, ta-mëëghyö agha Kiristo hë.

2 Timoteo 4:15

Na uwe wonswe, wiyangarre kö-möntö uyö, ko bhoora igha, yaarebherranga bhököngʼu amëëghyö aghëëtö.

Abhaëbhuraania 3:14

Ku bhuyö nkoghootana törë hamwë na Yëësu Kiristo, hano twesegha Waryobha kya bhono twaamukumiri, tokamwesegha, töghëndërri ighoigho na okohekera ku-muhiko.

1 Peetero 5:9

Mbe, mwange amangʼana agha Oghosambwa. Morebherre Oghosambwa ko okonaghya umukumo ughwënyu ku-Waryobha. Momanye igha, abhakumya bharikyënyu ahasë honswe igho ko-kebhara kono, nkunyankibhwa bharë kya bhëënyu.

2 Peetero 2:7

Waryobha akatöörya-mo Ruutu ono yaarë ömöntö uwa heene. Ruutu yaaighwanga bhoghogho, hano yaamaahanga seteemo sengogho isya abhasarya bhayö.

2 Peetero 3:1

Abhaghonshe abhaane, ritashandighi reno nkobhandekera, ni-irya kabhërë. Naakora omotono ughwa okosesemora amaitegherro aghëënyu amaiya, mo-sehakëri isyënyu ko okobhahiitökya mo-matashandighi ghonswe igho abhërë ghayö.

Okohonyora 2:5

Muhiite ghano mwaakoranga haara mwaankumiri. Mohongore ëbhëbhë ibhyënyu, mokore kya ghaara mwaakörrë ko-nkaagha eera. Hano motaahongore ëbhëbhë ibhyënyu, nindiisha nduusi-ho eketangora ikyënyu ikya okotoora-ko setara.